فتاه القاضي

٩

*في القاهرة*
يجلس رجل في منتصف العقد الرابع ويقف امامه رجل بالعقد الثالث من عمره

حسان ..عرفت ان الرائد تالا جاية هنا
بلال...عرفت
حسان..وهنعمل اية
ب

لال....مش هنعمل انا مستنيها
حسان....ازاي دية حطانه في دماغها
بلال...وانا كمان حاطتها في دماغي و ي انا ي هي
حسان...اخر مرة احنا نفدنا منها بمعجزة دية مش هترحمنا
بلال...مش بلال الرشيد اللي يخاف من واحدة ست
حسان...بس ست بمية راجل تحس انك واقف مع عشر رجاله في بعض
**************************************
عادت تالا الي المنزل وعلى وجهها ابتسامة جانبية وخبيثة
فاطمة... جيتي بدري يعني
تالا...الماتش انهرده ي ماما وبعدين في حاجة عايزة اقولكم عليها
فاطمة...اية جايلك عريس
تالا...ماما
فاطمة... مهو مش علشان ابوك....
تالا...ماما محدش يفتح الموضوع دة لا جواز ولا بتاع ولا بابا ولا ماما
فاطمة...لا هفتحو ومش هقفلو انتي عندك ٢٥ سنة يعني خلاص كبرتي وانا عايزة اشوفك متجوزة وبعدين انا عمالة اعمل كل حاجة ترضيكي شرطة ودخلتك رغم انتي عارفة انتي عندك اية في القلب ورغم الخطورة اللي بتتعرضي ليها كل يوم بسبب شغل الزفت دة وبعدين مش عشان حسن وحش يبقى كل الرجالة وحشين
تالا...لا ي ماما كل الرجالة زبالا كل الرجالة وحشين خلاص وبعدين مين هيرضى يتجوز واحدة يا عالم هتعيش بكرة ولا لا وهيستحمل شغلي وتدريبي وكل حاجة ي ماما انتي متعرفيش حاجة
فاطمة...انا عايزة اعرف كل حاجة عايزة اعرف ابوكي عقدلك حياتك لية مش يمكن غصب عنو وعلى فكرة عمك علي قالي ان هو بيدور علينا بقالو ٢١ سنة ي تالا وانا اللي كنت بخفيكم...
كانت فاطمة تتحدث وهي ملوية ظهرها لتالا التي وضعت يدها على قلبها وبدا وجهها في الاحمرار ثم سقطت مغشية عليها سمعت فاطمة صوت الارتطام لفت وجهها لتجد صغيرتها ملقاه على الارض فتحت تالين الباب وكان معها اسلام ومازن
فاطمة...الحقوني ي عيال تالا وقعت مني
ركض الجميع الي تالا حملها اسلام على يدة وادخلها الي الغرفة وبدؤ في اعطائها البخاخ الخاص بها والداوء فاقت تالا بتعب كبير ثم نامت مرة اخرى خرج الجميع من عندها
تالين...هو اية اللي عصبها علشان تحصلها الازمة
اسلام...نفس الموضوع ي خالتو
فاطمة...يقطعني انا كملت عليها وهي مش ناقصة
مازن...الحمد لله عدت على خير كلها ساعتين وهتصحى
اسلام... لو سمحت ي خالتو متفتحيش الموضوع تاني مع تالا تالا مش ناقصة
فاطمة...عارفة انا انفعلت ومخدتش بالي منها
تالين...هو انا امتى هعرف السر بتاعكم دة
نهضت فاطمة ودخلت الي غرفتها
تالين.... يووووة طب قولي انتا ي اسلام
اسلام..لما تالا تقولي ومتحاوليش
مازن...طب يلا نروح امك عمالة تتصل
تالين...ماشي ابقى سلملي على خالتو سندس وعمو على
مازن...يوصل وبعدين احنا جايين بليل علشان الماتش
تالين...طيب
اسلام...سلام ي حبيبتي وخلي بالك من نفسك ومن تالا
تالين...حاضر
***********************************
اما في القاهره كانت امل تجلس ويجلس جميع الاطفال حولها ماعدا يزيد وهشام لوجودهم خارج المنزل
جودي...ممكن بقى ي عمتو ي جميلة تفهميني مين فاطمة دية انا مش فاهمة
ريماس...ايوة ي ماما مين تالا دية
خالد اخوها الصغير واصغر ابناء العائلة...ايوة احنا مش عارفيين حاجة
رامي...محدش يعرف غيرك انتي ي عمتو وماما وبابا الله يرحمو ويزيد وهشام واحنا زي الهبل
امل...ماشي ماشي زمان جدا لما كان جدو وتيتة عايشين عمكم رائف الله يرحمو ومراتو جنة اتوفو هشام زعل جدا جبنا فاطمة مرات عمكم حسن وبعدين سابتنا وراحت اتجوزت من ورانا وخدها حسن وراحو عاشو في شقتو وبعدين عرفنا بالصدفة
رامي...مين اللي قالكم
امل...امك حسبي الله
جودي...هي ماما دية عاملة مشاكل في كل حتى
امل...بس ساعتها بابا راح مخيرو بينا وبينهم بس هو اختارنا
ريماس...بس هو كدة باعهم
امل...كان لازم انتو متعرفوش جدكم كان ممكن في ثانية يموتهم
خالد..كان يقدر
امل...انتا ي واد اية اللي مقعدك هنا
خالد...ي ماما انا عندي ١٥ سنة يعني مش صغير كملي كملي
امل...المهم جدكم كان جامد ويقدر يعملها بس لما سابهم فاطمة جت هنا وربنا ما يوريكم البت اللي عندها ٥ سنين ولا ٤سنين جريت على حسن وقعدت تحضنو وكانت خايفة راح حسن كان خايف لحسن بابا يتهور ويعمل حاجة تاذيهم فطردهم جت فاطمة تاخد تالا
ريماس...هي اسمها كان تالا
امل....ايوة فضلت تزعق وتعيط راح حسن سابها و وقف على الشباك راحت البنت رايحة وراسها في الارض وزعلانة ورفعت وشها وشافتنا كلنا وراحت قايلة بكرهكم كلكم وبكرهك ي حسن وطلعت تجري اول ما خرجت وقع حسن على الارض وقعد يعيط زي العيال واول ما بابا مات ماما جت وقالت خليهم يجيو يعيشو معانا وهما مش موجودين وبندور عليهم
رامي...٢١ سنة بيدور عليهم
جودي...والصورةاللي فوق دية بتاعتهم
امل...حسن عامل اوضة كاملة للحاجات بتاعت تالا اوضة لكل حاجة ليها كان عاملها زي ما تالا عايزة بالضبط
ريماس...هو دة الوفاء والحب والاخلاص
امل...ربنا يردهم سالمين
الجميع...ي رب
******************************
بعد مدة فاقت تالا من نومها وضعت يدها على قلبها اغمضت عينيها ثم نهضت واخذت حماما باردا ثم خرجت وارتدت بنطال جينز وعلية بلوزة حمراء عليها علم الاهلي وفكت كعكة شعرها ليقع على ظهرها بطولة جمعته على شكل كعكة مرة اخرى رغم نعومته وجمالة ولكن تخفي كل شئ خلف ملابس الرجال وشخصيتها القوية خرجت وجدت تالين تجلس وترتدي نفس الشئ ولكن باختلاف الاعلام فتالين تشجع الزمالك هي مازن بينما تالا واسلام الاهلي
تالين...عاملة اية دلوقتي
تالا...كويسة الحمد لله
فاطمة...انا اسف...
تالا...مفيش حاجة ي ماما بس ي ريت الموضوع دة ميتفتحش تاني
سندس...ازيك ي توتا
تالا...كويسة ي خالتو عاملة اية وفريدة فين
سندس....كويسة ي تالا انتي عارفة فريدة وثانوية عامة وحاجة نيلة
اسلام...يلا الماتش هيبدا
سندس...روحو اقعدو في الشقة عندنا
مازن ....طب يلا الماتش هيبدا
ذهب الاربعة الي المنزل وبدا الماتش وكذلك بدا حماس الاربعة وصراخهم
سندس...حسن لسة بيدور عليكي على عمال يقولي
فاطمة... كفاية اللي حصل انهرده مع تالا بلاش كلام في الموضوع دة سندس...انتي ناسية انك مراتو لحد دلوقتي
فاطمة... مش ناسية والله ولسة بحبو كمان لحد دلوقتي
سندس...معلش ي حبيبتي ربنا يعين
اما في الشقة الثانية
تالا ...باصيها باصيها ي غبي
تالين...ايوة العب شوووط
مازن....جوووووووون
اسلام...ي ابن الهبلة
تالين...تعادل اخيرا
تالا...يووووه تعادل
مازن...الماتش خلص تعادل يبقى هنتقابل مرة تانية
تالا...طب يلا نتجمع عند ماما علشان عندي ليكم خبر
تالين...حلو ولا وحش
اسلام...وحش وزي الزفت
تالا...مش عارفة بالنسبة ليا احلى الاخبار اللي سمعتها
مازن...طب يلا نروح تقوليلنا
ذهب الجميع الي هناك
اسلام بهمس... متاكدة من اللي هتقولية دة
تالا...اتكل على الله وبعدين انا رايحة هناك لسببين
اسلام...مش مخوفني غير السبب الاول
سندس..كام كام
مازن...اخيرا الحظ جية معانا وجه تعادل
تالين...والله انا مش عارفة انتو مش مصدقين لية
مازن...ي ماما الاهلى لو الحظ سابو الحكام هيبقو معاه
تالا...لية بقى ان شاء الله كان على راسو ريشة بس ي اهبل
فاطمة... خلاص متتخانقوش
تالا...انا عايزة اقولكم حاجة
تالين...ايوة اي هي الحاجة دية
تالا...اهم حاجة هقولكم انا هنفذ اللي في دماغي برضاكم او لا تمام
فاطمة...دماغك دية ولسانك
اسلام..على اساس انك مش عارفة ي خالتو لسانة اللي بينقط عسل
تالا...اطلع برا ي اسلام انتا مش عارف انا هقول اية.
اسلام...خلاص خلاص هسكت
تالين...في اية بقى
تالا...افرحي ي تالين هنرجع بلدك
فتحت فاطمة وسندس عينيهم بصدمة
تالين...بلد اية هو احنا مش في بلدنا
تالا....القاهره ي تالين هنرجع القاهره
تالين...القاهره!!!