#البيوت_اسرار#
البارت الثاني
غدير وسام
رجعت امي منهم كالت رحبو بي بس كالت البنيه حاجزها ابن عمها علي /صدك تحجين يوم ؟رحت اتصلت بفاتن .شنو هذا الحجي اشو مكلتي فاتن/مادري علاوي اول مرة اسمع مكايلي اصلا تفاجات مثلك كتلها والجارة متصيرين لغيري فاتن لا حبيبي ماصير لو اعرف اقتل نفسي علي /اسم الله عليج يله نحاول مرة لاخ الى ان يقبلون ودزيت اكثر من مرة وكان الرد نفسه وبيوم رحت لاامها للبيت وحاجيتها خاله ليش رافضيني انتي تعرفيني واني شاري فاتن كالت مو بيدي بيد ابوها اني هم ماريد انطيها لعمامها احاول ويا ابوها وانطيك خبر طلعت منهم متامل خير بعد كم يوم وافقو بس كانت شروط تعجيزيه وطلاباتهم هوايه ومقدم ومؤخر عالي وبيت مستقل ابويه كال رايدها انت بابا اذمتمسك بيها عندي قطعه ارض بمنطقه راقيه وخوش تجيب سعر ابيعها واشتريلك بيت صغير هنا وفعلا ابويه عرض الارض ونباعت وبدينا ندور على مشتمل واشترينا الها ذهب امها تحولت ولاكنها ذيج المرة الطيبه اخذت الثكيل وتتشرط وهي متعترض حسيتها مرتاحه للوضع اقترب يوم خطوبتنا وطلعنا اشترت فستان وباقي احتياجاتها بيومها فتونه جانت طالعه كمر لابسه فستان زيتوني وهي بيضه وشعرها جوزي طويل اول مرة اشوفه فقدت عليها بعد ماعقدنا سيد طبعا دخلت ولبستها الذهب ركصنا وحفله جانت حلوة تمت على خير وتوجهت بعدها لكينا بيت بعد الخطبه كمنا نطلع ومرات اروحلهم فاتن هاديه واموت عليها بس تسمع لااهلها يعني من يقررون شي تسكت علي / رحتلهم اشوفها اهلها ابد ميتركونه لوحدنا لو امها لواخوانها ماأخذ راحتي وشويه طلع اخوها استغليتها فتونه تعالي منشفتها عليه فاتن لا اهلي منا استحي (غدير وسام) شكد عندي مشاعر تجاها وهي باردة ولا خلتني احس بفترة الخطوبه بلتلفون نحجي حبيبي وقلبي ومن اروحلهم تتهزم لو اهلها على ارسي وزعلت وطلعت منهم اتصلت مجاوبتها كمل البيت مالتي وزادت فلوس من الارض رتبنا البيت وسوينا جناح بلطابق الثاني مالت بيت اهلي للولد اخوتي فاتن بعدني قافل عليها مضوجتني برودها اتصلت جاوبتها زعلان حبيبي علي شرايدة فاتن فاتن /راح اجيكم اشوفك وكلت لاهلي يمرلي يشوفني البيت تعال عليه علي /حضري نفسج جاي فرحت بس بعت ثكل عليها رحت جبتها واحجي وياها بثكل دخلنل لبيت اهلي امي والبنات رحبو بيها وكعدنا كتلها تعالي شوفي البيت طلعنا البيت جان قريب على اهلي جان غرفتين وصاله وخدمات صغير وملم بس صرنا جوة جتي حضنتني والله مشتاقتلك واحبك بس اخاف وماعندي سابق معرفه وانت متنطي مجال وتتزعل رفعت وجها اي غير احبج واريدج بستها من خدها ريحتها ترد الروح نزلت لشفايفها وهي بدون حركه ثابته شببج فاتن /مبيه شي تاخرت يله اروح وصلت فاتن وتاقشنا اني واهلي وقررت زواجي بدايه الشهر بدينا نجهز وامي تشتري وتحضر وبيوم كاعد نتريك نزل حسن لابس ملابسي جدد ممدشنهن لك امشي انزعهم حسن/شبيك اطلع والعصر ارجعهن تحاجينا وردت اضربه ابويه صاح عليه واخذني بلغرفه كال بابا انت بمكاني ابوهم تصير اريدك لاتمد ايدك عليهم ودير بالك واذا صارلي شي انت متحسسهم بفرق ولا تخليهم يغلطون بست ايدة وراسه عمرك طويل يابه لاتكول هيج واعتذر اني انقبض قلبي من كلام ابويه وصجت من نفسي رحت لحسوني اخذهن الك الملابس حسون حبيبي واعتذر حسن لا خويه مصار شي حقك لازم اكلك قبل لااخذهن بس عدي مناسبه وملابسي تعبانه طلع حسون وبقيت بلبيت كملت نمنمات اتصلت بابويه شلونك بابا هلو علاوي رايد شي بابا علي /لاحبيبي بس اسئل عليك زين انته كال الحمد لله صار صوت قوي بعدها هدؤ وانغلق جهاز ابويه (غدير وسام )
أنت تقرأ
البيوت أسرار
Roman d'amourقصةشاب اعلامي يحاول اثبات نفسه ويواجه كل ضغوطات ومصاعب الحياة بروح متفائله رغم خسارته للسند والمعيل
