غارقات في دوامة الحياة

قلوب منكسره

بعد مرور 3 اشهر

فريده قاعده في الجنينه المكان ال كانت والدتها بتقعد فيه دايما وبتحبه
حزينه حاسه بوحده لابسه أسود مبتغيرهوش مش بتقابل حد

عزت : فري حبيبتي ال انتي بتعمليه دا مش كويس عشانك

فريده سرحانه مش بترد ودموعها هي ال بتجاوب عنها

عزت : طب تعرفي ي فري انك كدا هتخلي ماما زعلانه منك لانها عاوزاكي دايما فرحانه وسعيده

فريده بغضب وحرقه ردت بصوت عالي: تعرف ايه انت عن ماما غير انها واحده عجبتك واتحديت عيلتك عشان تتجوزها مش عشان بتحبها لا عشان بس ترضي غرورك لان مش انت ال تعوز حاجه ومتاخدهاش
ولما زهقت منها كنت هتطلقها لولا انها كانت حامل فيا

عزت مقدرش يمسك نفسه وضرب فريده بالقلم واتكلم بعصبيه: واضح اني قصرت في تربيتك ودلعتك بزياده بس مش مشكله انا هعرف ازاي اربيكي من اول وجديد سابها ومشي

فريده دفنت راسها بين ايدها وقعدت تعيط بوجع


      .............                                 

مازن بفرحه كبيره اوي : ها ي نور جاهزه

نورهان : ايه دا انا سمعت صح ولا دا النت وبتضحك

مازن بغضب مصطنع : طب انا غلطان

نورهان : انا بهزر معاك ي ميزو

محمد : يلا ي ولاد عشان متتأخروش على جامعتكم والله وكبرتو ي حبيبي
والده نورهان عفاف : دا احنا ال كبرنا ي اخويا

طلعو الاتنين مازن على كليه الحقوق
ونورهان على كليه الاثار حلم حياتها

..........                                       

عائشه ماشيه مع كريم بيوصلها أول يوم كليه

عائشه : متزعلش ياكريم ان شاء الله دا خير ليك

كريم بضجر: خير أيه بس انا حلم حياتي ضاع ودخلت تجاره ف الاخر

عائشه : يمكن في تجاره ال مش عجباك دي تعمل حاجه أحسن من ال كنت هتعملها في هندسه

كريم : يلا وصلنا لا اله الا الله
عائشه بأستغراب: محمد رسول الله

مشي كريم ودخلت عائشه كليه الاثار فضلت تتمشى شويه تتفرج على الكليه وتشوف الاماكن ال فيها

دخلت أول محاضره

عائشه : ممكن أقعد هنا ؟

نورهان : أه أكيد
أنا نورهان
عائشه : وانا عائشه

قضو اول محاضره مع بعض
طلعو قعدو في الكافتيريا

عائشه بأبتسامه : احنا هنبقى اصحاب بقى ي نورهان
نورهان بغضب مصطنع : بعد نورهان دي مش عاوزه اعرفك تاني

عائشه بضحك : الله وانا مالي هو انا ال سميتك
نورهان : قوليلي ي نور
..................                           

                  في فيلا عزت

على السفره وقت الغدا
بيتكلم عزت :ها ي فريده هتروحي الكليه امتى ؟
فريده: أنتا قدمتلي ؟!

عزت: اه قدمتلك ف الجامعه الامريكيه ياحبيبتي
فريده بهدوء : بابا معلش انا عاوزه احول جامعه حكوميه

عزت وقف أكل : انتي بتقولي ايه يافريده !
فريده: انا رغبتي ابعد بعيد عن كل الوسط ال انا عايشه فيه دا عاوزه اختلط بالمصريين الطبيعين ممكن ياكدا يامش داخله كليه خالص

عزت بغضب : على راحتك دا مستقبلك وانتي حره فيه

فريده بتسيب السفره وبتقوم تطلع الجنينه تقعد في مكانها المعتاد

تليفون فريده رن معلن اتصال من سيف

فريده بتثاقل : ايوه ياسيف
سيف : بصي هي نص ساعه وتبقي جاهزه هعدي عليكي انا واحمد
وقفل
فريده قامت عشان تلبس لانها عارفه لو مجهزتش هياخدوها بلبس البيت

...............                        

نورهان : احكيلي بقى عن نفسك ياعائشه
عائشه: مفيش ياستي انا زي ماانتي شايفه مش حابه الكليه ال انا فيها بس دخلتها عشان رغبه بابا وانا قررت اسمع الكلام عشان لما كريم يتقدملي اقوله انا عملت كل حاجه ترضيك سبني اتجوز ع راحتي

نورهان بأستغراب: مين كريم !
عائشه: دا ابن مدرس صاحب بابا في المدرسه اتعرفنا على بعض من سنتين وحبينا بعض واتفقنا ندخل كليات قمه ويتقدملي ونسافر بس المشكله انه مجابش المجموع ال هو عاوزه ومن يومها وتعامله اتغير

نورهان : مش شايفه ان الكلام دا بدري عليه شويه يعني جواز ومسؤوليه !

عائشه : بحبه يانور اووي
نورهان: يارب يبقى قد وعده ويجي يتقدم

عائشه : ان شاء الله يلا أحكيلي بقى  عن نفسك
نورهان : انا ياستي دحيحه وبقولها بصراحه اهو ومفيش ف دماغي شغل احبك وتحبني دا لاني عاوزه اكون مستقله ليا كياني الخاص ومش عاوزه اصاحب واحد مالوش اي كلام عليا يقعد يطلع عليا عقده والبسي دا واعملي دا

عائشه : تصدقي يانور معاكي حق كريم بيعمل كدا مش كفايه عليا ابويا
نورهان : انا هساعدك عشان نشوف كريم دا يستحق ولا لا
يلا احنا أتأخرنا لازم نلحق المحاضره

...............                             

واقفه فريده قدام الفيلا مستنياهم
وقف سيف بالعربيه نزلو الاتنين حضنوها وسلمو عليها
ركبو كلهم العربيه

سيف : ايه يافري ال انتي بتعمليه دا حابسه نفسك في البيت ومش بتكلمي حد

احمد: ليه دا كله وانتي اصلا عمرك محبتيها

فريده : اكتشفت اني بحبها بعد فوات الاوان
سيف: طب خلاص ياحبيبتي ربنا يرحمها

فريده: يارب

احمد: النهاردا بقى هنسهر سهره أنما أيه
سيف بيضحك

فريده : لا سهر أيه انا مش قادره وبعدين عندي كليه بعد بكرا

احمد: دول يومين في مركب سيف بس عازمين الشله كلها وهيبقى شرب ورقص
سيف: عامل دا كله عشانك

فريده بأستسلام : ماشي

..................                                

في بيت الموظف محمد

مازن بسخريه : ها يانورهان عملتي ايه اول يوم
نورهان بتبص بلامبالاه وبتمشي

بيضحك مازن أكتر ويدخل أوضه يكمل لعب بلايستيشن مع صاحبه

نورهان بتكلم نفسها : هيفضل كدا يستفزني كائن غبي انا مش عارفه ازاي دا الكبير
وبتغير هدومها عشان تطلع تتغدا

..........                                   

عائشه بتتمشى مع كريم ال عدى عليها بعد الكليه
كريم : انتي بتحبيني !
عائشه: ايه السؤال دا!

كريم : معلش جاوبيني
عائشه اه طبعا بحبك

كريم : خلاص حولي من الكليه مش انتي كمان مش حباها
عائشه بأستغراب : اه انا مبحبهاش بس احنا اتفقنا اني هعمل لبابا كل ال هو عاوزه عشان ارضيه ويوافق على جوازنا بسهوله

كريم :وانا مش هستحمل ان مراتي تبقى في كليه أعلى مني
عائشه : انت في ايه ياكريم مالك !

كريم : هو دا ال عندي يا عائشه عاوزاني اتقدم تحولي لحقوق او خدمه غير كدا انا مش هقبل

عائشه بغضب : روحني دلوقتي حالا ياكريم
ولا اقولك انا هروح لوحدي
وسابته ومشيت
وهي مش قادره تستوعب الكلام ال قاله مش مصدقه انها حبت واحد اناني اوي كدا

روحت البيت مكلمتش حد ولا ردت على حد غيرت ونامت على طول عشان تتجنب أسئله اهلها الممله

.............                                  

   س11:00
فريده راجعه الفيلا سكرانه

عزت مسكها من دراعها وضربها بالقلم واتكلم بغضب شديد: انتي هتفضلي كدا لحد امتى فوقي لمستقبلك بقى ومن النهاردا مفيش خروج غير للكليه وبس وبكرا لما تفوقي ليا كلام تاني معاكي وسابها ومشي

فريده من غير اي رد فعل : طلعت اوضتها وانفجرت بالعياط م لاقيه حد تتسند عليه حد يغيرها تحس انه بيحبها بجد
قامت اخدت شاور ونامت من التعب


......                                      
                   في شركه عزت

ندى قاعده على المكتب وماسكه أيد عزت ال قاعد على الكرسي وشارد في التفكير
ندى بعد لحظات صمت: مالك ياحبيبي هتفضل سرحان كدا

عزت: مش عارف اعمل أيه لفريده عشان اسعدها في أكتر من أني بجبلها كل حاجه بسفرها اي مكان هي عاوزاه بديها فلوس من غير حساب
ندى : هي بس صغيره ومش مقدره النعمه ال هيا فيها

عزت : انا لازم أشد عليها شويه
ندى : انت هتقولها أمتى على موضوع جوازنا

عزت: مش دلوقتي ياندى لما أشوف حل معاها الاول البنت لسا مصدومه من وفاه ولدتها

ندى بتأفف : يوه بقى يعني حتى وهي ميته واقفه بينا
عزت : أدينا مهله بس أفكر هفاتحها ازاي في موضوعنا

متنسوش الفوتز والكومنت ✌