#عشق-السندباد

الجزء 11

#قصه_عشق_السندباد
للكاتبه فردوس عبد اللطيف
الجزء   11
اشبيج سراب ليش تبجين شصاير
اى والله صارت شغله
شنو صاير خير
تتذكر البارحه من كنا نتكلم وبجيت
اى اتذكر
البارحه اجونى خطابه
وشفت الولد ووافقت عليه
شنو سراب مجاى افتهم انت تحججين صدك لو تتشاقين
اى احجى صدك واريدك تمسح ا رقامى ورسائلى من تلفونك لانى مقبله على حياة جديده وما اريدك تخربها
كانت الصدمه قويه ومفاجئه....بقيت ساكت
انى اخرب حياتج
سلامات سراب انت تحجين حقيقه لو تتشاقين
انفجرت بالبكاء
ااى اكثم انت تخرب حياتى....الله وياك
زين والحب والاتفاق الى بينا والبناء والبيت والاثاث الى اشتريته والفلوس الى استلفتهه من اقاربي
سكتت
سالتهه منو هذا الشخص ممكن اعرفه
موظف يشتغل بشركه النفط وحالتهم الماديه جيده وبيتهم قريب على مركز المدينه بالبريهه
اوكى سراب  موفقه ان شاء الله وراح امسح كلشي يخصج
بس بوقتهه ردت اوكف على رجلى  وكنت بمقدمه الزورق حسيت الدنيا تفتر ولزمنى دوار وردت اوكع بالبحر توقف تفكيري احس كلشي جمد واسودت الدنيا بعينى لانى انخدعت من قبل انسانه اوهمتنى بالحب والمشاعر
خلال ايام تزوجت سراب
نفسيتي تعبت تأذيت حسيت انى انخدعت من اقرب انسانه
سافرت للامارات لتغير الجو بقيت اسبوع مع صديقي مهندس علاء..بعد ما حجيتله على مشكلتى ماقصر وياي حاول يطلعنى من الحاله الى اثرت على كظيناها سياحه...فعلا ارتاحت نفسيتي كان تأثير علاء واضح استطاع ان يقنعنى انسى سراب وأبدأ صفحه جديده
بعد عودتى مارست عملى وحياتي الطبيعيه...اهلى من سمعو زاد ضغطهم على من اجل ان اتزوج
غيرت شريحه التلفون الى كنت اتصل بيهه مع سراب واعطيتهه لوالدى واخذت رقم جديد
بعد مرور 7اشهر اتصل رقم غريب على رقمى الى عند والدى
اكثم البارحه اتصل برقمك رقم غريب واكيد احد جماعتك البحارة القدامه
انى هم توقعت احد الاصدقاء البحريين لان على طول اتصالات بينا عندما يسافرون بالاشعر
ارسلت رساله
انا اكثم منو حضرتك اتصلت على رقمي القديم
الجواب
انا بنت وليس ولد اكدر اتصل
تفضلي اتصلي
شنو نسيتنى انا سراب
شنو الى ذكرج بي مو كلتي انسانى وامسح كلشي ولاتخرب حياتى
اى صحيح كلت هذا الكلام...بس انى تطلقت
تطلقتي بعد 7 اشهر ليش شنو الى صار
انى احبك اكثم ومكدرت اعيش ويه شخص اخر وقلبي وياك
اعترفت لزوجى انى احبك وطلقني
بداخلي ماصدقت كلامهه واكيد اكو سبب اخر للطلاق بهالفترة القصيرة  ولو انى ما مستوعب الموضوع لكن شنو المطلوب مني بشنو اكدر اساعدج
اريدك تحققلي امنيتي وهى ان نلتقي ولو لاخر مرة
طيب اجازتى لعد 3 ايام
نلتقي صار موعدنه بكليه الهندسه
نزلت مجاز وذهبت للكليه حسب الموعد
جتى سراب لكن من شفتهه انصدمت متغيرة 360 درجه
ضعفانه ظهرها منحني ذبلانه وجهه اصفر توقعتهه مو هى اختهه
معقوله انت سراب بعد 7 اشهر
اى انى...حتى صوتها متغير
هاى اشبيج شصاير بيج
وين صحتج وين جمالج وين اناقتج وين ...وين
كلشي راح يوم الى عفتك
جلسنه بمكان مجاور مجمع القاعات وبقت تتكلم وتبجى
تعذبت ويه انسان ما احبه واعترفتله بحبي الك واتعارك وياي واذاني  حاليا انا حامل
طيب كيف تتطلقين وانت حامل
صارت مشكله كلش كبيرة من اولد اخذ قرار المحكمه واتطلق رسمى
من شفتهه بهالحال ودموعهه تجرى ونفسيتهه تعبانه وصحتهه منتهيه
تركتهه وكلى حيرة بقيت افكر منو السبب هى لو انى التهيت بالبناء وتاخرت بالخطوبه لو اهلهه
رجعت تتصل بي يوميا وتريد تسمع اخباري
الو اكثم اشلونك..انى محتاجتك امر بازمه نفسيتي تعبانه ارجوك توكف وياي لانى ارتاح من تكلمني وكلامك معى يخفف عني هموم كثيرة
انى انكسرت واريدك تصير انت المنقذ الوحيد الى ولطفلي الى راح يجي للدنيا من غير اب
للحكايه بقيه   f
شدكولون اكثم راح يسامحها ويرجعلهه