اصغير يم البيت يشتغل بي وكتله راح اقطع من راتب بنتك واخذ فلوس المحل وجذب اصلا اني ادفعلها راتب دكتوره مو موضفه بس حلال عليها جانت تشتغل بشكل يخبل وجانت مرتبه ونضيفه حيل ومرت الايام وعدلو بيتهم ورجعت الضحكه نوعا ما الهم وبيوم من الايام صحتها وحجينه
أني..ليليان
ليليان .نعم دكتور تفضل
أني .ليش متقدمين ع جامعه وتكملين
ليليان . دكتور ماعرف اذا يقبلوني
أني .ليش شگد معدلج جان
ليليان . حسب مااذكر جان 78. ضروفنه مسمحت نخلي مدرسين ودرسنه بمدرسه عاديه
أني .اي جيد حت لو تنقبلين باي قسم المهم تصير عندج شهاده جامعيه وحفزتها وكيفت
ليليان .زين استاذ والشغل
أني . الصبح جامعه والعصر وياي وانتي شاطره وشغلج مو قوي لدرجه متكدرين اتكملين من تجيني
ليليان . دكتور اني اشكرك من كل گلبي وربي يوفقك وتلاگي الانسانه اللي تسعدك
أني . ليليان اني لگيتها الهاي البنيه ودنكت راسي
ليليان . تقصد اختي بس هي ماتت
أني. صح حبيتها وتمنيت اتصير اليه بس اني اقصد عليج انتي اريدج انتي
ليلان . دكتور ثائر شتگول انت مستحيل هالشي انت متحبني بس لان اني اشبهها ودمعت عيونها واني هم وكامت وراحت
واني بقيت صافن وبعدني صدك احن للماتت لو احب هاي الواكفه كدامي وبقيت ساكت
ورجعت للبيت بقيت اتكلب بفراشي وقنعت نفسي انو اني احب ليليان مو ليان لان اني مشفت ليان شلون جانت بس باحلامي بس هيج حبيت انو اتكون اليه بس ليليان شفت كلشي وياها حت هي ساعدتني اطلع من اللي جنت بي
والصبح رحت وناوي احجي وياها واتفاجئت انو هي تاركه الشغل ومقدمه استقالتها تخبلت ومعرفت شسوي وفكرت اروحلها للبيت بعدين كلت لا هي من حقها تفكر هالتفكير انو اني احبها بسبب شبها لاختها وحت اني لو بمكانها هم جان فكرت هيج وكلت خلي ترتاح وهم فرصه اني اتاكد من نفسي ومر اسبوع بس فات عبالك 7 اسنين مو 7 ايام وشفت نفسي مااستحمل بدونها وقررت اروحلها للبيت ورحت واول موصلت لكيتها تلعب وي اختها ويرگضن بالحديقه اللي من يوم اشتغلت ترستها ورد وعدلتها ورجعت الها الحياة بعدما جانت جافه وميته وبقيت صافن اتأملها واضحك وشافتني واتجهت اليه وكالتلي هسه من عفتك هالاسبوع هذا تاگدت من نفسك انو انت تحبني لكوني اني لو للشبه بيني وبي روحي الماتت وجاوبتها طبعا لكونج انتي بس ماانكر انو لولا هي الله يرحمها وتعلقي بيها مجان وصلتلج ولاحت شفتج وهزت براسها ودموعها گامت تنزل مسحتهن بأيدي ودخلت شفت اختهن الصغيره وبوستها ودخلت لامهن وهم سلمت وطلعت رحت يم ابوهن كعدت وبقينه نسولف وحسبني مثل ابنه واكثر وبقه يتشكرني لان جنت سبب بتغيير حياتهم وسلمت ورجعت للمستشفى ورحت ع علاء لان جان گايلي محتاجك بشغله ضروريه ورحت وعرفت انو خطوبته وعرسه بنفس الشهر ومبقه شي ويريد يلحك ومحتاجني وفرحتله. وكملت ورجعت لاهلي.
