Gustong gusto kong makarinig ng musika
Musika mula sa iyong mga labi
Musika na hindi ko magawang unawain
Dahil bulag na ko sa katotohanan
Katotohanan na dapat noon ko pa kinilala
Mga salitang may pait subalit ibang melodiya ang hatid
Melodiya na hindi ko malimutan
Ngunit hindi ko napansin
Ritmo mo ay bumilis
Tila ba hindi na ko makasabay
Makasabay sa ritmo na ikaw mismo ang gumawa
Umasa ako na tugma ang ating mga ritmo
Subalit iba na pala ang musikang iyong binubuo
At sa musikang iyon ay hindi na ko kasama
