البارت السابع-
كتله اي ميخالف كال زين وجان يندار عليه وباسني بكل رقه حسيت كلبي ينفض كانت حضناته وحركاته رقيقه جدا متوقعت هيجي واحد يتعامل بهاي الرقه وهيجي يخليني اندمج وياه واروح بعالم ثاني والحلو انو خلاني نايمه على صدره لفترة طويله وظل يلعب بشعري وصراحه اني كنت سعيدة سبحان الله عبالك بسرعه صار حب مني اله عبالك بسرعه الله مله كلبي بالحب اتجاها وره شويه سمع صوت الباب تندك كال هاي منو اجاينه خلي اشوف لبس الروب وكمش العوجيه ونزل جوه ماسمعت منوبس اني لبست الروب ودخلت للحمام وبعدين رجعت شفته بعده مصاعد عد رجعت دخلت للفراش عد سمعته صعد كتله منو كال واحد من الحرس كتله اكوشي كلي لا ماكو شي بس راد يحجي ويايه خفت احجي بعد لان مبين من الاشخاص الي يضوجون احد يسئلهم هوايه واجه ورجع نام على الجربايه وجان يكلي تعاي نامي بحضني ونمت للصبح على يده حسيت براحه وبشعور كلش حلو يمكن لان اول مره اعيش هذا الاحساس ولان اني ماحبيت وما عندي تجارب بالاحاسيس المهم انو نمت بحضنه للصبح وحسيت على حركته ودرت وجهي باوعت عليه ابتسملي ابتسامته كانت باردة وسحب ايده وكام كلي اني جوعان كتله اي هسه اسوي ريوك ولبست روبي ودخلت غسلت وجهي ونزلت للمطبخ سويت ريوك وشفته نزل وجان مبدل كعد اكل كتله لعد وين تروح رفع حاجبه كلي لويش اسئلين كتله لاهيج عادي حبيت اسئل مجاوبني كمل اكله وكام كلي من تريدين شي خابريني على هذا الرقم وانطاني رقم بالورقه كلي واذا كلش اكو شي ابو مازن بره دكي هذا الجرس بجيج كتله اي ميخالف كتله شوكت تجي كلي مااعرف حسب شغلي يله مع السلامه وطلع اسلوبه وتعامله جاف ويحجي ويايه من وره خشمه المهم كمت لملمت طبعا مااعرف اسوي اكل لان مااعرف اطبخ لان بالبيت كانت ماما تطبخ ظليت افر براسي ومااكدر اخابر لان تلفون ماكو بالبيت والله كعدت افتر بالبيت وجان الكه مجله كاتبين بيه عن الطبخ والله ظليت اقرة بي وسويت هيجي شغلات بسيطه كلت من يجي اكله ترة مااعرف اسوي اكل واستغربت انو هو ليش ماعندة خدامه شعجب كل المسئولين عدهم خدامات المهم ظليت افتر بالبيت وشغلت التلفزيون وباوعت لحد مامليت حسيت نفسي بسجن اختنكت وفوك الددر ماعندي ملابس بس مال نوم اتاخر الوقت وهو مااجه على الغده كمت اكلت شويه جان الاكل مطيب ههههه بس شسوي من الجوع وفتحت التلفزيون وظليت اباوع لحد ماغفيت وحسيت وره تقريبا ساعه هم مجان موجود وظليت انتظرة لحد ساعه ١٢باليل ومااجه وبعدين صعدت للغرفه ونمت بس خفت وحدي وجنت اسمع صوت الكلاب وجان البره اظلم وخفت اني كاعدة بمنطقه شبه مقطوعه والله لفلفت نفسي ونمت ومحسيت الا الصبح نزلت جوه شفت رائد بالمطبخ بعده بنفس ملابس البارحه كتله صباح الخير كلي صباح الخيرات شلونج كتله زينه كتله انتظرتك البارحه مااجيت جان يكول اي عندي شغل جان كتله اي مواني خفت وحدي كلي لويش خفتي كتله البره جان اظلم وصوت الجلاب واني وحدي ضحك جان يكلي قابل انتي صغيرة تخافين كتله حباب بعد لظل بره كلي موبكيفي شغلي هيج واجه تقرب عليه وباسني من راسي وجانت ملابسه ملايانه عطر نسائي عرفت انو هو كان يم وحدة ماعنده شغل وهو ديكذب معقوله مصارله يوم واحد مزوج وثاني يوم راح ويه وحده ثانيه شنو هالانسان بس مكدرت احجي شي سكتت وسئلته شوكت يجون اهلي يكعدون بصفنه كلي بعد اسبوعين كتله زين ليش مااجوي اليوم البارحه ماما كلتلي اجيج الصبح جان يكول اني كتلها ماكو داعي تجون كتله لويش كال احسن كتله ليش التلفون ميشتغل كال شسوين بالتلفون كتله اخابر اهلي كلي ماكو داعي هما راح يجون يمج كتله لعد انت موانطيتني رقم كتلي من تحتاجين شي خابريني عليه كلي اي كتله لعد شلون اخابرك كال لتخابريني غيرت رأي واني مااريد تلفون بالبيت ابو مازن موجود من تريدين شي كليله داحجي وجان يكلي لتلحين بعد شسوين بالتلفون عندج احد تخابري غير اهلج كتله المن اخابر قصدك كلي والله انتي ادرى كتلتي نفسج على التلفون سكتت كتله اريد ملابس ماعندي بس دشاديش مال نوم كال اليوم اجيبلج كتله خلي اجي وياك كلي لا كتله ليش هيجي تعاملني كله كافي تناقشين سوي الي اكلج عليه بدون مناقشه وخلص ضوجتيني وخله وكام وصل يم الباب كال اني بالليل اجي واريد من اجي اشوفج جاهزة ومتحضرة ولسوين اكل لحد ماشويه شويه تتعلمين اطبخين مناقصني تسمم وطلع وسد الباب شكد كرهته يتعامل ويايه بمنتهى الحقارة وفوكاها عايفني ورايح يم وحده واجايني الصبح ريحته مال نسوان وكعدت ظليت افكر بقسمتي المايله وحظي الي وصلني لهل النتيجه عبالك مشتريني ويعاملني بكل استحقار
يتبع.......
