Naglakaw ko pauli samong puloy-anan, gadala sa mga litrato natong duha kay himuon nakog scrapbook regalo nako sa imo imong birthday sa Hunyo 15, 2017. Sakong paglakaw naa koy nakita na usa ka butang na naga simbolo sa imoa. Ning balik sakong hunahuna ang una natong pagkita. Ga yaka ka sa ilalum sa punuan sa mangga, ako gadali-dali sa paglakaw kay naa koy apason atong panahuna. Sa pag-agi nako sa imong kiliran nasangkilan nako imong tiil maong na dagma ko. Grabe imong katawa sa akoa murag wala nay ugma. Unya ako tawon nag antos nas kasakit sakong tuhod. Ayha raka ni undang ug katawa pagkakita nimo sa akoang samad na gadugo-dugo. Kita sa imong nawong ang pagkabalaka nimo sa akoa, wala ka kabalo sa imong buhaton. Sige kog tawag nimo apan wala man ka kadungog, murag wala naka sa imong hunahuna atong panahuna. Ni kuha kog bato ug gilabay nako sa imo. Naigo ka sa abaga ayha ra ni balik sa imong hunahuna ang mga nahitabo atong panahuna. Imong gitabangan og tindog ug gihatud sa among balay. Samtang naglakaw ta sige kag pangayog pasaylo, sige rasad kog ingon ug ok ra akoa mansad tong sala. Pag-abot sa balay, nag atang na sa purtahan si mama ug gipangutana ko nganung dugay kayko kauli ug na unsa na akong tuhod, Ni amen kog una ayha gitubag ang pangutana ni mama, ni kalit kag luhod sa atubangan ni mama ug ni ingon na.
"Te pasayloa ko ako ang sad-an maong na samad inyong anak."
Gi pa tindog ka ni mama ug nagstorya mong duha. Samtang gastorya mong duha ni mama, nagkuha kog First Aid Kit ug nagsugod pagtambal sakong samad sa tuhod. Wala ko kabantay na humana na diay mog storya ni mama, imong gikuha ang gapas sakong kamot ug ikaw na ang nagtiwas og limpyo sakong samad. Samtang naglimpyo ka ni storya ka sa akoa.
"Sorry kaganina, ako diay si Hiro! Ikaw unsay ngalan nimo?"
"Samantha ko Hiro, ok ra akoa mansad tong sala ganina wala ko kabantay nimo. Taga asa day ka Hiro?"
"Taga dira rako sa Aguinaldo street Samantha."
"Hapon na baya Hiro ako nay tiwas og limpyo aning samad."
"Sus tuo manka anang hapon uy ako ray tiwas Samantha ako baya ning sala."
"Ikaw gud. Salamat sad diay sa pagtabang ug paghatud Hiro."
"Way sapayan Sam."
Paghuman nimog limpyo imong gubutangan og bandage ang akong sama ug gilimpyuhan sad nimo ang gakalat na gapas. Sa imong paglimpyo gibadlong ka ni mama.
"Hiro nganung nanglimpyo man ka diha dli mana trabaho sa usa ka laki, niya bisita baya kanamo. Paglingkod lang diha tapad kang Sam, tan-aw lang sa mog tv kaw."
"Ako lang ning tiwason te hapit naman sad ni mahuman."
"Kabut-an na bata. Sige dira lang sa mo magluto lang sako. Ikaw Sam entertina na si Hiro basin maboringan siya."
"Oh lage ma."
Gikuha nako ang remote og gipa-andar ang tv. Paghuman nimog limpyo ning tapad kas akoa og ni tan-aw sad kag tv. Samtang nagtan-aw tag tv nanawag si mama sa akoa.
"Sam!!! Ali namo diri igna si Hiro mangaon nata diri rana siya pakan-a."
"Oh lage ma."
"Hiro diri ra daw ta kaon ana ni mama."
"Didto rako sa amo Sam uy."
"Sige na doh masuko gani nas mama ah. Patay jud ka."
"Sa amo ra lage ko Sam."
"Tug-an takang mama run sige ka."
"Sam ulaw kayo uy sa amo lang ko."
Ako kang gibitad pa tindog ug gituklod pa ingon sa kusina. Nangaon ta ug paghuman og kaon ni ingon ka.
