ngiti mo ay liwanag ng aking buhay;
sa madilim kong mundo ay kumukulay.
at sa oras na ako ay nalulumbay;
hinahanap-hanap ngiti mong pamatay!
at kapag ikaw ay aking nasilayan;
tila huminto aking puso't isipan.
ngunit nang ikaw ay biglang lumisan;
lubos ang nararamdamang kalungkutan.
ikaw ang tanging dahilan ng paglaban;
sa nararamdamang lubos na kalungkutan.
ang tangi kong hiling ay sana'y pakinggan;
huwag baliwalain aking naramdaman.
o giliw, sana'y magbalik na sa akin;
nang mapawi ang lungkot sa'king damdamin.
tanging ngiti mo lang ang gustong mapansin;
nang mga mata'y marubdob sa pagtingin.
ako'y maghihintay sa iyong pagbabalik;
para ika'y masulyapan ng tahimik.
hindi mapakali ang puso kong sabik;
kailan kaya ang iyong pagbabalik?
