زوجة ابي 💔

تركتني 💔

سنة 2010 الساعة ال5:30 صباحا

تاليا(وكتها كان عمرها 10سنوات):صباح الخير ماماتي

ماما:صباح النور ياكلبي شعجب كاعدة من وكت اليوم سبت ماعندج دوام

تاليا:لا ماما شبعانة نوم اجيت حتى نحضر الريوك اني وياج بينما لولو وبابا يكعدون
ماما: فديتج يابنتي الشاطرة يلا تعاي

بعد مرور نصف ساعة

بابا:صباح الخير

ماما&تاليا:صباح الورد

تاليا: بعدما كملنا ريوك ولينا همين كعدت واكلت ويانة ابوي راح لشغلة
هوة عندة معرض سيارات والحمدلله حالتنا كلش زينة ومايبقى شي بنفسنة بس لما اجة ذاك اليوم الشؤوم💔
2012 
بابا:نوارة حضرو روحكم انتي والبنات اروح افرركم اليوم ونتعشى بمطعم صارلنا هواي مطالعين

تاليا&لينا: هييييييي نحبببك يااحلى باباا😙

تاليا:رحنة اني واختي واتحضرنا وكملنا وامي لبست صايتهه وطلعنة وبابا فررنة واخذنة للمطاعم ومن جان نريد نرجع بالطريق ابوية جان يخابر وممنتبه ع الطريق وفجأة حسيت عبالك جبل اجة ع صدري وبعدها الدنيا صارت ضلمة فتحت عيوني اشوف ضوة ابيض

تاليا:اني وين ماما بابا ليناا وبينكم

الدكتور:همزين كعدتي بنتي صارلج اسبوعين بغيبوبة

تاليا:شنو😨غيبوبة شنو بابا وماما واختي وينهم

الدكتور:الحمدلله زينين بس للأسف فقدنا واحد منهم

تاليا:شنوووو منووو منووو راح لولو راحت لوبابااا وينهمم وينهمم

الدكتور:لا امج الي انطتج عمرهة

تاليا بصدمة: شنو امي متموت اني اصلاا مكلت ماما لان جانت كاعدة يمي ورة اختي وابوي كدام واني حسيت شي من كدام اجة

الدكتور:السيارة من الطرف جاية وللاسف المكان الي امج جانت كاعدة يمه يم الشباك واثر الضربة ع دماغهه انفجر ومكدرنة نلحك عليهه وانتي هم حالتج خطرة جانت بالكوة نقذناج

تاليا:مصدكت كلام الدكتور رحت ادور ع ابويه شفته كاعد بالكاع بالممر

تاليا:بابا بابا هذه الدكتور يجذب عليه يكول امج ماتت ومدري شنو ودماغهه انفجر بابا كوم خلي نروح للبيت يم ماما لان اكيد هسه تنتضرنة ومشتريتلي كيك وحلويات لان اليوم عيد ميلادي وهسه هيه ولولو ينتضرونة بابا ليش انت كاعد هنا ومخليهم وحدهم يشتغلون خطية هسه ماما تتعب يلا امشي خلي نرووح مشتاقتلهه كومه صار اسبوعبن اني نايمه ههههه امي متقبل تكول اذا تنامين هواي تصيرين تنبل مال نوم😂😂ومن اكعد من وكت تكول شعجب كاعدة حيرتني ماما😂😂 يلا بابا شبيك

بابا:تاليا ادري مراح تتحملين هلحجي بس خليني اكمل بالأول بعدين احجي امج مااتت مااتت ماااااااااااتت من اسبووعبن ودفنناهه وحتة خلصنا العزة مالتهه وانتي بعدج بغيبوبة وخفت لااخسرج جنت كل يوم ابقى انتضرج حتى تكعدين

تاليا:لابابا لاا جذب والله جذب الحجي كلةةة جذب ناصبين علية انتو مو يي ادري وهسة اروح للبيت الكه ماما وتكول مقلب😂😂
ومااحس الا وابوية ضربني راشدي وكال ماااتتت ماااتت كافي تفهمي ماتت متجيي بعد متشووفيهه مااااتتت
تاليا :شنوو لاا مااامااااااااا ماامااا وين رحتي وعفتيينيييييييي ماما متموت ماما تعااي محتاجتججج ماما والله اسمع كلامج بعد ماماا😭😭😭😭ماماا والله احببج احببج ماكددر ع فرراكج ماما

بعد مرور 8 اشهر
لينا:تاليا الى متى حتضلين هيج متاكلين ولاشي اني اختج الصغيرة وافهم منح اكثر ميجوز تسوين بنفسج هيج حتصير سنه وانتي بعدج كل يوم ادكين وتلطمين وبعدج لابسة اسود وبالكوة باليوم وجبة تاكلين ماما دتتعذب هيج سمعيني ماما اذا عايشة تقبل هيج تسوين بروحج؟؟ كافي حتعذبيهه هيج

تاليا بأبتسامة:فدوة لاختي الكبرانة والي تفهم ياعمري انتي ان شاءالله لخاطر عيونج الحلوة أحاول اتجاوزها وفعلا يوم بعد سوم صرت اتجاوز هاي المرحلة وصرت احمد الله واشكرة ع كل شي وصرت محجبة واقرة قران واصلي

بيوم من الايام دخل بابا علينة واحنة دنتعشة

بابا:ياهلا ابناتي الحلوين اريد افاتحكم ابموضوع وماريد حجاية الا اكمل كلامي
لينا:تاليا:كول بابا

بابا:اني.......
_______________
ها بنات شنو رأيكم بالقصة عجبتكم؟ طبعا هاي اول قصة اليه

توقعاتكم للبارت الجاي ؟؟ واذا صار التصويت 10 اكمل😻❤
والله تعبت هواي بيهه واني اكتب شجعوني حتى اكمل😅