البارت الثامن-
ظليت نفس اليوم القبله ملل وافتر ماعندي شي اسوي همزين لكيت كتب ورايات فوك كعدت اقراهن لان اني من محبين القصص ويذات قصص الحب وجنت دائما احلم اعيش قصه حب مختلفه جدا الحمدلله على كل حال ولحد مصارت ساعه بالسبعه ندكت الباب فتحته وشفت رجال جبير كلي مساء الخير كتله مساء الخيرات كلي استاذ رائد دز هاي الغراض كتله اشكرك كال اني ابو مازن اي شي تحتاجين اني موجود بس دكي على هذا الجرس وان شاءالله باجر الصبح تجي زوجتي تنظفلج البيت كتله انشاءالله كلي مع السلامه وراح جانت مثل الجنطه هيجي صغيرة فتحتها جان بيها نفنوف طويل لونه بنفسجي حلو وجان اكو بيها غراض بعد وعطور مبينه اشياء غاليه وجان اكو علاكه ثانيه بيه عشه وبالغراض اكو ورقه مكتوبه بيه اني ارجع للبيت ساعه بالعشرة رائد كلت اي انت بس تتامر عليه ولازم اني انفذ كل طلباتك المهم شلت الاكل ورتبته وصعدت فوك لبست هذا النفنوف الي جايبليه جان تحفه عليه كلش حلو بس جان فاضح وفتحت شعري وتعطرت وخليت حمرة ونزلت دانتظرة وذكرت من كلي احب المراة الي تهتم بنفسها وصارت ساعه بالعشرة ونص وهو ماكو وبعدها بربع ساعه سمعت صوت المفتاح مالته وصوت عوجيته استغربت انو جنت متلهفه على جيته ولمن دخل جان التعب مبين على وجه وعرفت انو هو منايم من البارحه وكمت رحتله وباوع عليه كلي طالعه حلوة تخبلت من كلي هيج كلت بكلبي صدك ديشوفني حلوه لو ديجاملني كتله اشكرك كلي اروح اغسل واجيج لان كلش جوعان كتله اي اني هم احضر الاكل كلي يله بسرعه وكرصني من خدي حسيت كلبي طار وضحكت على عقلي الصغير مصارلي يومين مزوجته واخذني غصب عني واليوم اشتميت بي عطر نسائي وهسه من سوالي هاي الحركه طرت من السعادة معقوله اني هالكد بريئه المهم حضرت الاكل وهو نزل كعد طبعا ياكل على كيفه واكله قليل وميحب ابد يحجي على الاكل نهائيا مافتح حلكه وحجه ولمن خلصنه اكل راد جاي سويتله ومن جبت الجاي خليته كدامه كمشني من يدي وكعدني بصفه وجان يبوسني من خدي كلي الله ريحتج مثل ريحت الجنه احلى كلمه سمعتها بحياتي بحيث تخبلت عيوني كامت تشع سعادة وظل ساكت يباوع عليه مجرد سئلني شسويتي اليوم وكلتله كنت اقرة قصه وظليت كاعدة مليت وخفت اكله على التلفون خفت يكلب وجه بعدين باسني واخذني من يدي وكلي يله امشي نصعد انام وصعدنا ومثل المرة القبلها رقيق بس برجوله وخلاني اعيش عالم ثاني اجمل من المره السابقه وتقريبا نمنه وجه الصبح ومرت ثلاث اشهر على زواجنه وكانت حياتي ملل وبيت اهلي مااجوي كعدو يمنه تاجل الموضوع الي وقت اخر حسب ماسئلته وكلي طبعا اكتشفت بي شغلات زينه وشغلات موزينه الشغلات الي مو زينه النسوان الي بحياته كان من هاوين المغامرات النسائيه كانت الغيرة دكطعني بس ماااكدر احجي لان مرة وحدة حجيت كلب البيت عليه وظل اسبوعين ميحجي ويايه واني كمت احسه مثل المهدىء بحياتي اذا ماانام بحضنه واذا ماااشوفه واذا مااسمع حسه بالبيت اتخبل اعصابي تنهار كان هو منفسي الوحيد حتى بيت اهلى مجان يخليني اروحلهم يمكن من زوجت لحد هسه شايفه بيت اهلي ثلاث مرات وهما يجوني مو اني اروحلهم جنت عايشه بسجن بس جنت احبه شكد جان بارد ويايه وعنيد بكل حاجه اريدها منه لازم يكلي لا بس اني جنت اموت على التراب الي يمشي عليها بيوم الي انام بحضنه انسى كل الدنيا وبخلال هاي الفترة صرت حامل فرحت لان راح التهي بشي ومرت فترت حملي واني يمكن رائد مشايفته عشر مرات كانت ماما تجيني وتابعني ونروح للدكتور مجان حتى فرحان بحملي ولمن ولدت وجبت ولد حسيته شويه فرح من شافه طبعا بتواسيل يله بقيت بيت اهلي اسبوع ورجعني للبيت وبده يبعد عني اكثر من ولدت اتصورت الطفل راح يقربنه اكثر بس هو كام يبعد عني واني احبه اكثر ويوم عن يوم يزيد حبي دورات جنت اكول ليش ازوجني اذا هو هيجي يعاملني فوك ماراضيه عايشه وياه بالظلمه محد يدري ومتحمله خياناته الي ومغامرات ويه النسوان مالته جنت دورات اقنع نفسي انو هو يحبني لان لمن جنت اكون قريبه يمه يكلي احس وياج بالامان اشم بيج ريحت جنتي من احلى الجمل الي عمري مراح انساه كان دائما يكلياها واني هم جنت اشوف بي الجنه...
يتبع........
