#قصة_رحمه#
#الجزء2#
للكاتبه فردوس عبد اللطيف
داومنه على حالنه نبيع السمجات كل يوم بس بده الهور يجف والخير قل بدت الناس كوة تطلع الفلس حصار وفكر والصريفه الى عايشين بيهه كل يوم تطيح من صفحه...عيشه تلزيك
ورة اسبوع نزل نفس الرجال وهم سلم واشترى سمج ظل يسولف ويه الحجيه تالى اخذوهه على صفحه ويحجون وياها ما اسمع شيحجون وياها
ورة ما راحو اجت
ها خاله شيردون
ها يمه عدهم غريضات يكول يجيبهن انقلهن لمحافظه العمارة ومرة للبصرة ومرة للمثنى ومرة للكوت حسب شغلهم وينطينى على نقلهه 100
خوش فكرة خوش شغله يعنى خو ما بيهه مضرة لو خطورة
لا يمه شنى المظرة
ملابس يكول
مرات كتب مرات صور حسب الطلبيه
ياريت عمه على الاقل نصلح الصريفه
اى عمه
اجه ورة يومين انطانه جنطه صغيرة مانعرف شبيهه كال تودوهه للكوت واكو واحد يوكفلكم وين تنزلون يم الكراج
واشلون نعرفه
هو يعرفكم
يالى حجيه لا تتاخرون انطانه ال 100 ومشى
بس اعتقد مخلى احد لاحكنه او صعد ويانه بنفس السيارة الجبيرة
نزلنه بالكراج طلعنه يم الباب اجانه واحد لابس دشداشه ولاف وجهه كال حجيه ام حسين وين الامانه
هاك يمه
يالى مع السلامه
مع السلامه رجعنه بنفس الوكت بس شنو بالجنطه ما عرفنه
ورة اسبوع اجه نفسه
كال ها حجيه خو ماتعبتى
لا يمه خوش شغله وكل روحه 100 نعمه
خوش حجيه بس المرة هاى
ننطيج بودر
يمه شنو بودر
حجيه بودر غالى تديرين بالج عليه وننطيج 200 على النقل تودى للسماوة
هى هم كيفت بس نودى الكيس وناخذ 200 نعمه
صرنه ننقل اكياس بودرة والى هى مخدرات سفرة ورة سفرة عرفنه بس الفلوس مشت بايدنه وحلت اشلون نعوفهه... الطمع والحاجه تجبر الانسان
كنت حامل شهرين استمرينه ننقل اكياس المخدرات بين المحافظات غيرنه الصريفه اخذنه بيت طابوك واشترينه اثاث وصرنه نصرف ناكل لحم تعدلت امورنا الماديه استمرينه على هالوضع وياه هم نبيع السمج على الطريق
بس الظاهر وجوهنه تكررت السفرات او اخباريه علينه ما ادرى فد يوم وصلنه يم السيطرة كالو نزلو تفتيش
نزلنه منين جايين وين رايحين هاى شنو بيدج
علاكه يمه امانه اوديهه لاصحابهه
خلينى اشوف
فتح الكيس شافه بودر مسلفن
ودانه للضابط
حجيه هذا الكيس الج
هاها يمه هذا واحد جابه انطانيا اودى
اىاى المن تودى شنو اسمه
ما اعرف اسمه
شنو شايله حاجه وبذمتج وماتعرفين المن تنطيهه ومنين ماخذتهه
فحصو البودرة تاكدو مخدرات
حطونه بسيارة وكبل لبغداد تحقيق...اشتغلو تحقيق ويانه نكرنه انو احنا نعرف بيهه مخدرات وصارت القضيه براسنه والجماعه فلتو لا اسم نعرف لا عنوان كلشي ما نعرف عنهم
بسنه 1998 كان الى يتداول مخدرات اعدام
كل هذة الامور احنا نجهلهه
اجانه حسين يلطم ولجن شسويتو كلتو ننقل اغراض اشو طلعت بودرة مخدرات هاى تاليتهه يمه...
يمه العازة تجبر
يا عازة وهسه انت مرتاحه
هاى هى شسوى متنه من الفكر
يمه بعدج ضيعتى نفسج وكميله وياج وابنى الى ببطنهه مامسامحج وطلع دمعته بعينه بقينه تحقيق مدة شهرين بلكى يلكون فد خيط للشخص الى جان ينطينه الاكياس بس اختفى وين يلكو
ودونه للمحكمه يم القاضي
كال بابا انتو تعرفون عقوبتهه اعدام
بقينه بس نبجى
شيفيد البجى
نكرنه ماكو فايدة لزمونه متلبسين..لا ندم يفيد ولا يرجع الوكت
تاجلت القيه للنطق بالحكم
صدر قرار الحكم بالاعدام بالجلسه الثانيه...بعد صدور قرار الاعدام ودونه لسجن النساء ننتظر التصديق على القرار
للحكايه بقيه
