هلا والله اخواتي الكرام
ملكة النرجسية رجعت ، اعرف اني نزلت كوني تراجعت عن قراري من فترة
لكني مارجعت علطول .
انا أنسانة تعودت على التسدح والتبطح ومراسلة الاصدقاء والمشاهدة طوال العام
لكن زي ما تعرفون سجلت في معهد عشان اطور لغتي الانجليزية لمدة شهر
واللي كان تحدي كبير جدًا جدًا بالنسبة لي .
خصوصًا مع الاختبارات الأسبوعية اللي كنت اروح لها وانا مو مذاكرة 🗿.
او حتى الاختبار النهائي وحتى فكرة اني استغل خصم الطالبات وأسجل لشهر اخر < واللي ماحدث وحمدًا لله انه ماحدث.
لان الوقت هذا صارت اشياء كثير إيجابية .
منها اني وقفت عن الرسمات الجدية شويتين وصرت اشخبط اكثر اللي أعطاني شعور بالراحة .
اكتشفت بعض الحقائق المؤلمة عن اللي يصير في الرعي التجاري للحيوانات
وصرت فيقان - حماعة ماتاكل لحم الحيوانات او اي منتج حيواني كالبيض والحليب - لثلاثة ايام وبعدها تم وقفي عشان مايصلح لي لان جسمي يحتاج بروتين والخ الخ الخ
لكن للان ما اكلت لحم او شربت حليب او اكلت بيض لاني مو قادرة ارجع أكلهم ولا افكر بالنسبة للحليب لاني وجدت حليب الصويا حلو .
والبيض الله يكرم النعمة طعم المأكولات افضل بدونه .
تدرون انه ممنوع في امريكا يسوق البيض على انه صحي ؟!.
للإمانة استمتعت بتجربة الطبخ والتسوق لوحدي وراح استمر ليش لا ؟!
ماذا حدث إيضًا ؟
اممممم
صح ! صار بيني وبين صديقتي تحدي كم كتاب نقدر نخلصه في ٢٤ ساعة !
الحمدلله خلصت أربعة كتب و كان فخر لي بالاضافة الى انه الشي اللي خلاني أتحمس ارجع اكتب
والحين تحدينا نخلص كتاب كل يوم لمدة اسبوع
واليوم الاول مشى معي تمام والحين قاعدة اقرا كتاب اليوم الثاني
وهو كتاب إنجليزي وبالنسبة لي تجربة جديدة بعد ومرة ممتعة .
وعلى فكرة فيديو الأسئلة والأجوبة نزل صار له فترة بس سحبتوا علي :-:
بس جنة شافته ليييش 😂😭😂💔?!
شكرًا لقراءة ثرثرتي ❤
ونمضي على أمل لقياكم الأيام الجاية .
