فتاة لامكان لها ورجل يقسم على حمايتهاا (مكتملة )

حياتي القاسية

احب انا اعرفكم عن نفسي اني اسمي  رناا رح احجيلكم عني من جنت طفلة الى ان صار عمري 15طبعاا اول شي احجيلكم شي عليةة اني عقلي طفلة لااعرف اقرا اني مدرست. لا العانيتة خلاني ما ادرس لان حياتي حيل صعبة وهسة راح احجيلكم علية وبعدهة البطل رح يعرفكم على نفسة
اني حلوة وناعمة كلش وكلشي بية زغير ابوية مات قبل لا تولدني امي وبعد مرور خمس اشهر اجيت على الدنياا وامي رادت تزوج انطتني لصديقتهاا ام مريم هية ربتني وبعدهاا امي ازوجت وعافتني اذكر اجت زارتني مرة وحدة وبعد ما اجتني ابد لان زوجهااا ميقبل تجيني
وبعد مرور ستة سنوات من زواجهة امي ماتت
واني عمري صار سبعة وصارت ام مريم هية امي بس اني ممرتاحة لان ادري بيهة مو امي
بعد وفااة امي ضل زوج امي كل مدة يجي يشوفني ويروح وضل على هل حالة مدة اربع سنووات
يعني صار عمري دعش سنة 11فديوم اجة زوج امي
وگال لام مريم user91147002«الكاتبة toma-toma »
زوج امي الي اسمة حسن :اني اليوم اجيت حتة اخذ رناا
ام مريم : يمةة ابنيتي وين اتريد تاخذة
حسن : اول شي هية مو بتج وبعد ما امهة ماتت اني صرت كفيل عليهة وهسة اني اريد اخذهة تعيش ابيت اهل امهة
ام مريم : حتلوو هوة مو اني الجايبتهة بس اني الربيتهة وهية بنتي واذا صدگ تريد تاخذهة لبيت جدادهة اني راضية
حسن :اي لعد شعبالج اني اوديهة لبيت جدهة لان هية خطية ماعدهة احد اوديهة احسن
ام مريم : اي الله يخليك دير بالك عليهة
حسن : اي بعيني اخليهة
راحت ام مريم تصيح رنا وتحضرلهة ملابسهة حتى تروح لبيت جدهة حسب ماگال زوج امهة حسن
حسن : يلا رنا بابة امشي خلي اوديج لبيت اهل ماما
رناا : صدوگ عموو رح توديني لبيت جدوو اني حيل فرحانة
حسن : اي حبيبتي يلا مشينة

طبعا حسن اخذ رناا لبيتة وضلت رناا ابيت حسن لمدة
ستة اشهر ويومية ادگلة عمو شوكت اروح لبيت جدو
انتة موگتلي راح اوديج اشو انتة ماخذتني الهم
اماا هوة جان يتشرد من الجواب ويگللهة باجر
الى ان اجة فديوم هوة ويا رجال فوتة للبيت وصاح على رنا
حسن : رناا رنااا وينج بابة تعالي user91147002«الكاتبة. toma-toma »
رناا : ها عموو
حسن يحاجي الرجال
هاا شفتهة هاية رناا تفيدك شوفهة شلون حلوة
الرجال : اي لعد اني اخذهة
وبعدين اجة حسن لرنا وگللهة
رنا حبيبتي هذة عمو اجة حتى ياخذج لبيت جدو روحي وياا ولتضوجينةة
رنا : اي عمو لعد اني راح اروح وياا علمود اشوف بيت جدو
الرجال : اي حبيبتي همة جوارينة يلا تعالي نروحلهة
رنا : هاا يلا لعد امشينة
راحت رناا وية الرجال الغريب
والي متدري رناا انو حسن باعهاا الى هذة الرجل
وهذة الرجل هوة عبارة عن تاجر يبيع ويشتري البنات وهنة باعمار صغيرة
واخذهة الرجل الى بيتة ورنا كل ضنهة هذة بيت جدهة
الى ان فاتت للبيت ولگت بنات بعمرهة ولگت مرة جبيرة رنا عبالهة المرة الجبيرة امهن بس طلعت مرتة للتاجر الي يبيع ويشتري بالبنات
وبعدين گلتلة عموو وين بيت جدو
الرجال : امشي لج يابيت جدووا اني شتريتج وانتي هذة مكانج فتهمتي لولا
رنا ببكاء : عموو عليك الله اريد ارجع لمامة ام مريم
جان تضربهة راشدي «كف » مرتة «زوجتة »
وتگللهة
اسكتي بت الكلب احنة شتريناج بتلث ملايين تردين تخسرينة فلوسنة يلا امشي ولي من خلقتي لا هسة اموتج على ادية والله
بعدين صاحت على ابنية تجي تاخذ رناا
واجتهة البنية الي اسمهة امنية وحاجتهة گالتلهة تعالي يبنية نروح للغرفة حتى اتعرف عليج
رنااا ببكاء :ا هئ ا هئ اهئ اني اريد اروح لمامة ام مريم
امنيةة: اسكتي نصي صوتج لان اذا سمعوج ايكتلونج
رناا : راحت وية امنية وگعدن وحجتلهة امنية على
نفسهة وحجتلهة على التاجر الي يبيع بالبنات وحجتلهة على مرتة «زوجتة » يعني فهمتهة كول شي
رناا ببكاء : يعني هسة اني بعد ماارجع لمامة بعد ماروح لبيت جدي يعني هسة اني هذولة الناس باعوني ياالله دخيلك ساعدني اني ماعندي غيرك
وضلت رناا بيت التاجر مال بنات لمدة اسبوعين
وبيوم اجتهة مرة التاجر «زوجتة » وجانت جايبة وياهة ملابس بس هاي الملابس جان تكشف من الجسم اكثر من ما تغطي وبعدين صاحت على رناا وامنية بعتبارهن
ازغار والناس وبالاخص التجار يحبون هيج اعمار مثل اعمارهن
جان دگللهن يلا تعالن البسن هاي الملابس لان فدشوية
يجونة زبون عليجن
اجن امنية ورنا يشوفن الملابس وجان ينصدمن من الملابس لان هنة محجبات بعدين رنا گالت الهة
خالة اني مامة ام مريم متقبل البس هيج اني ماالبس هاي الملابس لان عيب الناس تشوفني بيهن
زوجة التاجر مال بنات : انجبي لج اني مطالبة اذنج حتى تلبسيهن يلا امشي لبسي وبلا لغوة زايدة امشي
ودفعت رناا بس رنا ضلت على موقفهة وملبست
واجتي زوجت التاجر مال بنات وشافت رناا ملابسة
جان دگللهة
ولج حيوانة اني تعانديني خلي اشوفج شنو يصير بيهة لتكسر كلامي
راحت وجابت جمراية وبعدين جوت بيهة ايد رنااا
user91147002
«الكاتبة toma-toma»
 
رنا : من جوتني حسيت عبالك روحي طلعت من جسمي ضليت اصرخ ابجي وهية ممهتمتلي يعني الشعور الشعرت بي مااتمنى لعدوي
امنية : يلا حبيبتي رناا لاتبجين عليج الله وضلت تبجي
يعني انتي ليش اتعانديهة ليش ملبستي
رناا من بين الوجع والبكاء : والله لو تنگلب الدنيا اني ماالبس هيج لبس
زوجة التاجر : شوفن لعد الا اخليجن خدامات واذلجن مادامجن متسمعن كلامي
رنا : اصير خدامة ولا اسوي شي حرام

ضلن رنا وامنية ينضفن ويمسحن ويكنسن وميتات من الشغل لان ابد ميرتاحن لكن الخدامة انقهرت عليهن
وقررت اتساعدهن وتهربهن
وهنة هربن ونطتهن الخدامة فلوس يركبن بيهة تكسي يرحن بي للمركز
راحن للمركز وحجن كلشي الهم والشرطة گلتلهن حافضات ارقام اهلجن
ولحسن الحض هنة حافضات ارقام اهلهن
واتصلت امنية لاهلهة واجو اخذوهة بعد مجانت مخطوفة من قبل مرتة للتاجر اما رنا
اتصلت بام مريم واجتي ام مريم اخذتهة بس جانت ممطمنة لرنا تبقة عدهة جانت خايفة ليجي زوج ام رنا حسن وهم ياخذهة ويبيعهة طبعا ام مريم درت بحسن باع رناا
قررت ام رناا تروح لابن گرايبهم من بعيد الي جان دائما يجي لام مريم طبعاا رنا صار عمرهة 15
وهوة البطل المنقذ لرنااا هسة نحجي عليه

اني اسمي هادي عمري 25 عندي محل مال ذهب مالي اشتغل بي ابوية وامي عايشين وعندي اخت اسمهة هدى عمرهة 18
شكلي طولي زين اسمر. سماري حنطاوي عيوني كحلية على ابوية وجهي مدور على امي بختصار ينطلع بية «ههههههه» لا يعني جمالي زين لكني لا ضعيف ولاسمين اما شخصيتي فأني عكس اسمي يعني موهادي اني عصبي واتعصب من اثنة كلمة لكن بداخلي رجل طيب حنون يحب اهلة
امي اتنگ علية بالزواج واني مابي حيل اشيل مسؤلية مرة لكن اجتني گرايبنة ام مريم واني اعزهة حيل واحترمهة وطلبت مني طلب
ام مريم : هادي اني اليوم اجيتك بطلت واتمنى ماترجعني خايبة
هادي : لا خالة شلون ارجعج خايبة انتي امري واني انفذ
ام مريم : يابعدعمري انتة اني اجيتك علمود بت صديقتي رنا او بتي
هادي : ي خالة شبيهة
وبعدين حجتلة ام مريم قصة رناا من بداية طفولتهة
وحجتلة على كلشي صار وياهة
هادي بسرة : اني انقهرت على رنا حيل خطية هاية البنية العاشتة محد يتحملة
هادي : اي خالة واني شنوو العلية اسوي
ام مريم : اني اريدك تزوجهة
هادي : شنووو 😱

___________________________________
هذة البارت الاول اتمنى يكون نال اعجابكم
حبايبي اليريدني اكمل يصوت ويعلق للرواية
واذا معجبتكم اني مستعدة احذفهة
واحب انوه ممنوع احد ياخذ روايتي من دون اذن مني
يلا باااااي فديتكم