رحت ركض شفت هدى واكفه باب غرفتها كتله ليش تعيطين كلتلي انتي عيطتي واني داجي عليج كتلها لااني سمعت صوتج جان دكول لااني سمعت صوتج كالت لامواني رحنه على اخويه الصغير كان نايم كالت خاف ماما
كتلهاخلي ننزل نزلنه فتحتنه باب غرفه والدي والدتي
شفنه امي نايمه والدي ماموجود دورنه عليه البيت كله ماكو طلعنه لمكان الشجرة باوعنه هم ماكو
ظلينه كاعدين ننتضره مااجه وره شويه اختي هدى كالت
اني رح اصعد اغسل وابدل ملابسي وحتى نطلع ندور عليه خاف يسوي بروحه شي كتلها ان شاءالله ماكو شي
كالت يله اصعد وانتي هم بدلي كتلها ميخالف
صعدت اختي وخمس دقايق وجان اسمع صوت الباب مال مطبخ تندك من برة كلت هذا والدي رحت كمت اتقرب على الباب وفتحتها وجان فشي يدفعني بقوة ولمحت منه بس شي اسود خفت صعدت ركض على اختي فتحت الباب ودخلت اصيح عليها مجاوب واسمع صوت المي فتحت باب الحمام شفت اختي كاعدة بالكاع ومتتحرك خفت اتقرب عليها نزلت على والدتي كتله كالت
شكو كتلها تعاي لمن صعدنا جانت اختي نايمه على الجربايه نكعدها تباوع بالسكف نحجي وياها عيونه تنكلب ولون عيونها احمر
وحدة من رجليناتها تتحرك بطريقه غريبه كلش
شكلها يخوف كلش بحيث اني وامي متنه من الخوف وامي كامت تقرالها قران ولمن امي تقرالها قران هي طلع سنونه
ودكوم اطلع صوت بسنونه بحيث عبالك اتكسرن بحلكها خفت اخذت امي وطلعنه من الغرفه
ورحت على اخويه الصغير اخذته يمنه وجان الغريب انو اخويه الوحيد الي ميكول اني اخاف مااعرف ليش
او شنو السبب
المهم نزلنه اني وامي واخويه جوه وجان نشوف والدي كاعد يباوع علينه كتله وين جنت مجاوبني يباوع عليه وعيونه بيها شي غريب احس نفسي اباوع شي بعينه حتو لون عينه مختلف
امي كلتله لوالدي هدى هيجي وهيجي حالته مجاوبها وصاح على اخويه الصغير كله تعال اخويه راح بس بخوف
كتله لتروح تعال يمي وجان اشوف ابويه يندار عليه ويفتح عيونه حتى امي كلش خافت
امي كالت شرح نسوي لهدى كتله نوديه للمستشفى بس يطلع الضوه وفعلا هذاك اليوم منمنه اني وامي لحد ماطلعت الشمس وجنت كل شويه اروح اطمئن على اخويه الصغير اشوفه نايم بس ابويه ابد مينام دائما كاعد ومن تنفتح الباب بسرعه يرفع راسه ويباوع
كتلها لاامي انو البيت بي شي كالت لا مابي شي وثانيا احنا ماعدنا كل الي نملكه خلينا بهذا البيت وبن نروح كتلها ماما هذا البيت بي جن كالت لا
مابي شي لتخليني اتخبل كتلها لعد ابويه وهدى شبيهم كالت ماادري ابوج كال الدكتور حالته النفسيه تعبانه
كتله الله يخليج خلي نطلع من البيت
كالت ولج وين نروح
كتلها خلي نروح نودي هدي للدكتور صعدنا اني وامي
وفتحنه باب غرفت هدى جانت كاعدة على الكرسي وشعرها مكفوش وعيونها مفتوحه للااخير وجوة عينها متعوب عبالك صارلها سنه منايمه كلتلها امشي نوديج للدكتور
ماقبلت جانت متحجي بس تهز براسها وعدجان امي تتقرب عليها وجان تخلي يدها على راسها وقرت قرأن
وجان هدى تفتح حلكهها وباوعت داخل حلكه لون ازرك وجان تدفع امي قوي واتحولت عبالك شيطان وطلعنه ركض اني وامي من الغرفه وكالت امي شنسوي كتلها ماادري
خابرنه على الدكتور مال ابويه وكناله على حاله هدى كال اني اجي للبيت وفعلا اجانه ودخللها وكامت تعيط وطلع الدكتور خايف منها كال ممرت عليه هيج حاله من قبل
كال لازم نخليها بالمستشفى لان هاي تقتل نفسها وممكن حتى تقتلكم انتو نايمين كلتلها امي شلون لعد عد الدكتور خابر على المستشفى وجابو سيارة جبيرة واجوي تلاثه بكوة طلعوها من الغرفه ملختهم تعضهم وتضربهم عجيب مين جابت هاي القوة كلها
يتبع ..........
اسفه ولكن كل من يسمع بقصتي يرى شيئ ما خلفه
ولانتظرو الي نفسكم بالمرايا
