المقدمه ـ كان دائما يقول لي انتي انثى برائحه الجنه اشم بكي راحتي وحبي واشم بكي رائحه الامان انتي جنتي ومااحلى الجنه اذا كنت انا بين احضانكي
ـ صارعت من اجله مشاعري وطلبت ان اهرب من قضبان قلبه ولكن في كل مرة كان طريقي يؤدي اليه وكان قلبي يرفض فكرت النسيان كان ولازل عشقي اذا كنت انا انثى برائحه الجنه فاانت الجنه ذاته
احداث القصه قبل احداث سقوط العراق البارت الاول-
اني اسمي جيلان عمري ١٩سنه طالبه كليه مرحله اولى شكلي ـ حلو ملامحي طبيعيه بيضه طولي متوسط ضعيفه ولكن المميز بشكلي شعري شعري كلش طويل وسرح جدا ولونه عسلي اكثر شي مميز بشكلي اماعن عائلتي مكونه عائلتي من ووالدتي ووالدي واخوة ثلاثه وخوات اثنين عمل والدي طيار عسكري والدتي دكتورة مال اطفال واخوتي اثنين منهم ضباط واحد طالب جامعه وخواتي اثنين متزوجات احنا عائله محترمه حالتنه الماديه زينه بدايه القصه- مرة صارت حفله مال ابن واحد من المسئولين عم الولد يصير صديق بابا فكله انتو تفضلو للحفله انت وعائلتك وبابا ماكدر يرفض كال عيب اذا ماروح وفعلا رحنه اني وماما ووالدي واخوتي ثلاثتهم ولان هم ضباط فهيج مناسبات تفيدهم يتعرفون على مسئولين هيج شي يعني المهم رحنه للحفله واني كنت لابسه نفنوف كصير كلش حلو عمتي جانت خياطه فجانت تخيط على البردة وخياطه كلش حلوه فهي خيطتلي جان لونه اسود كصير وردانه دانتيل وجنت فاتحه شعري جان عبالك شلال على جتفي وطويل وماما خلتلي حمرة جان شكلي حلو بس بريئ المهم انو دخلنه كلنه للحفله وشفت عالم مختلف البيت والاثاث والموجودين ولبسهم الي مشايفين منه ولاحتى نكدر نلبس مثله احنا لمن دخلنه تقدم علينه صديق والدي عم الولد الي اليوم حفله عيد ميلاده تقدم علينه وسلم علينه ورحب بينه واشرلنه انو نكعد اني ووالدتي وكال لبابا ولااخوتي انو يجون وياه يتعرفون على بعض الموجودين بالحفله عد كعدنه اني ووالدتي وصراحه منعرف احد ولكن كانت اكو طاوله كدامنه كاعد بيها ولد يعني مو ولد شاب مااعرف شكد يطلع عمره المهم وكاعدين يمه كومه بنات هو مجان منتبه عليه بالاول بس من شافني داباوع عليه كام يباوع عليه وظلت عينه عليه شكله حلوو ومبين شخصيه ماادري هيج حسيته اني من شفته كام يباوع عليه ونظراته مفضوحه كمت الهي نفسي مااباوع من جهته ابد بس هو ابد عينه مافاركتني حتى ماما حست عد كلتلي كومي جيلان نروح للحمام ورحت ويه ووالدتي وبعدين مقبلت ماما نرجع نكعد بنفس المكان كعدنه بغير مكان المهم وره شويه شفت نفس هذا الولد كام وكف ولكن لمن مشه جان اكو عوجيه بيدة هو مشيته اعتياديه بس جان يضغط على العوجيه ويمشي مجان يكزل او شي المهم اجه كعد يم بنيه جانت كاعدة اكبالنه طبعا شكله كلش حلو ورجولي وجان القاط الابسه لون اسود ضايف اله فد لمسه مختلفه ولمن اجه كعد هم ظل يباوع وره شويه وحدة من نسوان اصدقاء ابويه اجتي كعدت سولفت ويه ماما واني كل شويه اباوع عليه بس وره شويه هو ماادري وين راح واني مليت من الكعدة كتلها لماما اروح للحديقه لان من دخلت جانت اكو حديقه تخبل بيها مسبح كلش عجبني اتمشه بيها عد لمن كلت لماما كلتلي يله بس لتتاخرين خاف يجي ابوج نرجع للبيت كتلها اي ميخالف طلعت وتمشيت جان الهوا يخبل وريحت القداح ماليه المكان وصلت يم المسبح وجان اسمع واحد من ورايه يكلي لازم مليتي جوه صوته جان حلو بس يخوف نداريت شفته نفسه خفت ماادري ليش يمكن لان وحدي وياه وهو جان يباوع بوجهي عبالك يريد يحفظ شكلي بكوة طلع الكلام كلتله اي صحيح ردت اتمشه كلي شكد عمرج كتله ١٩سنه كلي اووو صغيرة كتله يله راح اروح ماما تنتظرني كلي فدلحظه شنو اسمج كتله اسمي جيلان كلي حلو اسمج كتله شكرا ودامشي وجان يجر ايدي وباسها وكلي فرصه سعيدة تعرفت عليج انسه جيلان وجان يعوفني ويمشي ولمن جنت داريد ادخل جوه شفته راح للكراج وصعد للسيارة....يتبع
#الكاتبه #روجمان
أنت تقرأ
انتي انثــى برائحه الجنــه
Romanceبرغم عصيانه وبرغم تكبره ولكن يقول لها انتي انثى ملكتي قلبي بدون ان اقول لك وانتي انثى برائحه الجنه
