انتي انثــى برائحه الجنــه

الجزء الخامس

-                                                                                                                                

شفت ماما واكفه كلتلي يله بعد ربع ساعه نطلع كتلها اي كمت غسلت وبدلت لبست بوكتها تنورة كصيرة وقميص اني مومحجبه المهم نزلت جوه ماما كالتلي تعاي تريكي ماقبلت كتلها مااشتهي والدي جان موجود بس جان مبين عليه كلش ضايج بس جان يدوس على نفسه حتى ليبين النه بس اني جنت اعرف والدي من يضوج المهم وره ساعه اجه و الانتظار ازعجنه جدا ندكت الباب وفتحها اخويه ماجد وكال اتفضل شفت رائد لابس قاط رصاصي وقميصه ابيض والعوجيه مالته بيدة صراحه بيني وبين نفسي كلت اول مرة اشوف رجال هيجي حضوره قوي وحلو وحتى العوجيه الي بيدة كانت ضايفتله وقار المهم اجه دخل للمطبخ وكال صباح الخير كلنه جوابناه والدي كله تفضل كله اي ليش اكعد وكعد وجانت عينه اطالع البيت مثل الواحد الي يريد يستكشف المكان والدي كله تفضل تريك كله لااشكرك كله جاي كله اي جاي ممكن اشرب وطول هاي الفترة الي كعد بيه مباوع عليه ابد ولاعارلي انتباه نهائيا المهم كعد شرب الجاي وجان يكله لوالدي اريد اتكلم وياكم بموضوع قبل كلشي كله والدي اي تفضل كله اني راح ازوج بتك بدون مااحد يدري وثاني شي راح اكعد بيت بعيد عن العيون وراح تضطرون انتو تروحون تسكنون يمها هي بيتين واحد بصف الثاني واحد هي تسكن بي وواحد انتو فوالدي كله لويش احنا نروح كله لان اكيد راح اضوج وحدها ولان اني مو دائما موجود وحتى لظل وحدها لاسامح الله يصير شي على الاقل انت واخوتها وامها موجودين كله والدي وشغلي وشغل امها كله اني ارتب كل الامور لاتهتم بهاي الاشياء اهلي سكتو وجانت علامات الحيرة على وجوهم وبعدين كام وكال يله وطلعنه اني وامي ووالدي ويه ولكن هو طلب من اهلي انو يركبون بغير سيارة واني اركب ويه وحاول والدي يتكلم ولكن بنظره منه انتهى الكلام صعدت وياه وكعدت بصفه وكان سايق ديسوق بعد مامشت السيارة تقريبا عشر دقايق كان وجهه على الجامه ورها كال تذكرين من كتلج ان مااحب المراهقات يدللن هوايه اني مجاوبت سكتت كلي حبيت اذكرج مااحب الي يدللن هوايه اني متاكد عندج فضول انو ليش اني اختاريتج الج وليش اصريت عليج وندار عليه كلي موصحيح تريدين تعرفين ليش اني اختاريتج كتله اي صحيح كلي راح اكلج ليش اني اختاريتج اول شي لمن دخلتي للحفله منتبهت اصلن عليج يس بعدين شفتج دتباعين عليه ماادري بقصد بدون قصد باوعتي المهم وبعدها عجبني شكلج وبالاحرى شعرج ومد يده وكمش خصله من شعري كلي تجذبني البنيه الي شعرها طويل وبعدين شفتج مختلفه عن الي اعرفهن شفت مسحه من البراءة مرسومه على ملامحج تذكربن لمن طلعتي للحديقه شفتج خفتي مني وردتي بس تنهزمين واني مااكو وحده تنهزم مني بالعكس كل المرن بحياتي يريدن يكونن قريبات مني وحتى يكونن تحت حمايتي يقدمن اي شي انما انتي كنت تبعدين عني وثبتيلي هذا الشي بيوم الي اجيتج للكليه وضحك وجان يكلي تعجبني البنيه الي تخاف مني وانتي تخافين مني لدرجه انو اني داسمع دكات كلبج برغم بينه مسافه هو يحجي واني اغلي من جوه شكد احتقرته وشكد كرهته من حجه هيج عبالك اني موانسانه شكد احتقر هيج ناس يتصورون اننو الهم الحق يدوسون علينه المهم باوعت عليه نظره جانبيه ودرت وجهي والطريق كان طويل والمنطقه الي رحنالها جانت كلها بساتين وخضار ومن بين هاي البساتين فتنه وشفنه اكو جان سياج مال بيت كلش عالي واكفين باب البيت رياجيل اثنين شايلين سلاح فتحو الباب دخلنه وشفت بيتين واحد بصف الخ حلوات وحديقه داير مداير البيت وجان بالحديقه كلاب هوايه يمكن خمسه المهم ظلت تمشي السيارة لحد ماصرنه قريبين يم البيوت الاثنين نزل من السيارة هو واول مانزل وجان يجي عليه الكلب كله هلو روكي وكعد يمسد على راسه اظاهر هذا الكلب مالته لان مبين كان متعلم عليه المهم اشرله للكلب انو يروح وكلي يله نزلي نزلت وشفت ماما وبابا واكفين رحت عليهم عبالك واحد ديتحامه بواحد هو من سويت هيي دار وجه باوع عليه وهز راسه عود بحركه عدم رضه ودخل جوه واحنا دخلنه وياه ليجوه وكنه نمشي ودخلت لصاله كلش جييرة وكان اثاثها فخم وجان كاعد فد واحد رجال جبير بالعمر وجان لابس قاط جان شكله كلش مال انسان محترم المهم دخل سلم عليه واشرلنه نكعد وكله يله اعقدنا ابو فارس كله اي بعيني هسه وفعلا عقدنا وهسه اني صرت مرته رسمين عد كمل العقد هذا الرجال وكام وطلع واشر رائد للسايق انو يوصله للبيت وبهاي الاثناء بابا كله يله احنه هم نتوكل كله لامتروجون لمكان تتغدون هنا كله لاوالله غير مره وكام والدي وكف. امي واني هم كمت وكفت وجان يكلي وين تروحين كتله ويااهلي كلي ليش هسه انتي مو مرتي بعد متروحين...يتبع
#الكاتبه #روجمان