-
المهم ظل يحجي ويايه وويه والدي حسيته تغيرت ملامحه وره شويه وكلي اني مستعد اسامحج واسامح والدج واخوتج بس يشرط كتله شنو كال اول شي تطلكين من رائد وثاني شي تنطينه الاطفال ناخذهم كتله الله يخليك كلشي ولا جهالي اترجاك بعدهم اصغار اني اخذهم وحتى بالعراق ماابقه الله يخليك كلي لا اني كلتلج لوهبج لو راح ادفعون ثمن انو انكم استغفلتوني توسلت عليه كلتله الله يخليك كلي اذا منطتنياهم بلعيني واغاتي اخذهم خصبن عنج فعلويش انطينياهم واكيد احنا راح نحافظ عليهم اكثر كتله فدوة ابوس ايدك عوف جهالي وعافنه وكام ردت بس اوصل للبيت خفت على الجهال والطريق كله دموعي مانشفت اول ماوصلت شفت رائد كاعد وعيونه تجدج وجهه صاير دم من العصبيه كلي وين جنتي عد والدي كله جنه يم ابوك كام وكف باوع عليه كلي منو كلج تروحين كتله لعد تريد ياذي اخوتي وابويه كلي اني موجود كتله رائد ابوك خيرني انو اطلك منك وياخذ مني الجهال ويسامحني ظل ساكت رحت كمشته كتله الله يخليك لتخلي احد ياخذ جهالي تعرف اني اموت بدونهم كلي يعني عادي اطلكج سكتت كتله اول وتالي راح اطلكني انت كلي هاي هيجي تفكرين بيه كلي على العموم جهالج محد يكدر ياخذهم منج واعتبري نفسج من اليوم مطلقه وماكو داعي بعد اسافرين طلع رائد واخر كلمه كاله حسيت نفسي فقدت السمع حسيت الدنيا فترت بيه ورحت بغير عالم برغم قساوت رائد عليه وبرغم انو كان ساجني بس جنت راضيه بسجنه لاول مره اعترف لنفسي انو اني احبه لدرجه انو فديوم اعترضت عن حياتي الي جنت عايشتها معترضت عن علاقاته برغم شعور بالألم وبرغم جنت احس بالنقص كنت ضعيفه واني يمه بشكل لايصدق كنت خاضعه اله جان طريقي يوديني اله دائما شكد مااحاول ابعد يامه مرت ايام واني ابجي علموده ويامه ردت احس بوجوده بحياتي وكل هذا واني احبه يمكن لان مشفت غيره ومحسيت بالحنان الابوجوده والشعور الوحيد الي كان يغلب باقي مشاعري من جنت احس انو طول ما رائد يمي محد يكدر ياذيني اني وجهالي فعلا احس بلامان وياه للاسف بعض الاحيان الاشخاص الي نشوفنه نحبهم اكثر من الازم هما اكثر الاشخاص الي يجرحونه وياذونه لان يعرفون انو مهما غلطو بحقنه راح نسامحهم وابسط مثال اني كنت محطمه ولازلت شبه امراة ولكن ضعف قلبي هو كان السبب مرت على اخر مرة شفت بيه رائد شهر وبعدها اجه شاف جهاله وكف برة مقبل يدخل لبيت اهلي ومحد تعرض لااخوتي ولا والدي الحمدلله ومرت فترة التهيت ابطفالي وقررت انو ارجع لكليتي وفعلا بمساندت اهلي رجعت للكليه وبرغم الدراسه واطفالي والحريه الي كنت فاقدتها بس ماغاب رائد عن بالي لحظه صدك من يكولون الطير يحب سجانه كنت اشوف كل الرجال مجنت اكدر افكر بااحد كان دائما بالي مشغول برائد ومره دك تلفون بيت اهلي جنت وحدي بالبيت اني واطفالي واول مارفعت السماعه سمعت صوت الو كان رائد صوته وانفاسه الي حبست انفاسي بداخلي كلي جيلان كتله اي كلي شلونج كتله زينه انت شلونك كلي بخير كال اريد اجي اخذ الاطفال كتله اي كال يله غيرلهم ملابسهم كتله اي وسديت التلفون ودكات كلبي مهدت الله على صوته الي احبه كلش المهم بدلت للجهال وانتظرت وره ساعه اجه ونزل وكف بالباب وجانو الجهال متحضرين اشر للسايق انو يصعدهم بالسيارة وظل يباوع عليه كلي مشتاقلج مشتاق لريحتج اني بهتت وحسيت رجلي مدتحملني بعد مصدكت رائد ينازل ويكلي مشتاقلج كلي اني من تركتج لحد الان احس نفسي مضيع شي ادور عليج بكل مكان كلي تقبلين ترجعيلي بدون اي تفكير كتله اي اقبل كلي باجر اجيب الشيخ واجي كتله واهلك كال لا خلصت مشكلتي وياهم بعد معليهم كتله اي باجر انتظرك واخذ الجهال وجابهم باليل واني لمن اجوي اهلي كتلهم والدي كلي بكيفج احنا منكدر بعد نجبرج كتله اني اريد ارجعله اهلي كالو بكيفج براحتج وماعرفت الليله شلون مرت عليه وانتظرت الصبح يجي رائد بس مااجه والعصر ندكت الباب وجان رائد وشيخ عقدلنه ورجعت لنفس البيت طلعت منه وجنت اشوف سجن بس هالمره رجعتله بالهفه وحسيت لاول مره انو رائد يحبني الحمدلله يمكن شويه رائد تغير بس بعده ميقبل اناقشه وبعده عصبي وبعده مغرور وبعدني اغار عليه من الهوى الطاير بس حاولت اخلي يحبني الي وميكدر يشوف غيري يحبني وحدي اني ماكو انسان كامل بس اكوانسان صابر واني صبرت لان حبيت بكل قوة مشاعري
وبعدة يكلي انتي بريحه الجنه-----------------------------------------------------------------------------------------------------------------خلصت قصتنه حبيباتي لاول مرة انشر قصه عن أمراة تخضع لرجل ولكن بهاي القصه شفت امراة فضلت ان تسجن داخل جدران قلب من تحب على ان تخرج من سجنها وتعيش بحريه بعض القلوب تحب لابعد الحدود ولاتستطيع النسيان وتعلمنه قصتنه الصبر وان لايوجد انسان كامل لان الكمال لرب العزة بكل قصه عبرة وبهذا القصه تكمن عبرة وهي الصبر وقوة التحمل في داخل كل شخص الم وندم وحب لاينسى وبداخلنه شعور بالحب لانستطيع التغلب عنه في بعض الاحيان تعلمنه ان نصبرعلى اختبارات الحياة لكي نصل الى مانريد
مع تحياتي لكم الكاتبه
#الكاتبه #روجمان
أنت تقرأ
انتي انثــى برائحه الجنــه
Romanceبرغم عصيانه وبرغم تكبره ولكن يقول لها انتي انثى ملكتي قلبي بدون ان اقول لك وانتي انثى برائحه الجنه
