فتاة لامكان لها ورجل يقسم على حمايتهاا (مكتملة )

ابتلت رناا بهتلر ام المشاكل

ام هادي : جااغير بعد بس سنة وازوج هادي مثل ما تدرين انتم زواجكم بس على ورق وبس اسمكم مزوجين گدام العالم
رنا : اي عادي عمةهادي اني گتلة ازوج.وما اتدخل بحياتة
ام هادي : عبالي ضجتي لان انة راح ازوج هادي
رنا : لا عمة عليمن اضوج هادي اني اتمنالة الخير

ام هادي: هاا جا هسة انتي روحي غسلي اماعين ومن تخلصين سويلي استگان جاي لان راسي ضل يوجعني من ورة وحدة ابالي يلا روحي
رنا : حاضر عمة  اتأمرين امر رايدة بعد شي ثاني
ام هادي : لا ماريد بعد شي هاا نسيت روحي شوفي هدى تگعد من النوم لولا واذا گعدت لاتنسين غداهة

رنا : حاضر عمة
راحت هدى سوو شغلهة وصبت جاي لام هادي وودتة الهة جان ام هادي تشرب من الجاي وتذبة
وبعدين گالت لرنا
ام هادي : ولج شنهي هذة الجاي ليش هيج مخلية شكر. زايد ترديني اموت
رنا : لا عمة اسم الله عليج بس والله مادري انتي متحبين الشكر
ام هادي : انة مرة بية سكر وموزين علية هذة الشكر واشرب انة الجاي مر
رناا : عمة والله مادري هسة اجيبلج جاي جديد
ام هادي : لا جزت نفسي بعد ماريد جاي انة رايحة لجارتنة فدشوية اجي
رنا : الله وياج عمة
راحت ام هادي وبعدين رناا صعدت فوگ حتى تگعد هدى تاكل« لان ست الحسن الاميرة النائمة امگضيتهة مدرسة ونوم »
للعلم «هدى سادس علمي مفروض كلية مرحلة اولا بس هية رسبت فهسة هية سادس »
رناا : هدى يلا حبيبتي اگعدي اكلي هدى
هدى : هاااا عوفوني شوية انام والله تعبانة
رنا : ميخالف حبي يلا اكلي وراج اقراية
هدى : افففففف گمت يلا

رنا سوت اكل لهدى وبعدين رنا باوعت تلفزيون صار الليل اجة هادي گامت رنا سوتلة عشة وبعدين ناموو

مرت ايام وهادي ضل يومية يعلم رنا القراية والكتابة وابتدى وياهة بالحروف
هادي : رناا راح انطيج حرف بكيفي وانتي سويلي عليه مثال كلمة
رنا : خوش يلا. user91147002للكاتبة toma-toma
هادي : اريد كلمة بحرف الكاف
رناا : اممممم كيك
هادي عفية شطورة زين اريد كلمة بحرف الباء
رنا : برياني
هادي بسره
هاي ماعدهة امثلة غير بس الاكل
هادي : عفية وهسة اريد كلمة بحرف  الشين
رنا : شوكلاتا
هادي : ادري ماعندج غير بس الاكل امثلتج كلهة على الاكل شبيج مدگليلي
رنا : اييي غير جوعانة انتة مگعدني من الصبح تعلم بية حتى ريوگ متريگت وفوگاهة هسة تجي عمة ودگلي ليش ممنضفة ليش ممسوية ريوگ ليش مگاعدة من وكت
هادي :ههههه والله كسرتي خاطري
ادري غير اني عندي شغل وماعندي مجال ادرسج غير بس الصبح وبعدين اشو احنة متعلمين نگعد الساعة بالعشرة الصبح من النوم ليش انتي تگعدين من وكت
رنا : غير امك تگلي احنة ماعدنة نومة للضهاري واريدج تگعدين من وكت واني يومية گعدتي الساعة بستة
الصبح
هادي : يااا يلا ميخالف رناوي لتزعلين من امي
رنا : لا اني امك على راسي شلون ازعل منهة
هادي : عفية عليج الله ينطيج على گد نياتج
رنا : مشكور
هادي : يلا هسة احنة خلصنة الدرس مال يوم تدگرين سوينة ريوگ اني وياج وتجيبي لغرفتي نتريگ
اذا تقبلين تاكلين ويا
رنا : اي هسة اروح اسوي ريوگ وناكل
اني وياك
راحت رنا اسوي ريوك وجابتة لغرفة هادي
وخلتة على الجرباية وگعدوة يتريگون هادي عينة مشالهة من رناا هية وجانت تاگل ورنا منتبهة عليه
ورتبكت حيل خجلت خدودهة صارت طماطة لان هادي اخير شي عاف الاكل وضل يباوع عليهة