غارقات في دوامة الحياة

فقدت شرفي

في بيت نورهان

عمر: مالك ياعم مازن سرحان في ايه دي تالت مره اغلبك

مازن بيفتكر فريده والموقف ال حصل بينهم وهم بيزعقو مع بعض حب عنادها اوي وطريقتها في الكلام وبيبتسم

عمر: لاااا دا انت مش معايا خالص

مازن: انا ايه ال خلاني اجيبك قوم ياض روح مش عاوز وجع دماغ

عمر بيضحك: لا ميزو مش مروح احكيلي مين هي بقى ها ها ها

مازن: وهو سرحان دي بعيده عليا اوي ياعمر

.......

في فيلا عزت

عزت : ادخلي ياندى

ندى: يااه الفيلا جميله اوي

عزت : بقت اجمل وانتي فيها ياحبيبتي

بيوجه كلامه للشغاله : طلعي الشنط دي على اوضتي

تعالي ياندى أفرجك على الفيلا

ندى: انا خايفه من رد فعل فريده لما تيجي وتلاقيني في الفيلا

عزت: متخافيش من حاجه طول م انا موجود

...

في شرم الشيخ

يلا انزلو يابنات ايه رأيكم في الشاليه

عائشه : تحفه يافري والله ماقدره اوصف الفرحه ال انا فيها

نورهان : ال سابتهم وراحت قربت من البحر وسرحت فيه وفي جماله من صغرها وهي بتحس براحه نفسيه اول مابتشوفه مع انها مش بتعرف تعوم بس بيكون جواها احساس متناقض البحر زي ماهو حلو ومريح هو بردو ضلمه ويخوف ويقدر ينهي حياتنا

زينا كلنا من برا بنضحك وبنتكلم ومن جوانا صراح وحرب قايمه

بيقطع تأملها فريده ال بدأت ترش عليها ميه وعائشه عماله تضحك

نورهان : كده يافري طب اهو اهو

وبدأو يلعبو مع بعض ويجرو ورا بعض لحد ماتعبو وناموا على الشط

عائشه : انا عاوزه اقول حاجه بس خايفه تفهموني غلط

فريده: قولي ياحبيبتي احنا عمرنا ماهنفهمك غلط صح ي نور

نورهان :اكيد طبعا

عائشه بتردد : انا انا عاوزه اجرب اروح المكان ال بيشربو ويرقصو فيه دا عاوزه اجرب الجو دا

فريده ال عارفه يعني ايه المكان دا كويس: طيب انا موافقه بس انا خايفه عليكم لاني واخده على كدا بس انتو لا وبصراحه مش عاوزه اكون سبب في انكو تتأذو

عائشه: أذى ليه دي مجرد ليله هنلبس فيها فساتين حلوه ونعمل شعرنا ونحس اننا بنات زي الاجانب كدا مش مجرد بنات مولوده محبوسه في جو معين لحد ماتكبر وتتجوز وتبقى نسخه من مامتها وتعيد الحكايه تاني