مروه.
كعدت الصبح نزلت جوه شفت احمد د يتريك
مروه صباح الخير
احمد. صباح النور شعندج من وكت كاعده
مروه. مادري فزيت اسويلك جاي؟
احمد. والله ياريت
مروه. صار
رحت سويتله جاي كملت وصبيتله
احمد. عاشت ايدج تسلمين
مروه. ولو
احمد. شوفي عيني اني اصلا مقابل ع موضوع الفصليه انتي مالج دخل ودفعتي ثمن عمله اخوج
لو ما عمامي جان حليناها بغير طريقه بس بعد شنسوي واني كلش اعتذر منج انشاء الله ترتاحين ويانه
مروه. لا بالعكس وانتو ممقصرين وياي بعد هو قدر شنسوي
احمد. نشيلج بعيونه وامي انتي بعد شفتيها مابيها حيل شي واكو خدامه اي شي تردي كوليلها بس غرفتي انتي عدليها رتبيها اغسلي هدومي اكويهن
اني ما احب اي احد يلعب بغراضي ويدخل غرفتي
مروه. صار من عيني
احمد. تسلم عينج شراح يسوون غده اليوم
مروه. اليوم اني رح اسوي دولمه
احمد. زين كتيلي حت ما اتأخر😁😁
مروه. هههههه
احمد. يلا عيني اني رايح
مروه. الله وياك
شكد يصير حلو من يضحك فدوووه 😍😍
رجت سويت خبز كملت سويت شوربه عدس لخاله بديت اسوي حشوه الدولمه ولمن جاي ادور البهارات كعدت خاله واجتي للمطبخ
سعاد. صباح الخير
مروه. هلا خاله صباح النور
سعاد. الله شنو هل روائح الطيبه
مروه. سويتلج شوربه عدس وجاي اسوي دولمه
سعاد. الله صارلي شكد مماكلتها صبيلي فدوه
مروه. صار خاله تردين ويا خبز
سعاد. لا ماعدنه هسه اخابر أحمد يجيب
مروه. لا خاله اني خبزت
سعاد. صدك
مروه. أي والله احطلج ويا
سعاد. ياريت
مروه. تدللين خاله
صبيتلها شوربه وحطيتلها خبزاية مكسبه ورحت جبت دواها وانطيتها مي وشربته الها
سويت الدولمه ولفيتها صارت ريحتها تخبل
اجه علي وكعدت ريم
مروه. أحمد خاله ريم يلا الغده جهاز
احمد. الله شنوو هل ريحه تخبل
سعاد. عاشت ايدج شكلها يخبل نيالك أحمد علي هيج وحده
