بارت 20.
.
طلع فارس ومادار وجهه عليه بقيت ابجي بحركة حسيت طلعو كلبي من مكانه بديت اختنك لحد ما اغمى عليه وماحسيت بشي بعد .فارس. طلعت احس اعصابي راح تنفجر اريد اموتها لهاي الجبانة اتخبلت طلعت متعصب شفت ابوها كدامي-- انت هم حاسب نفسك اب انت جنت تعرف شلون جانت تروح للدوام بنتك لوص جان عدها فلوس لو شجانت تاكل لو تشرب ولك شنو انت من اب اني خطبتها مرتين انت ماقبلت اني هم راح اطلع من حياتكم وسامحوني ديربالك على هاليتيمة الي بركبتك ورحت شفته بقه واكف مصدوم ماتحرك اني عفته وطلعت
نرجس. بعد ساعة كعدت شفت نفسي بنفس الغرفة وزيد واكف فوك راسي كبل ارتبكت كمت كال لالا اتمددي ارتاحي حمدالله على سلامتج واني اسف
؛- شكرا .. على شنو --حجولي نرجس اسف لان هيج تأذيتي بسببي لو كايله من اول يوم انج ماتقبلين بيه واكو شخص ثاني بحياتج جان انسحبت بس ماعرفت مايوم انطيتيني فرصة احجي وياج عبالي تستحين -- مممم اني هم اسفه اني ماكدر اقبل بيك لان اعرف اختي تحبك --منو ؟؟؟ -- زينب . .. ضحك زيد هههه يصير خير واني اسف مرة ثانية اخذي راحتج
طلع زيد انصدمت هلكد جان حباب ومتفهم اتندمت لو من البداية جنت حاجية وياه احسن بس شسوي لفارس ماقبل احجي وياه كعدت افكر بفارس فرحت كلت هسه بس اكوله يفرح وننخطب وتخلص المشاكل اجه ابويه باسني وماحجه ايشي وكال يله نطلع هم انصدمت بيه بس فرحت رجعت للبيت الكل يبوس بيه ويكولون حمدالله على سلامتج خلوني بالغرفة ركض على موبايلي اخابر على فارس مغلق ادز مسجات ماكو ..اتخبلت بقيت يومين اتصل ماكو ماعندي اي اتصال ثاني بيه شون اوصله حتى بيتهم مااندله متت مرت اسابيع واني على هالحالة ....
