هاد المرة بعيد على les slam's وعلى القوافي وكلام المعاني.. بعيد على les instrumentals وعلى الغيتاار.. هادي أنا #أميمة ماشي lagorixà...
هادي البنت لي شافتك اول مرة كانت من بعيد.. اميمة لي شافتك تحت الشتا وانت ب t-shirt وكاتقلب عليها فوسط الضباب والناس لي دايزة تجري.. اميمة لي كانت تفرج فيك ومن بعيد.. لابسة جاكيطة ديالي ومسخنة يدي فجيابها كنتفرج فيك ونضحك.. اميمة لي ماعرفتش واش كنت متكبرة ولا كنت أنانية ولا كنت حمارة..
كنت حاسة بلي غادي يجي هاد النهار لي غادي نولي نتفكر فيه الماضي كامل دقيقة بدقيقة.. كنت عارفة بلي غادي تطيحني فالشبكة ديالك هادشي باش بقيت بعيدة وماحاولتش نقرب ليك داك النهار..
تفكر معايا اول مرة تلاقينا فين كانت!؟ اه تمااااا... قدام المدرسة لي قرينا فيها بجوج فاش كنا صغار.. تفكر معايا كيفاش كنا كنهضرو وكيفاش كنا كنضورو وبلاما نحسو الوقت سرقنا.. تفكرتي؟!! رجع تفكر معايا حتى فاش قلت ليك خااصني نرجع للداار وفي عينيك شفتك ماساخيش.. رجع تفكر معايا حتى نهار شفتك بالصدفة فحمرية داك الصباح... سلمت عليك وتحركت.. كانت آخر مرة شفتك فيها.. مابغيتهاش تبقى آخر مرة.. تمنيت كون يرجع يتعاود هاداك النهار وتشدني من يدي وتطلب مني ما نمشيش.. عااقل؟؟؟
شحال من مرة تلاقينا صدفة فحومتي؟؟ شحال قادر تعطي باش ترجع تعيش لحظة وحدة من هادو لي فاتو؟؟ انا عمري كامل حياتي وماتكفيش.. كون يرجع بيا الزمان اللور تيق بيا ماكنتش نتهرب منك...
اليوم 16 juillet
اليوم عيد ميلادك.. تمنيت كون كنتي هنايا ودوزنااه مجموعين.. أول عيد ميلاد حبيبي وحنا بجوج يا سلااااام ولكن للاسف.. عاارفة ماشي من حقي اليوم نتمنى شي حااجة... اليوم نهارك بوحدك... ولكن تماديت شوية ههه وتمنيت يكون اول وآخر عام نحتافلو به وحنا مفارقين.. تمنيت ربي يفرحك الايام الجاااية وعمرك كامل.. طلبت من ربي مايحرمني منك.. ونهااري ان شاء الله يكون قبل منك...
عيد ميلاد سعيد....
حبيبتك أميمة...
