اتركم ويه شخصيات قصتنه يعرفون عن نفسهم ..
ريم : بنيه شكلي عادي من ناحيه الجمال كصيره بيضه وينضرب المثل ببياضي 😍 يمكن هاي صفه الجمال الي عندي عيوني سود وشعري اسود
اداوم مدرسه ومتفوقه بدراستي من الابتدائيه امي تعبانه علينه اني وخواتي وممخليه ببالنه غير الدراسه حاليا صف خامس اعدادي...
ايات :اني صديقه ريم الروح بالروح احبها كلش بس هيه متعقده بالدراسه زايد يعني لا فيس لا طبات لا طلعات ...
اني حلوه سمره و عيوني عسليه وشعري بلون عيوني عندي شامه فوك حلكي يعني صاكه 😞...
ساره : اني صديقتهم الثالثه احلاهم طبعا تقريبا نفس مواصفات ايات بس بيضه وبدون شامه 😏
ما احب ريم بس مجبوره امشي وياها لان ايات صديقتي ...
********
ام ريم : اكعدي يا يمه من وره هل سهر والموبايل سنه نكعد بيج لو لازمه كتابج هم اكول
ريم :كعدت كعدت (بس لو ادري الموبايل شعليه غير عاميه عيوني بالكتاب ٢٤ ساعه )ادردم ويه روحي بصوت ناصي
ام ريم: شدردمين ولج 😠😠
ريم:ها لا ماما اكول حقج تحجين عليه 😨
بدلت واجه ابو الخط رحت وياه وصلنه المدرسه قبل الكل حته قبل الاداره لان يجينه الخط من وكت 😒
ايات : هلو ريم شلونج اوف تعبت من هل دراسه شوكت نخلص عاد نوب لا حب ولا شي
ريم :هاي منيه الي تكول ماعدها حب 😂
ايات : يمعوده جفاف هل ايام تعاي اكولج انتي ليش متبطلين عقدج شويه وتكبلين 💞
ريم:لا يمعوده خليني بره هل سوالف اني امشي دك الجرس خل نطب للصف لا نتعاقب
ايات : اوك امشي الشاطره
خلص الدوام وطلعنه تاخر ابو الخط كل عاده بقيت انتظر بباب المدرسه لمحت شاب كلش حلو بس مهتميت طبعا هوه معبرني لان هواي بنات ذبن روحهن عليه عمه مشايفين ولد 😒😒
***********
هاي اول قصه اكتبها ممكن تشجيع وتكتبولي رايكم ع كل بارت ✌✌
