ليتك لم تكن

البارت 6

البارت ال6
صباحكم سعادة ومثل ماوعدتكم بارت على الفطور
حبكم كووومة كومة كومة😍😍😍
#ليتك_لم_تكن
#رغده

وصلنا للفندق ولكيت اهلي قبلي وزينا وزمن طالعين يتمشوا ويا بنات عمي واولادهم
اني وادم وقسور كل واحد على غرفته ونمنا
محسيت الا ادم يصحيني بس احس جسمي كله يوجعني وراسي ثكلان وماكدرت احجي بس اذكر اخر شيء شكل ادم وهو خايف علية وصوته صار بعيد
ادم :بعد ماوصلت للفندق اني وقسور نتناوب على القيادة حتى لانتعب بس استمتعت بالطريق زهرتي احلى بنت اخ بالدنيا اعتبرها اختي وبنتي وحبيبتي وصديقتي وكلشي وقسور اخوية الي ماجابته امي المهم اول ماوصلنا لكينا الشباب طالعين واخواني وزوجاتهم يتغدون اني وقسور وزهرة رحنا لغرفنا ونمنا كعدت بعد 4ساعات لان مانمت عدل بالليل من التوتر لكيت قسور بالحمام كمت لغرفة زهرة اكعد بيها ماتكعد زهرة نومها خفيف وتكعد بسرعه بس هسه اكعد بيها ماكو اقتربت منها ولمست جبينها لكيتها تهذي وحرارتها مرتفعة حيل اتصلت بالاسعاف بسرعه
المفروض اليوم حفلة الحنه الي خططت الها زهرة بس هي شكلها تعبان وتوترت بشكل والعائلة كلها انخبصت بس اني وقسور وابو زين وزين رحنا للمستشفى
قسور:جنت طالعة من الحمام ملكيت ادم رحت ابدل جان سمعت صوت ادم وشكله خايف والصوت من غرفه زهراء ل لحظة وحدة بس حسيت روحي انشليت ومكدرت امشي كل الافكار السودة جتي ببالي والاسعاف وصوتها حاولت استجنع قواي لبست دشداشتي البيضه ورحت ويا ادم وابوزهراء وواحد يمكن اخوها لان يشبها
دخلوها للغرف تحااليل وفحص وناس رايحة وناس راجعه يمكن كل الوقت 15دقيقة بس حسيته دهر كامل حسيت بوقتها هالزهرة ملكي وهي زهرة حياتي مستحيل اتركها كمية الخوف الي عشته بهالدقايق نبت بداخلي شعور اريد اروح احضنها بكل طاقتي واخيرا طلعت الدكتوره
ابوزين:دكتورة بشري بنتي شبيها
الدكتورة:انت والدها
ابوزين:اي والدها
الدكتورة :البنت تعاني من فقر دم حاد زقلة غذاء ونوم وتعاني من الاجهاد الشديد اعتقد الفترة الي مرت بيها صعبة المطلوب لازم تهتم بصحتها وبااكلها واهم شيء الراحة لازم تنام على الاقل باليوم 6ساعات حتى تنطي للجسم كفاية من الراحة
ادم:زين دكتورة اكدر اشوفها شوكت تطلع
الدكتورة:تكدرون تشوفوها هسه وبس تخلص المغذي تطلع والحمدلله على سلامتها
تركتهم ومشت
الكل :الحمدلله
قسور:خطية البنت هملت صحتها علمود ادم
دخلنا الها اخوها وابوها وادم كلهم حضنوها وكانوا قريبين منها الا اني مكدرت اتقرب نطقت هالكلمات وطلعت للردهة انتظرهم منظرها ووجها الشاحب اذاني حيل
ادم:زهرتي ليش ليش هيجي تخوفيني عليج هاا
زهراء بتعب:دااشوف غلاتي
زين"حبيبتي انت غالية علينا بكل وقت ولج خربتي الحنه والكل يتصل يطمئن عليج
ابوزين حضن زهراء:فداها الف حفلة صحة بنتي بالدنيا كلها
ادم:فدوة الج الحفلة واذا تعبانة نأجل العرس لعيونج
زهراء:لا لا وتضيع كل مخططاتنا كافي الحنه خربت مستحيل العرس يتأجل واوعدك ارجع اكل اكل وانام حتى باجر ارجع لازعاجي
حضنها وباسها من راسها احلى ازعاج وربي وكعتي كلبي عليج
........... #رغده ...... #بيج_كتابااااتي
زمن:الحمدلله زهراء بخير بس شوية تعب وارهاق خطية اكثر وحدة تعبت
زينا:اي خطية وشوكت يرجعون
زمن:ساعة ويرجعون
ام زين:الحمدلله ياربي ولي زمن تعي لهون انت متاكدة خيتك مافيها شيء
زمن"ايي ياامي مالك قلبنا ع اللبناني 😂😂
ام زين:وليي روحي من خلئتي
زينا:ولج زمون تعالي ماتعرفين امج من تعصب تنقلب لبنانية مثل زهراء😂😂
زمن:واني اكول زهراء شبيها تتحول بالعصبية طلعت الشغلة ورااثه
ام زين:وليييي زااامن تعي لهون
زمن:ولي سمعتنا امي انا رايحة عند ولاد عمي لك تؤبريني اديش بحبك
ام زين:ياويلي على هالبنات رح يجننوني
😂😂😂😂😂😂😂😂😂😂😂