تعبني عشگ الشيخٌ ♣مِـگتُمِـلَہ♣

تعبني_عشگ_الشيخ"10

#تعبني-عشك-الشيخ 10
بقلم نورا غدرني الزمن
بيج قصص ليل وعشك
ايه :ظل يباوعلي
انور : شنو هي مخليه مكياج اول مره اشوفج بي لتبجين لينمسح
ايه :😢😊
انور :صايره هواي تبجين
ايه :ماادري لان حامل يمكن انور لاتخليني اكل بروحي كول منو كتل امي
انور :تعاي هسه مشتاقلج وبعدين نسولف
ايه :نومني برقه ع الجربايه انور وعد تحجيلي ؟
انور :وعد بس هسه اكيد تنقهرين خليني اشبع منج ولو مينشبع
ايه :خوش
صار عليه ويباوعلي انور :ولج مشتاقلج كلش
ايه :انه هم مشتاقه الك موت
انور :جذابه لو مشتاقه الي متبتعدين عني وتصديني
ايه :انت رحت بدون ماتحجي ولاتودعني وهملتني اخر فتره حتى ماسئلت ولاتجي يمي
انور :اممم هسه راح كولشي اكولج بس اريد اشوف بطنج كبرانه
ايه :هه لا توه 3اشهر بعدهه
انور :فدوه ولج هي شنو كبرانه شوي بس انت ضعفانه حيل
ايه :اي من القهر
انور :امم اسم الله عليج من القهر حبيبي المهم يصير ممم وانت حامل خاف تتاذين
ايه :لا يصير مااتاذه بس مو هنا بغرفة نهله
رحنه ع غرفتنه خلصنا وكعدنه نسولف
انور :من اجتمعنا اني وامي وابويه كالو اروح ارجع نهله امي كالت هي ندمت ع الحجي الحجته وخوانه هم واحنه اهل ومن هالحجي انت تعرفين كلمة ابوي وامي مااكدر ارفضها رجعتها كالت الي انت كلش هاملني نوم ماتجي يمي هانت عليك العشره هي 7سنوات وياك وبت خالك مو غريبه وظلت تبجي صدك اني انقهرت عليهه هواي هملتهه كلت نطلع اونسهه
قبلهه جنت اجيلج للغرفه انت نايمه ولاتدرين
حتى من ردنه نسافر الفجر اجيت اودعج شفتج نايمه بستج وطلعت
ايه ؛😳ماحسيت
انور :مو مشكلتي المهم ايه نهله هي مرتي وانت اجيتي عليهه لازم تحترميهه حبي
ايه كعدت بحظنه وحظنته مو بيدي احبك اغار مااكدر اتحمل اشوفك يمهه
انور :غيرتج قاتله دمرتني شكد تحملتي كتل ع هالغيره
ايه :اممم اي كول بعد منو كتل امي
انور :راح اكول بس باعي مشاكل مااريد خوش
ايه :اي
انور :عيسى اخو نهله تذكرين بليلتهه جان بايت هنا
ايه :ماشفته يمكم
انور :صح اجو جماعه يستفسرون ع الرمي وراح يمهم يطمنهم ماكو شي
عيسى يكول مااجاله نوم وطلع يدخن بره شاف امج دخلت لغرفة الحارس وبعد ماطلعت يكول راح للغرفه ظل يطلطل ويتسمع سمع اصواتهم راح يدور ع الحارس مالگاه يكول اخذ بندقيته وكسر الباب عليهم يكول ماردت اكتلهم بس شفت الحارس هم بيده بندقيته وجه علي خفت لايصوبني رميت علي وانكتل وامج هم لاحها لان ظلمه جان وبس لايت بيده ماشاف شي بعدهه انتبه
ايه :اووف الله يقصف عمره النذل والله جذاب ياربي امي ماتسويهه اعرفها اكثر من روحي انه وظليت ابجي
انور :المهم الحارس من غير عشيره واتفقوا ويا عشيرته على انو غسل عار وانطم الموضوع
ايه :امي مظلومه 😞
انور :الباب جان مقفول من داخل احمد جان موجود وقتهه ويا الفلاح شهدو يعني عيسى ميكذب
ايه :احمد هذا مو طبيعي اخوك ضامله ضميمه مو خالي
انور :اتركي كلشي للايام
مشت الايام
نهله :انور ماتدري شكد متلهفه انه حتى اشوف ابنك واخذه بيدي كلش متلهفه لان الله ماقاسم يرزقني اطفال حاسه ابنك هم ابني الي
............................
ايه :فد ليله اجه انور يمي وكلي الطفل انت ونهله تهتمون بي
ايه :نعم نعم واالله ريحته ماخليهه اشمه جذابه هي حيه ملعبه ام راسيين واخوها جتال امي لو تنط ماخليهه تشوفه
انور :هي شبيج ايه لاتنسين زواجنه شنو جان الهدف منه ونهله قبلت اتزوجج وقبلت تبقين ع ذمتي هي لاتنسينهه
ايه :ماكو انور ماكو انت وعدتني ماتحرمني منه
انور :مااحرمج منه هو هنا وين رايح يمج مو بعيد
ايه :ما ماكو ماانطي الهه ولاتشوفه
انور :ايه مو بكيفج لاتعاندين وبعدين احنه نسويلنه بعد واحد شكلتي
ايه :لا والله تنطي الهه لو تموووت ماانطي الهه ابني والله اشرد منكم وبعد عمرك ماتلكاني
انور :تخبلتي وين تولين بالله منو عندج
ايه :ارض الله واسعه
انور :والله اجيبج لو تطيرين وساعتهه اذبحج ذبح بايدي هي
ايه :لعد اثبتلي برائة امي وانطيكم روحي مو بس ابني
انور :شون اثبتها بالله واكو شهود والباب مقفول من جوه سدي هذا الموضوع وهذا هو خلص اتفقنه نهله تستاهل الطفل لان موافقه ع كلشي وافقت ابقيج ع راسها لو غيرها ماتقبل
ايه :وانه كتلك انور اشرد منا واخذ ابني غير رايك كررتهه مرتين وماادري الحيطان الهه اذان
انور :والله يا ايه قسما بالله اذا كلتي مره ثانيه هالحجي احبسج ومن تولدين اخذه واطلكج واوديج يم خواتج هي اني حذرتج وانت كيفج بعد لعبتي نفسي بكلشي ماراضيه وين مودي هو يمج وانت راح ترضعينه وتظلين امه وهالنقاش انتهى
طلع انور ظليت بحسرتي شون ياامي مقفول الباب من جوه شون راح اثبت برائتج مشت الايام كبرت بطني نهله يوميه تسالني شكد عليه وتكص ع انور بهالكلام المعسول وجهزت للطفل كل شي من ملابس وفراش وكاروك كملته من كلشي وسوت نفسهه عود زينه وخلتهم بغرفتي كالت لان راح يبقى يمج بالاول ترضعي

10
دخلت بشهر 9اجت نهله فد يوم سالتني شكد عليج جاوبته 15يوم بشهر 9
جتلي يوم ثاني وكالت
نهله ؛ايه يمته تجيبين والله متلهفه ع الطفل شراح تسمونه ماتدرين شكد فرحت من كلي انور ايه قبلت تنطي الج
ايه :انه نططت عيوني 😳شنو شنو ولج تحلمين انت ويا جان وكتها نفسيتي تعبانه وع وشك ولاده وثكل
ولج اخذه واشرد تحلمون بعد تلكوني تحلمين تاخذين ابني والله اشرد
شويه ودخل انور سمع كل كلامي انور :ولج ايه بعلو صوته
ضربني بوكسي ع ايدي عورني لزمت ايدي من الالم انور ؛اني شكتلج ها شكلت
لزمني من شعري وظل يهدد ويغلط ويسب
نهله :عوفها انور لاتجبرها حقها ابنها هذا وحقها وراحت سوت روحها متاثره كلش
خزرني انور وكال اذبحج والله اذا كررتيها
افتهمت هي متقصده تستفزني وتسمع انور حتى يجي يرزلني انه لساني متبري مني عميت على روحي بلساني وجنت تعبانه والحمل تعبني
وراها بيوم شيخه كالت الرسميه روحي وي الشيخ للسوك مابيه اطلع انه جيبيلي غراض
طلعت رسميه
جنت بالمطبخ اشتغل اجه ولد زغير كلي رسميه والشيخ اجو روحي نزلي الغراض
وياهم
طلعت رحت وصلت يم الباب شفت سياره ماكو احد يمهه وبابهه مفتوح هي وسط تصير مو زغيره ولاجبيره وبابه سحب (سلايد)
كلت خاف هي السياره الاجو بيهه رحت اطل بيهه حسيت اجتني ضربه ع راسي قويه ماحسيت بعدهه باي شي
يتبع