Savaged

Chapter 4

"SO YOU and Dipsy are fucking, huh?" Nakasandal siya sa kinauupuan niya habang pinagmamasdan ako. Nandito kami sa isang coffee shop, di kalayuan sa aking condo kung saan ko dinala si Dipen.

Pinamulahan ako habang nilalaro ko ang straw na nakasawsaw sa aking drinks. "Nakita mo lang natutulog sa kama ko, fuck agad. 'Di ba pwedeng lasing lang yung pinsan mo?"

Pinaningkitan niya ako ng mata. "Cut the crap, Kia. I know you when you're lying."

Napasipsip na lang ako sa aking drink. Gumagana ang isip ko para makalikha ng palusot. Hindi niya pwedeng malaman ang tunay na nangyayari sa amin ni Dipen. Higit sa lahat ay hindi niya pwedeng malaman na patay na ang lalaking iyon.

Pinsan ko si Quiro pero pinsan niya rin si Dipen. Pinsan ko siya sa mother side. Magkapatid ang mga mommy namin habang magkapatid din ang daddy niya at ang daddy nina Dipen.

Tumikhim ako. "Listen, Q." Sinikap kong ngumiti at maging kaswal. "We're just—"

"Experimenting?" Hindi na niya ako pinatapos.

Kandalunok ako.

"I know you, Kia." Ngumisi si Quiro. "Wala ka namang pakialam sa ibang mga lalaki maliban kay Leon. And since wala ka talagang pag-asa kay Leon, siguro naisipan mong tiyagain na lang iyong kapatid."

Napalabi ako. "Ah... Uhm... Yes?" Naisip kong sang-ayunan na lang siya para matapos na ang usapan.

Pero hindi pa pala matatapos dahil umiling-iling si Quiro. "You must stop playing with that man, Kia. Baka kaka-experiment mo, masaktan ka lang sa huli."

"So what are you saying? That I should stay away from him? As if hindi ko kaya ang sarili ko. Damn it, Q, kilala mo ba kung sino ang kausap mo? May amnesia ka ba? I am Kiana Louise Montenegro, in case you forgot, cousin."

Hinawi ni Quiro ang ilang pirasong buhok na bumagsak sa kanyang sintido. Ang kulay tsokolate niyang mga mata ay bumabagay sa blonde at curly niyang buhok. Malayong-malayo sa hitsura ko si Q, sa mata kong kulay karagatan at sa buhok kong kasing itim ng gabi ay walang mag-aakalang magpinsan kami, na magkapatid ang aming mga ina.

Ngumiti ang mapulang labi niya. "I'm just concerned about you. I know you. You're a madly-crazy-bitch when you're in love."

Sinasabi niya bang may posibilidad na ma-in love rin ako kay Dipen? Na mabaling sa lalaking iyon ang feelings ko kay Leon?!

Tumayo siya at humugot ng pera sa wallet. Inilapag niya iyon sa mesa. "I'm just concerned." Pagkuwan ay humalik na siya sa pisngi ko. "Hindi kay Dipsy, kundi sa'yo. Pareho ko kayong pinsan. Pero alam mong mas matimbang ka sa puso ko kahit na saksakan ng sama ang ugali mo."

Nilingon niya ako bago siya lumabas sa sliding door.

"Dipsy has the most dangerous dick in the planet. Be careful." Pagkasabi ay nawala na siya sa aking paningin.