طبعا اختي خلوها بمصحه لان كالو هي مجنونه
اما والدي فجان عنده حالات غريبه دورات يكعدنا بالليل يعيط يكول كومو رح نحترك باعو النار اكلت البيت كلنا نكله ماكوشي يكول شبيكم نعميتو متباعون لو دورات يكلينا رح نغرك البيت كله مي وكام ميقبل ياكل ومرة ضرب امي بالمحد مال سكاكين هي نايمه وطلع من الغرفه ولكيناه كاعد بالحديقه لمن امي سئلته ليش هيج سويت كاللها هو كلي كلتله منو كال هذا وجان يأاشر على مكان منعرف جان شيقصد وبدت الأصوات الي اسمعها اني دزيد ودورات
كمت اشوف عبالك واحد ويايه ولد بالغرفه المحه وبعدين يختفي وره هاي الامور كلها قررنا انو نطلع من البيت
نروح لغير مكان وكان والدي عندة فلوس ضاميها
كالت امي اخذيها وشفينه فد شقه صغيرة على كدنا وشوفي منو يكدر يساعدج من الي تعرفيهم
وكتله ان شاءالله باجر اطلع من الصبح اشوف غير مكان كالت اي خفت اصعد انام بغرفتي رحت نمت جوة بالغرفه وياامي نمت وحسيت على شي ما ولكن لمن فتحت عيني شفت واحد شكله كلش يخوف كاعد على الجربايه مال امي وبلمح البصر اختفه واني جنت اريد اعيط بس صوتي ميطلع واحس رجلي ثكلانه مااكدر اكوم من مكاني واحس هم احد يلعب بشعري
ماادري شلون ونفتحت باب الغرفه وشفت امي بس مااكدر احجي شي ولمن اجتي تقربت امي عليه شفتها غير وحدة واختفه كلشي وحسيت نفسي اكدر اكوم بس من الخوف رجلي بكوة اجرها كمت طلعت من الغرفه وابجي وادور امي جان البيت اظلم بشكل مو طبيعي اصيح على امي ماكو اصيح على اخويه الصغير هم ماكو
فتحت الضوه مال البيت جان البيت فارغ طلعت للحديقه ماكو احد تخبلت والخوف اكلني مكدرت طلعت من البيت خفت ابقى بالبيت وحدي وره شويه شفت والدي اجه كتله وين امي مجاوبني وفات جوة خفت افوت وراه ظليت اصيح على امي ماكو رد ردت ادخل اجيب سويج السيارة بس شفت ابويه كاعد على الميز مال اكل وجانت اكو سجينه قريبه يمه خفت ادخل بس وره شويه شي كمشني من جتفي نداريت شفت امي حضنتها عالسريع كتلها وين رحتي كالت جنت ادور على اخوج لان حسيت من النوم وملكيته وظليت ادور عليه لحد مالكيته
كتلها وين جان دكول جان وياابوج كتلها بس ابويه بالمطبخ كالتلي لا نداريت شفت ماكو احد بالمطبخ كتلها وين ابويه جان دكول جان ديتمشه ورانه
وصدك خلال ثواني ابويه اجه ومباوع علينه وفات جوة
طبعا اني من الخوف الي داعيش بي ماادري شسوي
اخاف حتى اكل اخاف اعوف امي واخويه احس ابويه متلبسه شي
انما اني بس اكون وحدي اسمع الصوت الي يحجي ويايه دورات يطلب مني انو انزع كل ملابس وأكف كدام المرايا واحس عيوني دكوم تتغير ودورات هذا الصوت يخليني اني نايمه اكوم اكعد لمدة طويله وبعدين احس على نفسي
ولكن جان هناك شي مديخلينه نترك هذا البيت جان هذا البيت يريدنا بداخل جدرانه اكوشي بالبيت يريدنا كلما نحاول ندور بيت او اريد اطلع ادور على بيت ويصير شي سبحان الله
والشي الي يزيد الامر غموض انو هذا الصوت الي يكلمني احسه دورات يساعدني ودورات يريد يأذيني شي كان يمنعنه نشغل قران ويمنع ابويه يصلي وشي كان يلهيني دائما عن ذكر رب العالمين
كام الخوف يتمكن مني لاابعد الحدود احساس رهيب
الله ليشوف انسان الخوف الي مريت بي
ولكن بعد اربع تيام صار عندي اصرار انو اطلع من هذا البيت وفعلا لكيت شقه ورجعت فرحانه وكنت داريد ابدي الم بالغراض واتصلو بيه من المستشفى
وذكرت انو اني نسيت اختي
فرحتلها كانت احسن حالتها وحتى تتكلم طبيعي ولكن
جانت تريد تحذرني من شي شافته بالبيت بس مكدرت
جانت خايفه
بس لمن طلعت منها تكلمت ويا الدكتور
الدكتور كال كلتلج شي كتله لا كلي هي دتحاول تحذرج من الشخص الي موجود وياكم بالبيت كتله منو والدي كال لا هي دكول موجود واحد وياهم ودائما موجود بغرفتج
خفت جسمي كام يرجف كلت لازم اطلع اهلي من البيت بااسرع وقت ولكن لمن رجعت شفت جانت سيارة مال اسعاف باب البيت
ومنعوني بالبدايه انو ادخل ولكن دخلت شفت والدتي تبجي واخويه كاعد على الكرسي كتلها لاامي شكو كالت ابوج كتلها شبي
كالت مات كتلها شنو كالت قتلووو كتلها منو كالت يمكن حرامي كتلها وين جنتي كالت اخذت السيارة ورحت داسوك كتلها ومحمد كالت جان نايم اني ابجي واحجي
دخلت شفت الدم بكل مكان وكان والدي مغطه بشي مثل النايلون اسود طبعا بنفس اليوم طلعنه من البيت رحت لبيت وحدة اعرفها صديقتي
والقضيه نسبت الي قضيه قتل بطروف غامضه انو مااكو اي دلليل على انو والدي انتحر ولااكو اي دلليل على انو احد قاتله ولكن منو الي الي ذبحه والادله ثبتت انو هو نقتل بس مااكو دلليل على وجود قاتل الوحيد الي كان بالبيت اخويه الصغير الي يكول جنت نايم بس نظراته دكول غير شي وعدم خوفه غريب ولا مره كال اكو شي يخوفني ممريحني وهو الوحيد الي مجان اكو شي ياذي
اني كعدت بغير بيت واختي بعدها نصف مجنونه واني
دورات اسمع اصوات بس قليل ولكن كمت اخاف من اخويه الصغير لان احس هو يخبئ شي
احذر ان تجلس وحدك واحذر من الظلام لاانهم يعشقون الظلام والخوف الذي بداخلك
سوف ترئ شي ما فااحذر
#الكاتبه #روجمان
