فتاه القاضي

٢٢

تالا...نعم ازاي دة انا هفضل في اوضتي وانتا في اوضتك
هشام.. ازاي دة ي حبيبتي انتي مراتي يعني هتفضلي في المكان اللي انا فية
تالا...اية دة فوق ي باشمهندس انتا شكلك ناسي ان جوازنا كان علشان اية احنا اتجوزنا علشان احمي شغلي وانتا تحمي عيلتك وبس ولا انتا اية رايك
هشام بعصبية... والله كل اللي اعرفو انك مراتي وتفضلي معايا مكان ما اروح وتقعدي مكان ما اقعد
تالا...لا ي حبيبي دة مش عندي وانا مش مرات حد
جائت لتغادر ولكنه سحبها لتقع على الفراش
هشام...اسمعي ي تالا انتي مراتي ولازم تعرفي ان مفيش حد على وجه الارض يقدر ينكر دة ومحدش هيقدر يقف في طريقي حتى لو ابوكي انتي مراتي بالقانون
تالا...وزي ما القانون جوزنا هطلقك ي هشام انا مستحيل اقعد على ذمتك بعد كل اللي قولتو دة
هشام...طب فكري ي تالا كدة واعمليها وانتي مراتي برضاكي او غصبن عنك مراتي
تالا...لا انا مش مراتك واذا مراتك صدقني دة مش هيستمر
هشام ...هنبقى نشوف ي وتابع بسخرية  ي مراتي
تالا...هه اما نشوف ي  ثم اكملن هي الاخرة بسخرية ي ابن عمي
هشام... تالا متستفزنيش
تالا..انا مجيتش جمبك اصلا على فكرة بلاش تمحيك
هشام...اعدلي لسانك
تالا...لا خليه معوج هو عاجبني معوج
هشام... اعدلية بدل ما اعدلهولك
تالا...شكرا هو معوج حلو
هشام...يبقى هيتعدل بعد الجواز ي حبي واصبري وهتشوفي
رمقته تالا بنظرة سخرية وغادرت بينما هو كاد ان يفتك بها ذهبت تالا الي غرفتها وظلت تفكر قليلا ثم ذهبت للنوم
استيقظت تالا على صراخ والدتها
تالا...في اية ي ماما
فاطمة...قومي فرحك انهرده وانتي لسة نايمة
تالا...هي الساعة كام
فاطمة.... الساعة ٩ الصبح
تالا...تمااام على ١١ صحيني
فاطمة...هو اية اللي على ١١ انتي هبلة ي بت بقولك قومي بدل ما اجيبلك الشبشب
تالا...شبشب اية بس في واحدة تقول لبنتها شبشب والمصيبة ان بنتها ضابط انا لو حد سمعك بتقولي كدة هيتحفل عليا لحد ما اموت
فاطمة..بعد الشر عليكي ي حبيبتي  يلا قومي بقى
تالا...طب متمشيش معاكي ١٠
فاطمة...قومي بقى ي تالا
تالا...حاضر اماما حاااضر تابعت في سرها هي جوازة سودة ومنيلة بنيلة انا هطلعو على الاهبل اللي اتدبست فيه
فاطمة...بتقولي اية
تالا...بكح بكح حرام بقى
نهضت تالا واخذت حمامها وخرجت مع اقاربها الي احد الماكن التجميل الغالية وبدؤ في تزين تالا التي كانت معترضة و وافقت تحت ضغط والدتها وعمتها انتهت تالا من هذه الاشياء وارتدت فستانها ثم عادت الي منزلها فكان الحفل في حديقة المنزل جلس العروسان في الكوشة
تالا...هو مش هيجي
هشام...اية بتقولي اية
تالا...ها ولا حاجة فريدة فريدة
فريدة...نعم
تالا...هو اسلام ومازن وخالتو فين
فريدة...مازن وماما جم من المغرب وهتلاقيهم هنا ولا هنا واسلام مش عارفة
تالا...روحي اتصلي عليه جبية هنا حالا فورا
.....لا مفيش داعي انا جيت
تالا...حرام عليك ي اسلام كنت خايفة متجيش
اسلام وهو يقبل راسها...وانا اقدر بردو مجيش قولي انتي دة انا كنت اتعلقت عند بابا القسم الف مبروك ي هشام
هشام بمضض...الله يبارك فيك
اسلام...تعالي ي توتي
تالا...على فين
اسلام ...تعالي بس
سحبها اسلام و ذهب الي المسرح لتطفئ الاضواء وتبدا الاغنية ويرقص الاثنان معا