تعبني عشگ الشيخٌ ♣مِـگتُمِـلَہ♣

بارت_12

#تعبني-عشك-الشيخ12
بقلم نورا غدرني الزمن
ايه :وصلنه لبيت خواتي بعد طريق طويل متعب دكينه الباب طلع زوج اختي تفاجأ رسميه سلمتني اله وراحت مادخلت وياي انه حتى ماسلمت عليه ظل يباوع عليه خير خويه اكو شي
انه بس دموع بحلكي غصه ولساني عاجز تعبت من الحجي وماالي خلك احجي اي شي بداخلي بركان من الغضب وماكو شعور بداخلي بس بالحاجه للانتقام اجن خواتي مصدومات شبيج ايه ولج شنو صار انه 👈😶
اخذني داخل للغرفه يحجن وياي مااحجي بس ابجي اصلا مااسمعهم صدمني انور ماوكف وياي ابد والاقسى كلماته القاسيه
سكينه :ولج احجي شبيج انور مات
رقيه :يا شو ساكته ولج شمسويه من مصيبه
ايه :اريد ارتاح 😠خلوني بحدي
طلعو وبقيت وحدي بالغرفه كمت اباوع لروحي بالمرايه واتذكر كل كلمه كالهه انور الي مسحت دموعي ووعدت نفسي وابني البعيد عني بس روحي يمه وترعاه اكيد وامي الروحها يم ربها راح اخلي يندم على كل كلمه كالهه وكل ضربه ضربني وراح اشوفه ايه منو الي حبته ونطته كلشي وهو من اول مشكله عافها وتخلى عنها الاحساس بالظلم موجع ويخلي الحقد والغل يترس كلبك

مر من الوكت فتره طلعت لخواتي وحجيت الهم كل شي بس هالمره بدون ولا دمعه ودعت الدموع مامنها فاايده هسه وقت التفكير والتخطيط والانتقام نهله مو اقوه مني حتى تفكر وتخطط انه الاقوه لان الظلم اقوه حافز يخليني انتقم
مرت ايام وراح تخلص مهلة العشر ايام الي انطانياهه انور حتى يجي يتصرف وياي صحت
ايه :رقيه وين الهدوم الجيت بيهم
رقيه :شلج بيهن
ايه :حضريهم الي بعلاكه
وبلكي تكولين لثامر (رجل رقيه)يوصلني لديرتنه
رقيه :شصخمين بعد
ايه :ادور على ابني اخذ حكي وحك امج المظلومه
رقيه :يامصخمه كعدي وسكتي ولج شيفكنه من شيخ انور يهججنه والله لحكي سكينه لحكي اختج المخبله
ايه :شوفي طز بانور وطز بيكم شلع قلع واذا رجلج مايوديني انه اروح شنو قابل بامريكا هي شو هنا وجيبي الهدوم يله
سكينه :ايه كسري الشر وكعدي تاني رجلج يجي وهو اكيد هسه تصرف وبلكي لكه ابنج ويجيبه صبري
ايه :طز بي وبعشيرته كدرته بس عليه جي ماعندي ظهر شوفي الله وياي هو يرحمني وهو يحميني ويفكني وانه رايحه ماعلي باحد خمطت عبايه معلكه وخذيت هدوم المره البستهن الي
رقيه :مخبله انت مو صاحيه
ايه :ولج ياعقل يظل براسي ولج ها ولج جهالج بحظنج وشابعتهم بوس وحظن ورجلج يباوع لحلكج من تطلبين شي وينفذه الج ومحد يشاركج بي ماشفتي امج من ماتت ولج من اغمض عيوني لهسه اشوفهه مدمايه ضنااي ابني جرو من روحي وخذو وصوته ماسمعته حتى اعرفه بنيه لو ولد
شيظل عقل يظل عزه يظل ظيم
ظلن يبجن اثنينهن ونقهرن عليه
ثامر ماكال شي وكال يوصلني خواتي شالن فلوس ونطني نقهرت على حالي رقيه وسكينه ازواجهن على كد حالهم شغلهم بين يوم ويوم بالمخضر وانه رجلي شيخ وعدهم فلوس الدنيه واملاك الدنيه وهنه انطني فلوس هزني هذا الموقف حييل وكتلهه مردوده اردهه الكم كالن لا ماكو فرق بينه
طلعت منهم ثامر اجر سيارة وانطلقنه وانه افكر بالي راح يصير وشون راح اتصرف
نزلت يم بيت المره الي دخلت عليهه كال ثامر مامحتاجه شي كتله لا ماقصرت خويه الله يرزقك ويفرجهه عليك ويحفظك
راح بالسياره باوعت شفته ماله اثر رحت صوب البستان الي انخطفت بي كلي امل اشم ريحه لابني اسمعله صوت حتى لو اشوفله كبر بس المهم مايظل حسره بعمري مااعرف عنه شي رجعت امشي بنفس المكان بس مو نفس الخوف بعد ماكو خوف اكو قوه
رحت ماشفت للغرفه اثر بس اثار حرك يعني حاركينهه لعنة الله عليهم
رجعت للمره ام سلوان شافتني سلمت عليهه دخلتني بس استحيت اكللهه ابقئ نطيتهه هدومها
ام سلوان :صدك جذب ايه شسالفه يمعوده رجعتيهم
ايه :خاله مايصير وعدتج
ام سلوان :شصار من سالفتج ايه
ايه ؛حجيت الهه كل شي وكتلهه انه اريد مكان ابقى بي كالت انه راح اوديج يم اختي هنا جريب علينه
كتلهه خوش اختهه ارمله
رحت يمهه رحبت بيه وعرفت سالفتي
هي عدهه بنات اثنين بس واسمهه ام زهره
اجه الليل
خليت راسي ع المخده افكر شراح اسوي اريد رسميه اقنعها بلكي تفك حلكها وتحجي
البيت بناء طين بسيط هول نمنه بي وشباج بي
بقيت اتكلب عيني ماتاخذ نوم وجان اسمع طفل يبجي كمت ع حيلي فتحت الشباج ادوور وينه هذا الطفل ماكو صوته ترس اذني كمت فتحت باب الحوش طلعت بره اسمع طفل يبجي بقيت ادور داير الحوش البره تالي صحيت ع نفسي هذا ابن الجيران يبجي انه شجاي اسوي قابل الگاه هنا هو كل طفل يبجي ابني 😞الله يعلم وينك
رجعت انام يادوب ساعه وحده نمت
كعدت الصبح
كعدو هم صبحت عليهم
ايه :ام زهره البارحه اسمع طفل يبجي
ام زهره :اي هي ام حسنين توهه جابت ولد ولاحجت ولا كالت حامل جابت يالله عدهه ولد واحد عمره 9سنوات وهسه صار ولد
دزيت ام زهره لرسميه
وجابتهه للبيت
ايه :رسميه فدوه احجي ونقذيني
رسميه :ايه انت شجاي تسوين بروحج انسي الموضوع ورجعي للبيت وكولي لانور مات

مات ابنك وفضيهه
ايه :شكلولج انه رسميه الخوافه التسكت ع الظلم ولج رسميه انت شيطان اخرس ولج انت وجه ثاني للظلم هي اذا ماا مشتركه وياهم بكلشي انت
دمعت رسميه وبجت
رسميه :الله يسامحج ايه حقج والله دمج محروك الله يساعدج
ايه :طلعي يله عبالي بيج خير وانتكل عليج الله لايوفقج
اعصابي تعبت منهه طلعت من يمي بس انه احبهه بس شسوي
كل يوم بعيد عن ابني يموتني كل موقف يذكرني بي وحتئ الحليب الي بصدري ياذيني مااكدر انسه ابد
تذكرت الحارس ابنه جان يجي ويا عمره 12او اكثر او اقل قررت اروحله هو بديرة بيت شيخ كامل اسال ومااتيه لفيت وجهي حتى لحد يعرفني ورحت ماادري منين اجيب هالقوه عاد طحت بي دكيت الباب طلعت مرته دخلت وحاجيتهه
وحجت الي شكايل الهه رجلها كبل لايموت
مرت الحارس :اجه ابو عبدالله بالليل ويحاتي صفنه تجيبه وصفنه تودي كتله شبيك كال اجه مرسال للشيخ كامل من كرايبه وجاب اوراق كال بيهه تثبت ورث ارض جبيره للشيخ كامل واخو حسين بس اولاد الشيخ مزهر جانو موجودين وعرفو الاوراق وصلت للشيخ بس الشيخ بالعمره هسه وكلولي لاتكول ع الارض شي للشيخ كتلهم انه الشيخ مامني شون اخونه المهم هددو ابو عبدالله وصار الصار
اما ابنها كلي
جنت جاي ويا ابوي لبيت الشيخ دخلت للغرفه مالته هو مموجود سمعت صوت لبدت جوه الجربايه نوب دخلو سمعتهم يكولون نخلي واحد يدخل ويقفل الباب عليهم من جوه من نطفي الكهرباء ويلبد وكعددو يخططون بس انه ماشفت وجوههم
كتله لعد تروح وياي تحجي هالحجي
امه كالت لاعيني اخاف علي انه
انه نططت عيوني عليهه ولج هي عشرت عمر ولج هذا رجلج منين بعد تخافين ولج دمه وسمعته هي
هي ظلت صافنه عليه انه انتبهت الروحي اووف منك يلساني ماتجوز 😞