العـاااشررر
#الطلاق_والحب
بقلمي #اسـاور ..اكرر امانة الي ينقل القصه ليشيل اسمي.، 😘
ميار.. بقينه نسولف سولفلي عن حياته
وعن شغلة يحجي واني صافنه بعيونه
استبرق كعدت الصبح لكيت نامق شايله المبايل
وتخابر
♥♡صَبَاحَ الخِيرَ خالة شو كاعدة برة خير
فهيمة هاي المگصومة وينها شو تلفونها مغلق
استبرق عافتة بالبيت مااخذته وياهه
فهيمة ليش لا تريد تاخذ راحتها والنوب هذا
الوياهه هم مغلق
استبرق قصدج زوجها هم مغلق كتلها هيج
اريد اخبلها من الصبح هههه
فهيمة ليش لا زوجها عشتو راح اروح اجيبها
استبرق خاله عرسان ونايمين انطيهم مجال
فهيمة ماكو عرسان هسه يجي علي
شراح اكله رايح اللبس واطلع عينج
غالغدة..
راكان.. شحنت الجهاز وكعدت يمها اشوفها
صور اطفال خلود وبيت خالي بالصور
ميار كلش حلوين لازم متعلق بيهم
راكان طبعن من همة صغار على ايدي اني الربيتهم ابوهم متوفي من اربع سنوات
ميار ياعيني الله يرحمة..
راكان هاي داكة عليه الي جانت وياج فهيمة
ميار يبوو هاي اكيد اجت تاخذني
راكان تريدين اكول ماتقربت الها وماخليها تاخذج
ميار لا محاجة بعد هو اذا مواليوم اكيد باجر
راح اطلگ هي براسي بعد
راكان خابرتها..
الوو
فهيمة داللبس والمبايل دك
استبرق خاله هذا راكان ..
فهيمة همزين من فتح الخط جيبي ..
الووو
استبرق بقيت مخليه اذني عالجهاز اريد
اسمع شصار حيل متشوقه اعرف
راكان متصلة عليه والله جان الجهاز طافي
فهيمة وينها هاي..
راكان قصدج ميارر..
فهيمة اي وينها.. راح اجي اخذها
راكان انتضري اني من اطلع اجيبها
فهيمة لا اني جايه ونتفاهم ..
راكان ماشي تعالي..
ميار وكفت الحيلي ادور على ملابسي
راكان على كيفج شبيج انخبصتي
ميار لا هسه توصل ماريده تشوفني هالشكل
راكان وكفت يمها وحضنتها ..
وهمست.. مرتي وتلبس الي يحلالها فهيمة منو
ميار .. دفعته لا هو اتفاق وخلص كلتها بضوجة
راكان.. وشبيج ضجتي ترة والله من يگطع بعقلي ماطلگ اقصاد بيها
ميار.. من كال هيج احس قالب ثلج نزل على صدري ..
ميار.. لا عيني ميقبل علي طلك احسن خلي اروح
راكان ياعلي هذا بعد انتي مرتي هسه محد يكدر يتحكم بيه ولا بيج..
ميار.، راح توصل نامق اطلع خلي اللبس
راكان هههههه ولج يانامق هذا ..
ميار مواحنه نسميها نامق الي بالكارتون
راكان هههههه والله خوش تشبيه
ميار وتالي اليوم شلون راح ابدل !!
راكان .. بوسة اريد مو اكثر واطلع..
ميار عايزة بعد تريد غير البوسه اطلع عيني
لتصير طماع دفعته وهو يضحك..
راكان.. يعني الي يشوف هالوجه والجسم مايطمع اكيد اطمع وهالشي حقي لا عيب ولا حرام
ميار.. اشش روح كافي.. عيب
راكان هذا ياعيب سحبتها من خصرها وبرجلي سديت الباب ورفعت ايدي طفيت الضوة
ميار هاي شنو راكان شبيك فهيمة جايه
راكان تحجي واني مويمها بقيت ابووس بيها
بدون وعي نسيت كلشي وهي بين ايدي
اندك الجرس..
ميار دفعته وفزيت مثل المخبلة خرب شكتلك اني
راكان ليش هالخوووف اصبرلي راح اطلع اشوف منو احتمال موهي..
ميار اي بس اطلع خلي ابدل
راكان ههه رايح عيني
ميار طلع قفلت الباب بسرعه للبست ملابسي
وحجابي وكعدت عالجربايه..
راكان.. رجعت فتحت الباب مقفول
ميار اي اي كمت فتحت الباب واني خجلانه
توقعتها فهيمة طلع راكان واكفلي بالباب
راكان شبيج لابسه كل الكنتور هاي الجهال دكو ونهزمو وماكو فهيمة..
ميار هففف انتهيت خفت عبالي هيه
راكان وليش هالخوف شبيج بابا اني زوجج
ميار زوجي لساعات غير يله خلي اوكف الها بره
راكان على راحتج ..
ميار.. فتحت الباب وطلعت واني احس روحي طلعت جنت اتمنى يكول لا ماطلگ بس بقى
على نفس موقفه ماحجة شي
راكان ماعرف ليش حسيت نفسي ضجت
ماريدهز تروح مني.، وكفت بالمطبخ شفتها
كاعده بالطرمة والشمس ضاربة على عيونه
طالعه تخبل..
دخلت لبست القميص والبنطرون وطلعت
ميار.، بقيت كاعده وعيني عالباب راح
تجي نامق وترجعني للضيم وابقى خدامة
جوه ايدها..
راكان.. طلعت فوتي حارة بره
ميار لا عادي مرتاحة دانتضررها شوكت راح اطلگ
راكان اشوفج مستعجلة تريدين ترجعيله الهذا العار مو
ميار.. حسيته مغيوض من حجاهه لا بس
اريد اعرف.. شوكت!
راكان همه كالو نطلع كدام السيد والشهود العصر اطلگ
ميار.. ماشي يله هاي اجتي فهيمة الباب يندك
راكان. جنت اتمنى توافق ونكول ماصار شي
حتى تبقى يمي ليله اخرى .. بس بعد
هي رايدة تروح كافي اكون اناني هذا اتفاق
فهيمة.. مرحبا عيني
راكان.. هلا تفضلي..
فهيمة لا شكرا والله مستعجلين ..
وكفت يم ميار.. وكلت بصوت ناصي بشري..
ميار.. سألتني بقيت اباوع على راكان
وهو عينه بعيني..
ميار.. كلت يلة خاله نروح بالبيت نحجي
راكان دقيقه اني اوصلكم اصعدو بالسيارة
ميار لا شكرا قريب البيت نتمشى كلتها بضوجة
راكان صعدي كتلج..
فهيمة اي والله رحم الله والديك حارة متت يله وصلت
ميار.. باوعتلة بطارف عيني وصعدت
راكان كعدت ميار ورايه وفهيمة ليكدام
بقيت عيني عليها طول الطريق شكلها
يبين ضايجة ماباوعتلي ابد
ميار . وصلنا الييت نزلت بدون ماحجي شي
راكان.. نزلت وراحت بدون حتى متسلم
ماعرف ليش ضجت من راحت
فهيمة الله وياك عيني واليوم نلتقي يم السيد
راكان ان شاءالله .. فريت السيارة ورجعت
ميار.. طبيت جوه لكيت استبرق بالباب واكفه
استبرق هلا بعروستنة بشري..
ميار،، اش سكتي موكتها عوفيني
استبرق شبيج ضايجة عبالك
فهيمة وينج عيني تعالي خلي نفتهم
ميار.. اريد اغير ملابسي واسبح هسه انزل خلي اكمل
فهيمة تعالي مو وكت السبح فهميني شصار
ميار.. بخجل وضوجة وعصبيه كلت..
الي خططتي عليه صار ارتاحيتي عفتها وصعدت ورايه صعدت استبرق
فهيمة وانتي شدعواج تحجين بعصبيه
ميار عفتها تسولف وصعدت
استبرق قفلت الباب وتربعت عالجربايه
تعالي احجيلي..
ميار نعسانه وتعبانه مو وكتج..
استبرق ليش لا طبعا نعسانه احجيلي اخذتيله صوره..
ميار.. مخبله انتي ياصوره الجهاز مو يمج
استبرق اووو شكد ثولة اني احجيلي شلونه
صاك لو لا..
ميار ههههه اهم شي عدها صاك
استبرق لعد شلون خرب دحجي عاد
ميار تدرين منو راكان طلع
استبرررق فتحت حلكي وخشمي لج دحجي منووو راح اموت ولج حتى خفقان صار عندي
ميار ولج الي حجيتلج عنه مرة وصلني للمستشفى،. خبال راح تموتين هههه
استبرق عليج الله صدك
ميار اي والله..
استبرق كملي شصار !!
ميار خرب ولج ليله من العمررر وج شلون شخصية شلون جمال عوفيني هسه خلي اسبح
واطلع راحجيلج..
استبررق اهووو ديلا حروح احضر الغدة نزلي عود ماتحمل اريد اعرف كلشي كلشي
ميار.. دخلت اسبح وبقيت اتذكر كل لحضه عشتها وياه كل كلمة حجاهه ياربي اتمنى ماعوفه بعد بس شلون واليوم يطلكني
راكان رجعت للبيت بقيت وحدي ضايج
خابرت حسن ميجاوب فتحت باب الغرفه
بقيت اباوع على مكانهه انتبهت.. دشداشتها
القصيرة ناسيتها.. شلتها من الكاع وكعدت
عطرها باقي بيها.. اتذكرت من جانت لابستها وتتمايل كبالي اوووف فتحت الكنتور وضميتها
ميار.. سبحت وشديت شعري ونزلت
اتغده واشوف نامق شتريد..
واني عالدرج سمعت فهيمة تحجي بالتلفون
وادكول عززة العزززاك شلون هيج سويت
بقيت واكفه بمكاني اريد افهم شصاير
استبررق لج تعالي سمعي نامق دتحجي
ويه علي
ميار نزلت ركض اي شكالت مدافهم شحجت
استبرق لج تدرين علي شسووه
ميار دحجي عاااد شكووو
استبرق لج مرجع مرته بغرفتج ..
ميار صدك تحجين
استبرق والله هسه سمعت الحجي بأذني
ميار وخري.. دخلت للهول
فهيمة ماشي ديلا هسه بعدين روح
ميار ليش سديتي عبالج ماسمعتكم مرجعها
بغرفتي وتريدوني ارجع
فهمية واذا رجعها قابل بس انتي عندج ضرة
ميار.. دمرتوني زوجتوني زواج ليله وحده
وراح اصير مطلگة مرتين موحرااام عليكم
خليتوني اتزوج وراح رجعها ليش
والله مارجعله لو يموت كدامي شكد كرهته
الاخوج الغشاش
فهيمة احترمي نفسج وكافي لغووة زايدة
ميار خوش مراح احجي وياج بس
علي يحلم ارجعله
فهيمة ديلا عيني هسه الدنيه واكفه عليج
هو اصلا رادج ترجعين حتى تخدمي
وهسه رجع مرته موبحالج
ميار عفتها تلغي ويه نفسه وطلعت
استبرق هااا شراح تسوين..
ميار،، اريد رقم راكان شلون..
استبرق وينه رقمه منين انجيبه
ميار رقمها عد فهيمة..
استبرق اي نخلي نامق ينام ونجيبه
بس فهميني ليش..!
ميار،، اني اكولج بعدين..
يتبـع . وتوقعاتكم شراح يصير
