الخامس..
بـقلمي .. اسـاور العزاوي.. امانه لحد يشل اسمي
#الطلاق_والحب
رجل الدين.. اختار انسان محترم وصاديق يتزوجها ليله ويطلكها بس شرط الزواج مو بس عالورق لازم يتقرب منها وانت فاهم قصدي
علي... شنوووو!!
رجل الدين نعم اذا موهالشكل مراح تكدر تتزوجها مره اخرى لأنها محرمة عليك..
علي.. والحل شلووون
رجل الدين اختار رجل يدور اجرر وراح يتزوجها لليلة وينفصل عنها
علي هااا هذا خوش اجر..!
رجل الدين شنوو..
علي ماشي مشكور ملاتي اترخص امرلك وقت اخر ..
ميار.. اخذت استبرق وخالتي رحنا للالعاب تونست وغيرت جوو كلش جنت مهمومه .. رجعت
للبيت لكيت العالم ملتمه بالباب مالتنه ..
مابقى دم بجسمي
استبرق.. هاي شنو منو ذوله..
ميار .. عطت بقووووة ابوووووويه
طبيت ركض بنص الزلم لكيت فهيمة تبجي وابويه
مغطي... ولكم احجووولي ابويه شبي
فهيمة ابووج راح مااات ماكو بعد
ميار لا مستحيل ميعووفني وحدي
استبرق كومي ميار لتسوين بنفسج هيج
ميار عوفوني لحد يتقرب مني
بقيت نايمه علو صدرة وبجي بحركة ليش يابه ليش عفتني وحدي منو الي بالدنيه غيرك
اخذوني من فوك ابويه احس روحي واخذوها مني منو بعد يداريني منو بعد سند الي منو يخاف عليه اوووف يابه..
مررت ايام والاربعين طلعت واني ماشفت بعد يوم حلو من راح ابويه خالتي رجعت وبقت يمي استبرق شويه خففت من همومي
وعلي مخبوص
يومية يسأل عالم ديني شكل ولا واحد انطاه فتوة
يرجعني..
علي كعدت ضايج البييت هوسة اكل ماكو طلعت على فهيمة اريد الكي حل...
واني بالطريق اتصلت هناء
الووو.. شكو من الصباحيات داگة
هناء وانت شدعواك هالكد ضايج
علي مالي خلگ السوالفج احجي شرايدة
هناء خابرت اسلم عليك كالو وحدك ومتبهذل
علي هاي منو الكلج هناء مو ..اعرفها هسه انتي شرايده هسه متذكرة بقيت وحدي
هناء اهووو هسه شبيك متتفاهم
علي روحي داسوق هسه وطالع بشغلة
هناء ماشي بعدين اخابرك..
علي سديت الخط وصلت بيت فهيمة
فهيمة هذا علي يمكن خلي اكوم افتح الباب
علي شنو نايمين ..
فهيمة لا تعال فوت كاعده شكعدك اليوم من وكت
علي لازم الخانم نايمة..
فهيمة اي نايمه اسويلك ريوك..،
علي لا تعالي نكعد بالحديقه ماريد ريوك
فهيمة شبيك شو ضايج..
علي محتار ماكو فتوووة الا تتزوج غيري
فهيمة اي نزوجها الابن خالته نتفق وياهم
ليله ويطلگ
علي وحق الله مايلمس شعره منها كل عقلج
فهيمة لعد شلون يله حلها انته
علي مادري مداكدر انام مصطور براسي
شلون راح يتقرب منها غيري..
فهيمة تريد اشوفلك واحد يتزوجها ويعوفها
علي مادري راح اتخبل فهيمة
فهيمة خليها عليه اني احلها الك لا تهتم شبيك
مقهور
علي موماكو حل ملت روحي مابيدي شي
فهيمة دفوت اسويلك جاي واكعد يمي بالمطبخ
علي لا ماكدر افوت واشوفها واضل احرگ بروحي راح اطلع ضايج
فهيمة مدري شمسويتلك هاي بس لا ساحرتلك
علي شنوو !!
فهيمة لا هيج يله روح راح افوت اني وهم افكرلك بحل
استبرق.، كعدت الصبح ولج كومي كافي نوم كسوووله..
ميار الساعه اشكد..
استبرق جان هنا علي هذا المحتصر..
ميار ههههه حلوه ماالت محتصر شبي..
استبرق مادري اخذ اختة وطلع بره مدري شنو جانو يحجون
ميار.. خلي محتار ميعرف شلون يرجعني
الله خلي يحس بقيمتي وشلون ضيعني من ايده
ميار تحبي!!
ميار جنت احبة بس بعد الي شفته منه من خيانه وشرب واهمال مابقى اي حب بگلبي
استبرق .. حبتج حية ولج عاد هو شلونة دباعي
بس ضايج ولا مره شفتة مبتسم
ميار قصدج محتصر هههه
استبرق دكومي الفضول كتلني خلي نشوف شيريد جان هنا
ميار شبيج ولج تسحلين بيه خلي اشد شعري ميار نزلنا من الدرج اني واستبرق لاكتني فهيمة
فهيمة.. ميار تعالي اكولج ..
ميار بس اغسل وجهي واجي..
فهيمة اني بالهول انتضرج..
استبررق هالله هالله موكتلج اكوو شي
ميار ههههه والله عاد انتي من قلب الحدث تبثين
استبررق هاااا عليمن ولج
ميار روحي يمها هسه اجيج..
ميار غسلت وكملت ورحت كعدت يم فهيمة
استبرق ميمة اسوي ريوك واجي
ميار ماشي
فهيمة ميار .. علي تره خبلني بيج ايريد يرجعج كافي عاد ارجعيله،..
ميار شو تحجين وعبالك هالشي بكيفي موتدرين
اني محرمة عليه ..
فهيمة اي ادري محرمة.. بس
ميار بس شنوو خاله فهيمة
فهيمة انزوجج مابيها شي وثاني يوم نطلگج
استبرق داسوي بالجاي سمعتها ادكلها انزوجج الغيرة وثاني يوم نطلكج طفيت الجاي ورحت وكفت يم ميار اسمع
ميار.. شنوووو لا بالله هاي كل عقلكم تحجون شنو اني لعبة عدكم
استبرق بصوت ناصي لج اشبيج علوواه يوميه اتزوج واطلك الله يوميه اروح للصالون وفستان جديد
ميار دنجبي انتي الخ
استبرق اوووف رايحة اكمل الريوك
فهيمة مابيه شي هالشي موحرام
ميار اعرف موحرام بس شلون كدرتو تفكرون هالشكل ماكدر اتزوج ولتحاولوون
فهيمة لعد حليها ويه علي تره متخبل وتعرفين طبعه شلون عصبي
راح يسويلج مشاكل ..
ميار هالشي مستحيل مااوافق
فهيمة يطبكم مرض ،، اثنينكم
ميار من رخصتج 😒
استبرررق لج شكد ثوله انتي
اتزوجي وفضيها شكو بيها ياريت اني يوميه عرووس احلى شعور
ميار لج اني ماكدر اتخايل نفسي نايمه بحضن رجال غريب عبالج هالشي سهل
استبرق .. شكو بيها غيري شويه
ميار لج تعالي انتي طالعه عينج
استبرق ههههه لا لا حبابه اني علمودج غير
علي رجعت للعالم الديني... جان ديصلي
كعدت انتضرته يكمل..؟
رجل الدين،. هلا ابني شلونك
علي.. الحمدلله بس مالكيت فتوة وكلها ادكول لازم طليقتي تتزوج غيري
رجل الدين اني حجيتلك بس انت ماسمعت مني
علي.. شلون راح احلها..
رجل الدين اعرف شاب خلوق ومحترم اذا تقبل. انت راح احاجي وعسى ولعل يوافق يتزوجها ويطلكها..
علي هو منو اليرفض طبعا راح يوافق
رجل الدين لا مو كلها توافق عالعموم اني راح اسأله واذا قبل احجي وياك..
علي لا ملاتي اتركة اني ارجعلك بعدين..
رجل الدين.. على راحتك
علي .. مشكوررر ملاتي ماقصرت ربي يحفظك
رجل الدين العفوو الشكر لله ماسويت شي اابدا
علي مع السلامة.
علي اخذت الشله وطلعت للنادي بقيت اشرب
لحد الساعه الِـ ٣ بالليل كل مااتذكر الموضوع
اختنگ.. عفت الولد بالنادي شغلت السيارة
وطلعت على ميار.. شنو محرمة عليه ماكو هيج
شي مرتي اخذها شوكت مااريد
ميار.، لج دكافي عاد شكد كركرتي لو اني اضحك بكدج جان هسه شسمني..
استبرق يااا ليش الي يضحك يسمن
ميار اي سامعه هيج شي
استبرق داكول صايرة دبة. اني عزه بعيني بعد مااضحك
ميار.. اشش بالله سمعي..
استبرق اي داسمع هذا منو ديصيح!؟
ميار عزززة هذا علي.. شراح ايكولون الناس علينا هذا ميستحي
استبرق.. خلي ننزل نشوف شكوو..
ميار.. دفرت اللحاف ونزلت اباوع من باب المطبخ
فهيمة .. كعدت على الضرب مالت الباب
وصوت علي عالي يعيط علينا هذا شبي
ميار تعالي خاله هذا علي بالباب ماكدر افتحة
اطلعي شوفي شبي
فهيمة لازم بعبع.. جان افتحي عشتووو
استبرق هم كعدت مدكليلي شلون اتزوجها ابوج
جنها مصارع اي انوثه ماعدها ..
ميار سكتي لتسمعج هههههه
فهيمة طلعت فتحت الباب وشفت علي شكله سكران ويصيح.. والعالم كلها طلعت بره
ميارر عززة بعيني هذا شبي باعي شلون فضحنه
استبرق عليج الله وافقي اتزوجي غيره ولج بالزواج راح تكسرين خشمة
ميار المن اتزوج انتي مخبله عاقلة
استبرق انتي بس وافقي ومعليج كومه زلم
بعدين عاجبج هاي وضعيتكم يوميه جاي ويصيح علي مراح يعوفج بحالج رجعيله وفضيها
فهيمة شبيك تخبلت.. مو كلنا اتغيرت بعد شلون
تريد ترجعها.. تعال اصعد
علي اريدها هسه تجي صيحيهاااا
فهيمة اششش كافي تعال صعدته بالسيارة
وطبگت البوب علينا.. الجوارين فهمو القصه
من وره الخانم جاي يصيح علينا دخلو لبيوتهم وسدو الباب
علي فهيمة شلون وج مخليت واحد يعتب عليه
محد ديطلعلي فتووة
فهيمة اخو صديقتي اليوم داسوي بالعشى واتذكرته حيل خوش انسان محترم وثگيل نتفق وياه يتزوجها ويطلگها
علي ولج شلووون تنام بحضن غيري
فهيمة ماكو غير هالحل اذا تريدها اتحمل
علي وينه هذا الشفية وين بيتهم
فهيمة هنا بالمنطقه اخته معلمه ويايه اعرفهم خوش ناس
علي والله مادري شلون..
فهيمة كافي اني راح اقنعها واذا الولد قبل ناخذه ونروح للعالم الديني هناك نكطع الهم
مهر وهم نتفق وياه ثاني يوم يطلگ
علي وذا ماطلگ..
فهيمة يطلك شبيك موداكولك خوش ولد خليها عليه..
علي.. اووف نار وشبت بگلبي
فهيمة روح للبيت هسه الساعه شكد جايني نص الليل
علي ماشي شوفي شغلج ارريدها كافي تحملت
هوايه...
فهيمة كل هاي علمود ست ميار ماشي روح هسة
علي.. طلعت من فهيمة ورجعت للنادي
بقينه نشرب للصبح
فهيمة.. وينج ميارررر
ميار.. ياستار شرايده النوب .. اصعدي انتي
هسه اصعد وراج..
فهيمة.. حجيت ويا ميار وقنعتها توافق لان علي مراح يعوفها ترتاح وميار تقريبا وافقت ..
صارت الصبح للبست وطلعت على بيت خلود
خلود..يبووو هاي شجابهه اكيد تريد الفلوس
فهيمة.. دكيت الباب مره اخرى
خلود.. جايه جايه..
فهيمة شلونج ام محمد..
خلود الله يسلمج فوتي..
فهيمة جايتج بشغلة..
خلود كعدنا بالهول.. والله يااختي اذا علمود الفلوس الله شاهد ماعندي وفشلانه منج
فهيمة.. الفلوس كلها اعووفها الج بس بشرط
خلووود صدك خير كوولي اامري..!
فهيمة حجيت الها السالفه كلها وطلبت منها راكان يتزوج ميارر ليله وينفصل عنها
خلود والله مادري شكولج اخويه انريدله بنت خالي ومدايقبل يتزوج
فهيمة هذا زواج بأتفاق ليله وحده قابل راح تبقى
وياه العمر كله..
خلود والله ماعرف خلي يجي واحاجي اذا قبل راح ااخابرج..
فهيمة ماشي اني اروح عفيه اريد رد منج اليوم
ميار .. كعدت مالكيت فهيمة هاي وين راحت
استبرق ميمه جوووعانه كلش
ميار تعالي نسوي ريوك اني هم جوعانه
فهيمة فتحت الباب وفتت
ميار .. هلا خاله وينج شو كعدت ماكو انتي
فهيمة نحل بمشاكلج من الصباحيات
ميار يامشاكل..
فهيمه معليج انتي امشي طلعي لحم من المجمده جيبي دسوي زقنبووووت
ميار ماشي ..
استبررق هاي شبيها كالبه وجهه
ميار شمدريني هي كبل هيج بس تعيط واتصيح
فهيمة وين صرتي
ميار اي جايه خاله
ميار كملنا الشغل وتغدينه وصارت الضهر صعدنا الغرفتي
راكان،، ام حمودي.. صبيلي غده جوعان
ام حمودي من عيوني خويه هسه..
راكان رجعت. من الشغل تعبان اتغديت وشربت جاي كعدت اتصفح بالمبايل..
خلود..راكان اريد احجي وياك خويه..
راكان طفيت الجهاز وعفته على صفحة
خير خيتي محتاجة شي..
خلود مادري شلون احجيلك والله فشلانه منك
راكان لا كولي يمعوده شكوو خوفيتني
خلود حجيتله السالفه كلها..
راكان .. لا حول الله والحل هسه شلون
خلوود الحل يمك واني اخيتك وافق راح تشيل مني هموم الدنية عني
راكان.. لا يمعوده لدخليني بهاي السالفه
خلود والله يصيبك اجر مطلوبه كووومه
واذا وافقت راح تفووتهن الي
راكان شكد تطلبج اني ادفعهن الج
خلود يخووي لا ىتسألني شكد هوايه
راكان هاي شنو ليش مكتيلي..
خلوود صارت بعد..
راكان وينها هاي العروسه خاف تطلع جكمة
خلود هاا ادور حلوه هههههه
راكان لا والله اشاقه .. بس السالفه كلها تضحك
خلود هسه شضارك هي ليله وبهاي الليله راح تشيل الحمل عني..
راكان انطيىني مجال افكر للسالفه زين
يتـبببع
