#فاتني_المسحوره🔞🔞
بارت19
اسراء محمد
🍫🌸Âsøshâ👑:
صارت دمعه بعيني..
ليلى كالت ميستاهل..شفتي .
شو هذا حتى مباوع..ولاكال شي..
اخذ البنيه..وبيدهم كومه غراض ..
وامه ستقبلته..
صارت بوجهي..
جان تكله.يابلمبارك..حبيبي..
يوم اشوف جهالك..
ليلى لزمت ايدي..
كالت ليهمج..يندم هو بعدين..
مشي..جرت ايدي..
كرار يباوع..خليت عيني بعينه..
ودمعي يهل..
طببتني ليلى جوه..
اجت قمر..
كالت ولجججج...
هذا شبي..وياج..الحقير..
ميستحي..
كتلها ششش..قمر مصار شي..
اني مامهتمه..ولايهمني.ليش تجيبون طاري..
وتحسسوني باهميته..هاااا..ليشش..
اني ماريد شي اسمه رجل بحياتي..
ماريد ارتباط..ولاحب ولاشي..
كتفيت..بكلشي..الحياه علمتني دروس..
خلص..اعيش مستقله..ومناقصني شي...
ح اكمل جامعتي..وماريد اي احد يعطف عليه..
ولج اوكفي درر..
نعم قمر..
ولج..هذااا..
منوو..احجي.
كرار..
شبي..
وكفني..
شراد منج..
طاني هاي الرساله..من طبت خطيبته..
وكال نطيها لدرر..
شكيتها..وكتلها خذيها شمريها بوجها..
وكليلها ماميشرفها..اي شي يتعلق بيك..
ركضت لغرفتي ابجي..
وووف...اخخخ...
واكفه ابجي فوني دككك..
باوعت فيصل...رفضته..
بقى يدك..خليته صامت..
ونزلت..
ليلى ليلى..
ها درر..
خلنسوي اكلات اايوم شنو رايج..
اوويلي..هاي شنو عيني..
هاي نتي..درو...
هههه كمتي تحجين بطبخ..
يي جا شسوي من ضيمي ..تعلمت كلشي..
ههههه..
ولج سولفلي..علادم..صدك حلو..
والله عاجبني اشوفه..
ههه..خيه هسه فيصل بلكت ينزل خشمه..ويجيبه هنا..ويبقى وشبعي منه.
يعني..
مناويه ه ه ه ه..
شنوو ليلى احجي.
يعني مترجعين..لخاطر..ابنج...خطيه ولج.
شذنبه ه طفل..امه ماتت..وابوه شامره..
تلكي هسه يم خالته شابع وصخ..ويبجي.
حرام عليج..
خليجيبه هنا..هو ميقبل..يجيبه..
لا ليش يجيبه درر..هناك بيته..
يي واني ماطب لبيته..
ولا اوصل عتبت..الباب..
تعالي غسلي وتعاي اكلج شغله..
بليززز.
ليلو..ماريد اتكلم بلموضوع..فدوه..
لا مو كيفج..
فيصل تصل بيه ااصبح..
تعرفين يبجي..
شنو يبجي..
هههه..ولج هذا اكبر ممثل صدكتي..
يبجي..لج بابا..افلام يضحك عليج.نفس ماعبر
عليه كم فلم..بس لو يموت ماصدكه
.ولاارجع.ت
تعاي سمعي اول وبعدين قرري..
شقرر..
خابرني يكلي..ترضين هيج..
تتمضحك..وتتمسكن..كدام ولد غريب.وبلا حجاب..
يعني يغار عليج عوبه..يعني يحبج..
لا فلم هذا.
اوووووو..درر شبي دماغج مجيم..
كرار نتهى بعد طلعي من دماغج..شفتي شصار..
حجي لمصلحتج..حتلو ضجتي مني..
لا وداعتج حبي مضجت..اني اختي وامنا..
صرتي من بعد ماما..وكلامج علعين والراس..
بس فيصل..مستحيل..
لا ماكو مستحيل.ولج واالله..
كتل روحه..يبجي.يكلي رجعيها.
متبهذل وراها..وابنه يبجي..
وضعيته متخربطه كلها..وداعتج..
يي من عمايله ليلى..يستاهل..
خلي يشوف شكد تعبانه اني..
خلي يحس بمعاناتي ولو مره..
خل يفهم هو من دوني ولاشي..
ييي..هسه غايتج..تعرفي حدوده.و
والولد رح يتخبل..وج يصيح..
ويعيط..وهو مريض..حرام عليج..
عرفتي حدوده..ونطيتي درس.
كافي رجعيله..
افكر..
اووو درو..صارلج سبوعين..هنا عايفته المكرود.شتفكرين..
ليلى...تره لحد هسه..مامتقربلي..
ولاشي..بس باسني..احنه مزوجين علورق..
للاكثر ولااقل..
يي اعررف..بس..مو الجسد هو علاقه..لكلشي...ورابط العلاقه..
هو الاحترام والحب..والموده..مو الجسد والرغبات..
ادرري..وهاي متجي الا بعد الحب والموده..
لعد ماقدمتيله..هذا الشي..
قدمت ليلى واكثر متصورين قدمت..بس
هو اناني..وجان يكول نتي هنا خدامه لادم..وبس..
شتتوقعين مني اسوي..
ميخالف..مصار شي همه زلم..وحنا لازم نتحمل.
الى متى.زلم..زلم..ولازم نتحمل..
ليش كل مره تكون هي الي لازم تتحمل..وضحيه..
لقساوتهم وعصابهم..
حبي حقج بكل الكلتي بس ماعدج غير حل..
تسترين بيتج..ونفسج..
غير تكسبين فيصل..
الي تتطلك..ينبذها مجتمعنا..هذا واقع تقبلي..
بعدين نفرض..تركتي فيصل..يم منو تجين..
يم عمر..السواج مكفخه..
ولج ع اقل..تكدرين هذاك..تكسبي وتخلي يحبج..
ماعدج سند اهنا اهناك..سندج فيصل..
حاولي ويا..يادرر..
مو كلشي بهاي الدنيا ردنا صار..
ولججج..ليلى وكرار.والله بعدد
احبه..
اووف..كمت ابجي..وراسي بين رجلي.وبجي..
كالت..كرار ذاك هو..تزوج..وناسيج..
وعايش..حياه رومنسايه..وحب وغزل..
حبي..هاي حياه..
هاي قسمه الله..ماكو غير انج..تتعايشين.وي هذا الشي..خلص..
خلي كرار هو خسر ملج حق تفكرين بي ابد..
بعد صح جنتي تنتضري..وجنتي تردين تعةفين.
فيصل.بس هسه..بعد قفلت الشغله..
فيصل وابنه حبوج..وتعلكو بيج..
حرام تحرمين طفل من احساس الام..
وفيصل هم خطيه..تره غيرته..ومرضه.سيطرو علي..وخلو هيج..يسوي..
وكرار هذا التافه..جان يدري انج نتضرتي..
بس عافج..وتزوج..وهذاك هو عايش..طامس بلحب..
ويدزلج اخباره..بعد شنو االمبقيج.تفكرين بي..
اصلا..
فيصل يحبج..لاتخسري درر..
اريد اكمل قبول الجامعه.وراها..افكر ارجع.
لفيصل..لو لا..
كيفج..تعبتيني اوو..
نروح لبيت فيصل..(ولج..رواء تعاي فدوه..
لزمي ادم...خل ادك على فيصل..ميطي مجال بس يبجي..خلياخذه لامه..
راح اودي للحجيه..سهام..اني ضيم جهالي كافي عليه.
فيه..
اوف ..اوف منج..درر..شصخمتي..
بلولد..
دك..علفيصل..
الو فيصل..
هلا سهومه..
هلا ولك..ابنك..نط من البجي..فدوه تعال الولد رح يغص ويموت..
هااا ..شتحجين ولج..
جاي مسافه الطريق..
فيصل/طبيت..للبيت..
اسمع ادم..صوته واصل لباب البره..
ركضت شلته..ولايسكت..
سهام..مطيته اكل شرب..مبدلتله..
ولك اي ..كلشي..كامل..
بس اريده ينام..مينام..ماكو قفل.يوميه..
انطي ..ملابس امه ينام ..
بس اليوم ميقبل..
بقيت صافن على سهام..
امه شنو.
يي امه تقبل متقبل مشكلتلك..
امه وغصبن عليك..
شوف حال ابنك..نته شنو مدكلي شنو..
سهام شسوي..اروح ابوس رجلها مثلا..
نو توسلت..ومقبلت ترجع..
يي من مصايبك..
شوف جسمها..كل قطعه زركه..
نكسرت يدك علهدكه..نشالله
شتريد تبقى تباوع بوجهك.شوف حالتك..وحاله ابنك..شون وصخ...ومحد مهتم..بي..
شوف روحك..
ملابسك..غراضك..لو اني اسويهن..
لو محد اكو من جانت..هي موجوده..تحس بشي..
جيبي سهام..اطيني ادم..
وين ماخذه ولك..انتضر مخبل..وين..رايح..
رحت شغلت السياره..وخذت ادم..
ورحت..طريق كله يبجي وابجي ويا..
حالته تبجي الصخر..
طبيت..دكيت الباب..
حيل جرس وباب..خبصتهم خبص..)
نرجع لبيت درر/
درر/ولج.عزا شكو منو مات ياساتر يارب..
ليلة ركضي محد من الولد بلبيت..
اني و قمر منكدر نطلع..
ليلى ركضت صاحت منو..
اسمع واحد يكلها اني..فتحي الباب بسرررعههه..
اني خترعت من قوه ابصوت..
واكفين قمر بصفي..وليلى بلحجاب..
فتحت الباب..صار فيصل كبالي..
واشوف ادم نط من البجي ..كلبي راح ويا..
بس خطيه جان ضحيه..ردت اعلم..فيصل درس..
انو يحترمني..ويقدرني..
طبلي اني نداريت اريد اروح..
سحبني حيل..من ايدي..
نتي ماكو رحمه عدج..نتي شنو معندج..
كلب..هدرجه حقيره..
الحقد عاميج..والكره..
ولج حتى لو حيوان جان رافتي بحاله..
هطفل..بلاعيمه طكت..من البارحه وهو..
درر..نتي..ماتستحين ماعندجججج.
بسسس..ارجوك..
احترمم..اهل البيت وحرمته..
ولاتنسى نفسك..وين واكف..واكف بيتنا..مالك حق تجاوز..
بهطريقه..خوش..هاي نتيجه افعالك.
اخذت ادم..من ايده..ادم يشم.بريحتي.ويكول اما..اما..
قهرني وكمت ابجي ويا....وطبيت..اخذته.وحاضنته..ه
بقت ليلى بره تحجي..وياه..وللحكايه بقيه
شكد حلو المراه تكون قويه مو سهله.
تصير الها هيبه امام زوجها..اتمنى ستمتعو باحداث قصتي
بليل وياكم اخر بارتين..توقعاتكم للنهايه احبكم😘
