🍫🌸Âsøshâ👑:
#فاتني_المسحوره🔞🔞
بارت3
بقلمي اسراء محمد
العفو بس سوال..
يي اتفضل..فضلك مانسا...كول..
اشون تلبسين سوار مو ممنوع..
ضحكت...بصوت ناصي..
ودنجت...كتله انخالف..نضوج هم نمل روتين..
وباوعت..ع صفحه..وضححك..
كال فدوه لهضحكه..
اني سكتت..
كتله اترخص..
خفت احد يشوف..
رحت للمدرسه..
دخلت..كعدت..
جان عدي متحان..كملت ..
وزينه كلش فرحت...
جن وجها خير عليه..هههه..
كاعده ع رحله وصافنه..
جان عدنا شاغر..وهوسه وخبصه..
البنات طلعن بقيت بلقاعه..
مطلعت بيومها كامشني الم بطني..
ومتت...
عرفت..اووف. وكته هسه..
بقيت ضايجه...
جتي يمي..صديقتي الهام..
جتي بصفي..
وخرت لشال..
شبيها الحلوه زعلانه ..
مبيه الوله حبي...تركيني..
احم..عدلت روحها..تره اليحب..
فاضحاته عيونه..
صدك ضحكتيني..هههه خرب بليسج..
وج نهجم بيتج..
هههه وج ماكو كلشي والله..
اجت ال...صخام...
هخههه اكول البت شبيها..بس تره عيونج فاضحاتج..ها..
اهو الوله كتلج ماكو..
لا اكو..سولفيلي..علي..
منو ولج..كمزت بوجها..
هههه شفتي شون..كلبج طار..
حجي..
خايبه شحجي..تركيني بهمي..
خوش..مو صوجج..رادت تكوم..
كعدتها هسه اني بحالج دخيل الله..كعدي..فدوه..
اووك لاتسولفين ماثقين..
بس اني عوبه.لسولفلج كلشي..يخصني...
الوله اسفه بس وااله تعبانه...
دنجت وبقيت ابجي..
شبيج حياتي انعل بوهم لبجوج..
نداريت عليها..وكمشت يدها..
وج الوله..هذه بن خالتي..
لازك لاطش..وماحبه..
عزا بعينج..اسامه..
يي خايبه..
طاح صبغج..ليش..يكطع..جنه ككو..
اذا تردين اسولفلج..بدون تمسلت..خوش..
هههه كملي..
وج اي البارحه يكول احبج...
هله اويلي ياب..وشبيج تبجين..
وج الوله..ماحبه احسه اخو..حاله حال عمر..
اخويه..
هاي شجاج..خايبه..شون متصير هيج..
وج والله مو همه دوم يمنه..كلبي ابد ميرفله..
احسه جزء من عائله..
وين مشكله رفضي وخلص..
يي بس هذا مخبل ولج كتله احسك اخ..
كسر الغراض..
وطلع..
اي طبه مرض شعليج بي..
مو هنا مشكله..
اهو تره فريتي دماغي..
وج..غير رح اتخبل..
شكو ولج .
حبي اكو ولد جيرانه..
فكت حلكها..يي كملي بله..
اني ضحكت...
ههههه كملي ولج..عشكتي من اكلج لاتكولين لا..
هي بومه شلقصه..بس اني اعشك..من بطن امي..
دكملي ..
يي وج..جيت انعدم ونقذني..
صدددكك ..اويلي..فارس الاحلام..
هههه مداج..كامت تتمركص..
كعدي لاتجيج..ست علياء طيح حضج..
نطمي كعدي..
كعدنا م لسان..
يي كملي..
اي ظور نسيت اسواري..
ورجعه الي..وحجه كال مو ممنوع..
هله دور يحاسب ..
خلت ايدها عرحله..
كالت ..وداعتج..صارله فتره وراج..اني كلج..
خو نتي...صوج ليحجيلج..
هههه لاكملي فدوه للناسكات..
بس كافي عاد..
كملي انجيلينا جولي..
يي البارحه دافتح الشباك..
وصار عين بعين وياي..
هههه اويلي..
يي واليوم شفته واكف..
باب المدرسه...
وج هو الاعرفه سادس.عدادي..
وسنه ثانيه حسب حجي امه لامي..
ونوب بمدرسه البصفنا..
ههههن شسمه ولج..
كرار..
خايبه يكتل..
هههه ...مبروك عليج .
ليش خير عرست..
لا ولج..بس وكعتي ومحد سما عليج..
كلي تبن...
ماكله من زمان جا خو ما حضي مثل حضج..
كلها كاتله روحها..
ههههه لانج جكمه..
ههه لااشاقه حبيبتي..صبري..
وج طنشي..يركضولج ..جنج لعابه..
يي حض ماكو..
الله كريم هسه حجيلي شسوي..
هسه اني اكلج ...كامت ع حيلها..وتخصرت ونتجت عرحله لكبالي..
هسه تستمرين بلحضات ..الحب والرقه..والاحساس...وتحرك بيدها..ومغمضه..
همداج..غميتها..مو صوج اليحجي..يمج..
ههههه وج اوكفي..تعاي جوعانه..
يي مشي ناكل..
شترينه وناكل..ونسولف..
وكلساع تمسلت..موتتني..
دكول فلم هندي..بس بيني وبين روحي..
صدك اتمنى اعيش قصه..حب..هيج خياليه..
بس احنه بلعراق العضيم...
اوف..كمت..كملنا..وكالو خلص ااشاغر..
وطلعو جانت ساعه وحده..
طلعنا..الجو بده يكسر..وح تبدي متحانات النهائي..
رجعت للبيت..
شفت كرار واكف..كلبي نفس الرنه..
ونبضه..وصلت ميت الف..يالله..
هو وصاحبه..
فات ...من يمي ..كبل بس شافني..
جان كال لصاحبه..نته حزام ضهري..والله..
اني ستغربت..
شيقصد...بس احس روحي اوكع..راح..
خو من فتت..يمه ...متت..
هههه ..رجعت للبيت..
وهم كلعاده اساله امي متخلص..
فرحانه وشبيج..قمر تقرا اخوي عمر..
يدخن..وضايج ..ومعصب..
فقار وبابا...بشغل..
وليلى تمسح..وابنها بصفها...
بدلت ونزلت ..تغدينا..وكملنه..
ونمت اشوي..كعدت
لكيت ليلى تتمسح..
حبي طيني ..انتي مشتغله الصبح..
لا خليج كملت..بس نريد نغسل زوالي..
خايبه..نهايه شتا...
وخالتي كالت..غسلوهن.وضموهن..
يي حبي...خل بس البس برموده..
لان اتنكع مي..
يي انتضرج..
بدلت ونزلت..
عمر صاح يمه انا طالع..
كالتله لاتتاخر..
خوش..راح..وبقينا بس
احنه بلبيت..امي ليلى اني..
مهودي ابن اخويه يلعب بصفنه..
اني اشتغل بالي يم كرار..
فدوه..شون يخبل..صدك يكتل..هسه شبيه..
معقده خطيه صار جم يوم كاتل روحه بهشمس..
والله شخصيته تسطر..
اوف...
اثناء ما فكر..اسمع صوت صراخ..
وطفل يبجي..
عزا مهودي..
واكع..وراسه مفشوخ..
والدم ماخذه..طاح..زحلك..بلكاشي..
(اشكد اضوج من المتنبه ع جهاله ههه)
محد اكو ضلينا ندك ونلطم..اني لبست عبايه سترت روحي..وامي كالت روحي لبيت ام كرار يمه..خليجي واحد من ولدهم ويانه..
رحت دكيت الباب..طلع كرار..
ماكو من الهبطه اريد انطق احجي..
ماكو..وجهي اصفر..وشفافي زرك..
وهذا صار كبالي..ماعرف شحجي..كلبي وكف..
كال شبيج..اشرتله..علبيت..
كال شكو ..وج وجهج اصفر..
طلعت امه خاله شكو شبيج .يمه البنيه..رح يصير بيها سكر..ولك كرار..شو وخر..
هو الولد منصدم..عاد كدرت احجي..
خاله فدوه مهودي وكع..وتعور..ودم..
ومحد بلبيت ابجي..امي ودتني علولدج..
يجون فدوه.وكعت بلكاع..
كالت الحك يمه كرار...
راح كرار..وهي اجت وياي..
طب شاله..واجر تكسي كبل..
ورحنا خذنا للمستشفى..
امه تبجي.حامل نوب..ياربي...واحنه قطره دم مبقت. بجسمنه...الجاهل متاذي .
كرار وامه مراحو..بقو بصفنه..
اني كاعده..ومخليه ايدي..ع خدي وابجي..
ننتضر الطبيب ..وامي يطلعون. وليلى.جوه..
التفتت لكيته يعاين..
اوف هسه بياحال..اني..
وهذا يعاين..حاولت ادير وجهي.نضراتي تسرقني..
احس بعيونه امان مدري شحس..والله متت..
بس اريد اوخر عيني والتفت الكاه يباوع..
كرار/يمه شوف العيون..والدموع دكول ليلؤ ..
مو دموع فدوه لهلبرائه...
شون بنيه..هسه شيصير لتقبل..احبها..وتحبني..
والله عشكتها..وعشكت مشيتها..
اووف...
درر/شويه وعيني علباب ..مال الصاله..
طلعو..اوف كمزت..من مكاني وكمزت ام كرار.هم...خطيه نايم بيد امه..
وتبجي وتمسد راسه..
دكتور كال ماكو شي..لاتخافون..وكعه عاديه..
بس يراد وقت..يطيب..مايصير يتعرض لصياح..
او حتى ضرب..موزين اصلا يبجي..
امه لطمت خدها.يمه سوده بوجه امك يمه..
تبجي وتبوسه..سوده عليه عليك..
ثوله امداني..مشفتك يمه..اخ ..ماما..حبيبي..
احنه نهدي بيها ونبجي علحالها..
شوي وكرار خابر فقار اجه..
محبينه نخرع الكول..
اجه فقار..ورجعنه
.اشكرت امي من ام كرار وكرار..
اني واكفه بصف امي..
اخوي..يم مرته وابنه..بس اخاف..
كلساع والتفت..
وهو ولانزل عينه كرار..
يعاين بعيني..
جفلت احس قطره دم ..ماكو قريب مني..
كلت ماما ح انزل اجيب مي..من الصيدليه بلكت عدهم..
نزلي ماما بس وحدج..
شو هذا نط..كال اني اروح..هم اجيب حب لامي براسيتول..
ام كرار كالت يي والله يمه..طك براسنه وجع..
من الهبطه..
نزلت عدرج..ونزل..
كلبي ماحس بدكاته..هلكدما قوي..
نزلت..وكفت هو بصفي..
كتله اريد..
مي عندك...
ابو صيدليه..
كال بعيني..خادم..
شو هذا مدري شبي..
جاب البطل داخذه ..وكرار بصفي..
ووف وين ماروح مانخلص..
من الزبل..عود دكتور صيدلي ومثقف..كبر هشكول..
كرار واكف حسيته..ضاج..
عيونه..يجدحن..
اجه يطيني البطل..ولزم اصابعي..
جريت ايدي..
وكرار جر البطل حيل..
وشمر المي بوجها..
كاله ادبسز..عود هاي ..انتو اهل العلم والفهم...
امشي روح كلب..اعرفكم ارذل طبقه زبايل..
جر ايدي ويجر بيه ..
كتله كرار شبيك..
مدري شون طلعت مني..الكلمه...
يوم ولاانسا..
كال سكتي..نتي لادفنج..
اني كال هيج بتسمت..جرني وكال بقي هنا..
حركه لاخ منج...اكلب دنيتج..
سكتت..شو هذا عصبي..
عابت للزلم كلهم هيج..مخابيل..هههه
اجه جايب بطلين مي..
مال هذا سم..
كتله شكو..
كال..لاتسالين..
كتله لاابويه ولااخويه تسوي هيج..
هسه شيحجي الولد وهو مسوه شي..
اطاني البطل..بدون قصد..
تسكتين لاسحل بيج الشارع..مشي ولي..
لاابوج ولا اخوج...
بس احبج..واغار..
جفلت بمكاني ..واباوع بعينه..
شكال هذا عزا..
كال اي نعم وصار هواي..
بس ماعدج حساس..
نفس حجايه اسامه هههه...
كتله ...من شوكت ..مو عيب هذا الحجي..
احنه جيران...احترم الجوره.كال محترم..بس اني مامسوي غلط..ورايدج ع سنه الله ورسوله...عفته..وطبيت ..
ماردت انطي وجه...خاف يحجي عليه..
ويكول رخيصه..بس كلت احبج مصدكت..
رحت..صعدت..لكيت امي واكفه..واجرنه تكسي ورجعنه..
للبيت ..طريق كله افكر شحجه..وحبي اله ..وحبه..صح خطا..
اخ شسويت اني..جن صدك وكعت ومحد سما عليه..
مثل مكالت الهام..اوف..
تعبانه تقريب دنيا ليل..
طبيت..سويت عشا..
ليلى خطيه اخذت ابنها..وفقار يمها..
امي كالت صعدي عشاهم..
قمر تدرس فوك..
كتلها يي يوم...
كملنا عشا..وصعدت عشاهم..
وخذت بطانيتي..ورحت غرفتي..
وتمدظت..وجت قمر للغرفه..
كالت خطيه شون صار مهودي..
وج بالي يمه..ومقرست شي والله
.
خايبه سكتي هبطه من هبطه..
نامي الصبح نسولف كولش تعبت..
عدلت ..روحي .ونمت..تعبانه..
للحكايه بقيه
الله يسترنا من التايهات ..نتبهن علجهالجن..عود😂
ماوصيجن..هههه بس لو كل هبطه هيج...ميخالف..
هبطه بطعم الككو😂❤✌
