تعبني عشگ الشيخٌ ♣مِـگتُمِـلَہ♣

تعبني عشگ الشيخ بّآرتُ 1&2

#تعبني-عشگ-الشيخ 🔞
بقلم نورا (غدرني الزمن )
بعد يوم طويل ومتعب مثل كل يوم بايام الصيف الحارة في جنوب العراق ابيت الشيخ كامل ابو انور اجه الليل ونمنه انه وامي كعدت ع صوت امي شفتها تلبس شيلتها وتريد تطلع انه من النوع الي اكعد بسرعه ع اقل حركه
گتلها هاا يمه وين رايحه گالتلي نامي انت يردوني
يمه بيش ساعه هسه ويردونج
يمه هسه ب1:00
يمه بالوحده وكاعدين شيردون منج
يمه نامي انت اشوفهم شيردون واجي انه نامي انت تعبانه
زين يمه خل اجي وياج
ولج شتجين وياي نامي هسه اجي
خوش
طلعت امي من الغرفه
هي عبارة عن نص غرفه ونص مخزن مال مطبخ وبيهه حمام زغير وبيهه النه قريوله او جربايه حديد مالات كبل انام عليهه وحده الي وحده لامي
رجعت نمت وغفيت انه مثل مااكعد بسرعه انام بسرعه
نمت وبالحلم شفت جنه ابوي ببستان الشيخ كامل وشايل امي ورايح
وانه مثل المربطه لاانه كادرة امشي وراهم ولااحجي وياهم ولااصيح باوعلي ابوي بعيونه الحزينه المتعبه وراح اختفى بين الاشجار والزرع
فزيت ع صوت رمي طلق
كعدت اصيح يمه يمه ماكو امي تذكرت امي طلعت
لميت شعري انه شعري طويل كلش خليته بظهري جوه الدشداشه ولبست شيله واطلعت الغرفه هي الي انام بيها صايرة ابطن المطبخ
ظليت اصيح بالمطبخ يمه يمه وينج ماكو امي طلعت بعد البيت جبير كلش بيت الشيخ شفتهم ملتمين مرت الشيخ وابنه الجبير انور جان لازم بيده مسدس وابنه احمد الزغير ومرت اخو الشيخ الارمله رسميه اسمهاا گتلهم وين امي
الشيخ كامل دنك راسه ومااجاوب احمد جان كاعد بالكاع ومرتبك ويرجف الشيخ انور يباوعلي ويخزرني وبيده المسدس اتقرب عليه وسحبني من ايدي وجان اكو بندقيه بالگاع اسمها كلاشنكوف خله ايده ع حلگي وطلعني برة البيت مشينه شويه وجانت گمرة السمه ودخلنه لغرفة الحارس. شفت امي غرگانه بدمها والحارس هم مدمم وميت وگلي شوفي هي امج شوفي لزموها ويه الحارس وبهالليل والباب مقفوله من جوه عليهم اثنينهم وايده ع حلكي اختنكت ماكدرت اصرخ امي صورتها بقت مطبوعه بعيني وبخيالي وبروحي طبع وهي مدده وميته اخذني انور ودخلني للغرفه وكال بله صوت لاتلحكيهه وطلع وسدا الباب
موقف مهول صعب ساعتها ماحصلت طريقه بيها اعبر عن حزني غضبي ماعرف شسوي
انه ايه عمري 16جان بوكت هي الليله 👆😔المشئومه
ابوي يتيم من صار ابو انكتل بيد النظام السابق وامه ماتت بولادته وماعنده غير مرت ابو الي نكرته بقه من ايد لايد ومحد يريده اخذته مرة ماتخلف وع عين ابوي صار عدهه خلفه اللتهت بابنها وصارت تحبس ابوي وي الحيوانات الا شافته مره عجوزه وجان وكتهاا عمره سنتين اخذته وربته وزوجته بعمر زغير لامي
امي هم نفس حياة ابوي البائسه هم يتيمه ومحد الها
صار عدهم توم بنات سكينه ورقيه بعدها وجيت انه وراها هم صارت بنيه سمتها فاطمه وماتت العجوزه واجو الورثه حتى ياخذون البيت وطلعونه منه رحنا يم گرايب ابوي وخلولنا غرفه النا وصارت عدنا بنوته هم سمتها امي حياة بس هي ياحياة هي 😞
كرايب ابوي ماتحملونه وطلعنا من يمهم جان عمري 10ظلينه من مكان المكان
ومره من المرات من خلال تنقلاتنا تعرفنه ع ناس فقره وكاعدين بمزرعه فلح بيهه وجان عدهم غرفه للمكينه الي يسگون بيها الزرع كالو تعالو اكعدو بيهه كعدنه بيهه بس مو وحدنه كعدنه بيها مخلوقات غيرنه 😉هم تريد بيت جا ظلت عليها 😛
اشي صراصر اشي فيران وجريديه 😊وابو عرس تعرفون ابو عرس 😳يشبه الجريدي بس اكبر منه بشوي وذيله جبير مكفش جانت امي تگول ابو عرس نحس😳الي يشوفه ينفگر احنه من گاعنه منحوسين 😓المهم جانت اختي الزغيرة بعدهه بنت اربعين جنه نايمين بالليل وهي فرت من الباچي كعدنه الصبح شفنه ذانها مأكوله واحد من المخلوقات تعشه بيها اني جنت احبها والعبها ويايه انقهرنه عليها ماطولت يومين وماتت 😞
جانت اول صدمه بحياتي هي وبعمر زغير نصدمت بموت اختي وماجنت اعرف بعد شضاملي الوكت
ابوي طلع يدورلنا ع مكان من رجع كال لگيت خوش مكان اكو هنا شيخ محتاج واحد يساعده لان جان عنده رجال وشال من يمه انه اصير بمكانه استعدينه للطلعه وطلعنه
انه جنت الوحيده من البنات بالمدرسه احنه صح نتنقل بس نفس المنطقه والمدرسه نفسهه هي قريبه ابوي جان يوديني ع البايسكل ويجيبني جان يكول انت ذكيه ابقي درسي
رحنه لبيت الشيخ ونطونه بيت مال الفلاح الكبلنه البيت جان عباره عن هول وغرفه وحمام ومطبخ والسگف جان من جذع النخل ومغطى بنايلون المهم الحمدلله حوشنه مكان نستقر بي طبعا جان بستان كلش جبير وع شط وبي بيت الشيخ او ڤله تجنن كلش حلوة
مشت الايام واحنه بيت الشيخ. ابوي يشتغل بالبستان وحاجيات البيت وكلشي وانه وخواتي نلعب وانه اعلمهم يكتبون لان مايعرفون بس انه اعرف
عاد اجه يوم من الايام فگدنه اختي فاطمه ماكو دورناهه بكل مكان ماكو جان عمرها 8راحو للشط يدورون لكوهاا غرگانه انتكسنه كلنه ونصدمنه حيل هي ثاني اخت تروح منه امي تدك

#تعبني-عشگ-الشيخ 2
بعد ماطلعو فاطمه من الماي ودفنوهاا كلنه تنقهرنه عليها امي تدك وتلطم واحنه نبجي بس مو مثل قهر ابوي صعبه اشوفه منكسر ومقهور صح احنه بس بنات ومابينه ولد بس ابوي مايفرق ومايهمه يحبنه حييل بس مابيده شي ع العيشه
مشت الايام ومره دزو ع امي بيت الشيخ كالو الها تعاي عدنه شغل ساعدينه راحت امي لبيت الشيخ كملو شغل ورجعت كالت ابن الشيخ جاي من بغداد كمل دراسه وتخرج وسوو عزايم وذبايح ولجن لوتشوفن بنات الشيخ وامه الذهب الابساته يبي ماشايفه منه انه بقيت صافنه الله شكد بدي اشوف ذهب جانت احلامي بسيطه ماجنت اتمنى البسه جنت اتمنى اشوفه بس
مشت الايام وكالو اليوم عرس انور ابن الشيخ ودزو علينه حتى نروح نساعدهم انه فرحت كلت اي حتى اشوف خواته وامه شلابسات من ذهب رحنه للعرس وكلولنه وزعو ماي وكذا بعد عرس وهوسه عاد دخل العريس ولازم ايد مرته اباوعله لابس الزي العربي مال الشيوخ ونضراته الحاده الرجوليه وكله هيبه وثگل وعروسته كالو بت خاله هم شيوخ وماشاءالله متلتله ذهب
صار الليل عشو الناس كبل زفة العريس سمعنه هوسه احنه جنه بعدنه نكرب ونشتغل كالو مؤيد اتكهرب 😱😞
عزا تصخمنه امي ذبت البيدها وراحت تركض واحنه وراها رحنه شفنه ابوي صدك طايح وملتمين علي بس ماكو سلمهاا وراح لايفيد بجي ولايفيد صريخ راح حزام الظهر راح والينه 😥
تعجز الكلمات عن وصف فقد الاب
طلعنه من البيت جان ويانه رجعنه مو ويانه اخذ رب ارحم من هالدنيا تيتمنه وبقينه كاعدين ابيت البستان مالت الشيخ وننتظر الساعه الي راح ننطرد بيهه مشت الايام خلصت امي العده ودارت السنه بس ماحد طلعنه الشيخ ماقصر ويانه بشي
اجه الشيخ النه فديوم وكال اريد اجيب فلاح ثاني ويكعد بالبيت
امي گلتله شيخنه انا بشاربك وحيده وعندي بنات ايتام وين اروح

جاوبهاا لاتخافين يم البنات اخذكم يمي بالبيت وانت اعقد عليج وتصيرين مرتي وانت بعد كيفج اذا تردين الستر امي ماكدامهاا شي بس توافق عقد عليهاا وانتقلنه لبيت الشيخ جانت صفعه قويه لشيخه مرت الشيخ صارت تحوك المؤمرات ضد الشيخ مشت الايام وجابت خطابه لخواتي وهن عمرهن 13سنه خذوهم لولد اثنين خوان بس بالناصريه مو يمنه وانكطعت اخبارهن عنه امي حد اخر يوم بحياتها جانت تكعد تبجي عليهن وتكول الميت ادري بي جوه الكاع بس العدل شلون ومااعرف عنهن شي
اما انور وزوجته فماتهنو بزواجهم كل سنه جانت تسوي عمليه لحد ماشالو الرحم لان كلولهه مايفيد بعد مشت الايام وراح الشيخ كامل وابنه الشيخ انور للعمره صار هجوم ع البيت ونباكت فلوس الشيخ
وصارت طلايب الهه اول مالهه تالي كوه فضت وماعرفو منو البايك مره امي جانت واكفه تشتغل جان تكول هذا الحرامي من البيت سمعتهه شيخه وجان تلدهه ع حلكها وكلتله ولجج اهل بيتي حراميه ؟؟ ورزلتها رزاله ناشفه وعاقبتها
اما علاقة الشيخ بامي .فهي ع الورق وبس
نرجع للحاضر
مشت الايام صعبه عليه حييل حتى فاتحه ماكو لامي بقه شاغل فكري منو الي كتلها واحساس يكولي بريئه وماسوت شي وموهي التخون هي بزمن الفكر الي مرينه بي ومانطت شرفها بعد مو هسه مو كاصرنه شي
مره جنت لاهيه اشتغل مثل كل يوم صاحتني شيخه
وكالت خلصي البيدج وتعاي جانت كاعده هي ونهله مرت انور
ونهله حاطه رجل على رجل وتهز
خلصت ورحت كتلهاا تفضلي عمه
شيخه :اسمعي ولج اليوم العصر يعقدولج ع الشيخ انور خوش
انه بقيت صافنه شنو يعقدولي شنو شيخ انور
شيخه :باعي ولج مو فرحتي تدرين نهله ماتخلف راح يعقد عليج حتى ياخذج الليله حتى تخلفين 😳
يله روحي
طبعا مابيدي شي ابد لاارفض ولااشي ...صاحت لرسميه
رسميه حضريههه
نهله وره شويه اجو خوانهه خذوهه خطيه لاتنجرح مشاعرهاا 😏
وصدك صار العصر اجه سيد عقدلنا خذتني رسميه ووعدلتني وحضرتني صارت ب10بالليل جابتلي سيت نوم ويا روب لونه بصلي كالت هذا اشتريته ومالبسته توفى المرحوم
شيخه شافتني وظلت تباوعلي من فوگ الجوه
شيخه : اي اخذيهه للغرفه الفوك الحضرناهه الهم
صعدت ويا رسميه الفوك گلتلي يله لبسي السيت انت بعد مرته هسه وانت ماالج احد شسوين هذا حضج بلكي انور يعاملج زين ويعطف عليج
انه بس اهز براسي اي اي
طلعت وخلتني اباع للغرفه اثاث مرتب وحلو جان فكري صافي ماعرف ذيج اللحظه مافكرت بشي احس الوقت يمشي بدون مااحس بي بقيت واكفه بالغرفه وماتحركت ظهري جان للباب
انفتحت الباب اشتميت ريحة عطر عرفت هو دخل وگف الوگت اول فكره اجت ابالي شون راح اتقبله وهو قاتل امي غمضت وادعيت ربي يارب اذا هو القتل لاترزقه طفل مني دخل فات للغرفه وانه ع وكفتي ماتحركت ولاباوعت اله بدل ملابسه وراح نام ع الجربايه واحسه يباوع عليه انه جنت معليه نضري الفوك ومااباوعت اله ابد
الشيخ انور ...سلام ....الشيخ انور وياكم اني عمري 29سنه حياتي گضيتها بالدراسه ببغداد وتخرجت بس ماسويت علاقه حب ابد ماحسيت بالحب وي اي وحده بس صداقه تخرجت ورجعت لديرتي
يتبع