البارت ال4
اول شيء وقبل كلشي اعتذر جدا جدا لان منزلت البارت البارحة لان والله صارتلي ظروف وقبل شوي يلا شفت الفون
وطبعا اشكر الي سألوا علية بالتعليقات او بالخاص حبكم كوومة اني
يااغلى واروع متابعاااات
..............#رغده......... #بيج_كتاباااتي
البارت 4
#ليتك_لم_تكن
قبل اسبوعين
ايمن واحمد
احمد:ايمن انت متاكد مسرة هي صاحبه الصوت
ايمن:اكيد متاكد لعد شلون كتلك صار ثلاث ايام اراقبها هي الوحيدة الي تدخل للمسرح وتطلع
احمد:يعني سمعتها تغني؟
ايمن:ها لا بس دائما تعزف لوحدها يمكن لان الشلة مو ويااها
احمد"والله ماادري بس حس الي عرفته من ليان لاهي ولالمار يغنون بس ابد ماجبنا سيرة مسرة او هذه الثانية حبيبة ادم مدري منو الي اسمها زهراء
ايمن"ايي انت كلتها لمار مستحيل تكون وليان انت عرفتها وزهراء مدري شسمها تحب ادم باقي بس مسرة وبعدين اني من يوم الي كعدنا لليوم اتراسل ويااها وواضح البنت معجبة بيه
احمد:فرضا طلعت مو هي وانت عيشتها بوهم حبك شلون؛؟؟؟
ايمن:لا مستحيل اني متاكد
احمد :الله يستر يلا انقلع هسه اجتي ليون😍
ايمن:هلا هلا صارت ليون تعال اكلك هاي هم ناوي تلعب عليها مثل الي قبلها لو شنو؟
احمد:ممم مدري لحد هسه ماامفكر بالموضوع بس الاكيد هالبنت بيها شيء مميز يجذبني شنو ماادري
ايمن:ان شاءالله تحبها
احمد:الله كريم
ليان:وينك؟؟
احمد:هلا ليون شلونج
ليان:الحمدلله وانت
احمد"الحمدلله اخبارج العامه شعندكم باجر
ليان:ماكو كالعادة دراسة وملل وانت؟
احمد"تعرفين اخر سنه رح اتونس بيها شنو رايج اعزمج؟
ليان:عزيمة شنو؟
احمد:ريوك غدة الي يعجبج!!
ليان:ممممم اوك مو مشكلة
احمد:فدوة
...................
ايمن يفكر بمسرة طول الوقت ومايعرف شنو رح يقول الها دك تليفونه مسج
مسرة:احم
ايمن😂😂عمرج طويل
مسرة :ان شاءالله بس ليش؟
ايمن:جيتي ببالي ودك التليفون مسج
مسرة:فدوة
ايمن:شكوماكو اخبارج
مسرة:دراسة بدراسة ماكو غير شيء وانت
ايمن:الحمدلله رح اخلص واتخرج
مسرة:اي تخلص والناس الي تحبها بالكلية
ايمن بتساؤل:ياناس؟
مسرة:حبيبة صديقة؟
ايمن😂😂😂
مسرة:سلامتك ؟؟
ايمن:ماعندي حبيبة تصدكين
مسرة:مممم ممعقولة ليش؟
ايمن:(اكول لو لا اووف خلي اعترف والله كريم)
مسرة:وينك،؟؟
ايمن:موجود
مسرة:يعني انت ماحبيت
ايمن:لاحبيت مرة وحدة
مسرة:صدوك ومنو هذه سعيدة الحظ
ايمن:ممم سعيدة حظ؟
مسرة:اكيد وين تلكة مثلك جمال ع شخصية كلشي وكلاشي
ايمن؛ولج محل حتى كلشي وكلاشي😂😂
مسرة:😂😂😂😂😂😂
ايمن:حابة تعرفيها
مسرة بغصة:اكيد
ايمن:وحدة تحب المسرح وكل مااضيعها الكيها بالمسرح
مسرة بصدمة"منو تقصد
ايمن:وحدة هبلة مصدومة حاليا
مسرة:.......
بعدها بيومين مسرة اعترفت لايمن بحبها ووهيك بدأت العلاقه 😍😍
............ #رغده ........#بيج_كتاباااتي
حاليا
لمار :من بداية القصه لهسه اني ماحجيت شيء وجنت دائما العنصر الهادئ بس بعد ماطلبت الاغنية لازم احجيلكم عن حياتي شوي
اني من عائلة متشددة بشكل لايصدق بحيث دخلت للجامعه يلا شفت التليفون وبحياتي مدخلت بعلاقه مع شاب او حجيت ويا احد مرحلة اولى بدايتها كنت لوحدي لحد ماتعرفت على زهراء وهي عرفتني على ليان ومسرة بصراحة من عرفتهن يلا عرفت الحياة من جديد صح مااخلي مكياج مثلهن ولا البس لبسهن بس محسيت بهالشيء ابد بالعكس دائما يشجعني وياهن لحد ماصرت وحدة منهن بس بعيدين عن العلاقات لان اذا اخوية او احد من اهلي يشك بية يصير اخر يوم بعمري زهراء اقرب بنت الي وهي دائما تساندني بكل وقت كانت دائما تحجيلي عن ادم ادم طلعني ادم اشترالي ادم وادم بحيث حبيت هالانسان من كلامها كنت اتمنى عندي بالعائلة شخص مثل ادم عم زهراء حبيته من كلام زهراء وزاد حبي اله لما شفته كتمت حبه بداخلي حتى زهراء ماصارحتها رغم اسرارنا سوية ماكو احد يتخيل صدمتي وحزني بخطبته وانوب تحديد زواجه حسيت الدنيا رجعت سودة بعيوني كنت متأملة ادم يبادلني الحب واعيش حياتي بسعادة بس القدر اله رأي ثاني مستمر بتعذيبي واختياري لهلاغنية لاني حبيت ادم بكل جوارحي لدرجة حسيت بالخيانة رغم هو مابادلني ولاحسسني بشيء يمكن كله اوهام مني خلصت الاغنية ودموعي لوحدها تنزل
.
.
زهراء كملت الاغنية وشفت لمار تبكي حضنتها هالبنت رح تجنني بيها شيء شنو ماادري
مسرة:لج زهرة تجنني شهالاحساس الي يخبل
ليان:دومج مبدعه
زهراء:ههههههه دائما تجون بوقت الاغاني شنو انتو مراقبيني
احمد(مصدوم وخايف من ايمن):بصراحة صوتج يخبل
زهراء:تسلم
لمار بحضن زهراء بعدت عنها :شكرا
زهراء:على شنو حبيبتي تؤمريني
ايمن ساكت بدون صوت بس عيونه تتكلم كل انواع الغضب الحزن الصدمة راد يتكلم دخل استاذ قسور
زهراء:استاذ قسور
قسور:زهرى نسيتي ورقة الاجازة واجيت ادورج والصوت وصلني بصراحة مبدعه عشتي
زهراء بخجل:شكرا واعتذر لان نسيتها
قسور:لا لا بالعكس احلى شيء نسيتيها حتى اسمع الكناري يغني
زهراء ضحكت😄
قسور:يلا استاذن ...ها صدوك غني بالعرس مااشي حتى الحفلة تصير احلى
لمار ....مسرة....ليان.....احمد.
وايمن الي زادت عصبيته
مسرة بعفوية:ولج زهراء طبقتي الاستاذ
ليان:لا لا واصغر استاذ بالقسم
زهراء😒😒شهالغباء ولجن الشباب هنا
احمد:ايمن اهدئ شبيك
ايمن:اني طالع قبل لااسوي شيء اندم عليه
طلع
احمد نادى ليان:ليون حبيبي ايمن اجاله اتصال ورح يطلع بلغي مسرة اوك
ليان بتساؤل:اوك
رجعت
مسرة:ليون ايمن واحمد وين راحوا وايمن ليش معصب؟
ليان:ماادري يكول احمد اجا اتصال وطلعوا
مسرة:الله يستر قلبي وجعني بس لااكو مصيبة
زهراء:صلي على النبي ماكو شي ان شاءالله
البنات:اللهم صل على محمد وال محمد
ليان:اي زهرة احجي
زهراء:شااحجي ولج لازم اروح عندي شغل والخط اجة
مسرة:احجي وروحي
لمار....بعالم لوحدها
زهراء:ولح لاطبقته ولاشي كل القصة ادم يصير صديق قسور وهو موصي عليه علمود الزواج ياخذلي الاجازة بس فهمتن يلا باايو مووواح
ليان:البنت تخبلت
مسرة:ترتيبات الزواج ضربت عقلها 😂لمااار وينج
لمار:هاا شكو
ليان:هههه لاماكو شيء امشوا ناكل مشتاقة لكعداتنا
لمار:😒😒كل وحدة التهت ونسيتوني
مسرة☺☺سوري حبيبي
لمار:يلا امشوا جعت
............. #رغده ....... #بيج_كتاباااتي
ايمن عصبي ويمشي سريع يريد يوصل للسيارة واحمد يهدي بي وهو ماكو نااار عصبي
احمد"ايمن شبيك فهمني شصار
زين تعال نكعد اهدئ ونروح للسيارة
زهراء كانت تمشي ووصلت للسيارة وصارت عينها الهادية بعين ايمن الغاضب مااهتمت صعدت للسيارة وانطلقت
وايمن العصبية حدث ولاحرج ظل يضرب بالدريسكون بكل قوته
احمد:يمعود كسرت السيارة اهدئ وتليفونك مابطل يدك رد على مسرة خطية المسكينة قلقانة عليك
ايمن:ششش اسكت كافي وهذا التليفون شمرة وانكسر وطفى ماااريد صوووت سممممعت
احمد بعصبية من كلام ايمن:اييييمن شبيك شهالاعصاب كتلك من البداية اتاااكد وانت عاندتني يلاا اشربها بعدين اني صديقك لاترفع صوتك عليه
ايمن:لزمة من ياخته وكاله اسكت انت متعرف تسكت شغل السيارة ومشى بااقصى سرعه واحمد خايف عليه لان عصببته اول مرة تظهر بهالشكل هو منين معصب من اختيارة الغلط لو من هالزهراء الي شكلها بريئ وهي ممخلية احد بنفسها
احمد:فهمممني منين معصب من اختيارك لو من هالبنت استغفرالله حتى الاستاذ مطبقته
ايمن وقف السيارة بسرعة وتنفسه سريع
حاول يهدئ ويهدئ
ايمن بهدوء عكس الاعصار الي جان بي:احمد ممكن تسكت اني عقلي انشل وانت افكارك مثلك عجيبه
احمد بضحكة يغير جو:ماشاءالله من اعصار هايج لعصفور اليف
ايمن😂😂😂انت منين طلعتلي
احمد:من اليانصيب حظي الاكشر غير
ايمن:انجب
احمد:الحمدلله والشكر هسه كولي منين عصبت
ايمن رجع لنفس نظرة العصيبة:ماادري من اختياري لو من اخلاق زهراء وهي شكلها مو يم اخلاقها
احمد:يمعود لاتظلم البنت خلي نسأل ونتاكد يلا
ايمن:شلون ياخفيف
احمد:سهلة ليان موجودة واسالها
......... #رغده ........ #بيج_كتاباااتي
يتبع
.
.
.
شنو توقعاتكم ياحلوين
ان شاءالله بالليل هم بارت ثاني تعويض البارحة
حبكم
#رغده
أنت تقرأ
ليتك لم تكن
Romanceفتاة من جنسيتين مختلفتين عراقية ولبنانية تمتلك صوت جميل مما يجعل احدهم يقع في حبها ولكن؟؟؟؟
