بارت 8 .
.
.
وفد يوم كال نرجوسة كولي لاهلج وره الدوام مدرسة الكيمياء راح تاخذنه دروس اضافية لان اني سجلتج يم مدرسة كيمياء ويه مجموعة طالبات يومية ورا الدوام ساعة اوديج حتى تتقوين بالكيمياء واذا عندج وقت ثاني حتى اسجلج بدروس فيزياء خصوصي هم لو بيدي كل الدروس اسجلج بس انتي ماتقبلين ننخطب
اني من الصدمة كمت ابجي كتله فارس ماريد ليش هيج تسوي فوك ماتاخذني ابلاش انوب تسجل يم مدرسين تعرف شكد ياخذون فلوس كال فدوة لعيون حبيبتي كلشي اسوي بس حتى تنجح واتزوجها هعععه كال تره اني هم مصلحة ههههه اني فرحت هواية وماعرفت شكول ماكو شي يوصف شعوري ماشايف هيج رجال كتله فارس بعطلة نصف السنة تعال اخطبني اقبل خطية راد يطير من الفرح شغل اغاني وكام يغني ويركص واني بس اضحك حسيت هذا ملاك من السما دزلي اياه رب العالمين جانت فرحتي وياه ماتنوصف حبيته هواية بس ليهسه شالعة كلبه ماكتله هههه وطبعا كلت لاهلي عالدروس الاضافية مااهتمو مرة ابوية كالت لو تباتين احسن حتى ماشوف وجهج وكتلهم يومية العصر اروح يم صديقتي حتى ادرسنا اختها وقبلو بس اني جان ياخذني فارس لمدرسة الاحياء اتقويت هواية مستواي صار احسن درجاتي صارت عالية كل هذا بفضل فارس جان عبارة عن ملاكي الحارس جنت احسد نفسي عليه وكل هذا وهو مافد يوم حاول يلمس شعرة مني ولاطلعت منه حجاية غلط جان حبه صادق وشريف عبالك طلع من لعبة حظ يانصيب صار اليه الهوا الي اتنفسه كمت اموت عليه بس هم ماكايلتله على مشاعري اخجل وماكدر الفظها بس هو بالدقيقة عشر مرات يكول احبج .فارس. حبيت نرجس حب ماجنت متوقع اني راح احب انسان هالدرجة جانت تعني الي كلشي جنت احميها من كلشي حاولت اساعدها بالي اكدر عليه ولو تريد روحي انطيها
فارس. نونتي من تخلصين الدرس خابريني ارجعج بس عندي مفاجأة الج
نرجس. واي كول شنو ممم مو كافي مفاجأت دتخجلني هواية بنفسي اسويلك اني هم مفاجأة وافرحك
فارس.حبيبي انتي وجودج يمي يساوي فرح العالم كله بس انجحي وصيري مرتي وراح اشوفج السعادة شنو اوكي حبيبي
نرجس. اوووكي باي😍😍😍😍😍
نرجس. نزلت ودخلت للمحاضرة وكملنا واني بالي يم المفاجأة متت من الفضول خلصنه اجه فارس واخذني وطلعنا بالسيارة بس مو على طريق بيتنا سئلته وين رايحين كال مفاجأة خفت وكمت ابجي هو اتخبل حيل ضاج كال هاي ثقتج بيه تتوقعين اني اذيج او اسوي شي يضرج يله راح ارجعج للبيت واسف كتله لالا خلص سكتت واني اسفة متت من الفضول اريد اعرف المفاجأة هههه
