Poetry

Ang Regalo

Ang buhay ko ay regalo ng Diyos ama
Kaya't mga magulang ko ay tuwang-tuwa
Dahil ako'y kanilang kamukha
Sobrang saya nina lolo't lola

Ako'y kanilang inalagaan
At binigyan ng karapatan
Pinagaral sa magandang eskwelahan
Kung saan ako'y nagkaroon ng maraming kaibigan

Ako'y nakatira sa simpleng tahanan
Na puno ng kasiyahan
Minsan mayroong kalungkutan
Dahil nagkakaroon ng di pagkakaintindihan

Sa aking paglaki, nalaman ang katotohanan
Na ang edukasyon ay kailangan
Upang ang buhay ay tungo sa kaunlaran
Daan na tungo sa magandang kinabukasan

Hindi madaling mabuhay sa mundong iyong kinabibilangan
Dahil sa pagsubok na ating nararanasan
Na nagbibigay lakas at kasanayan
Ako'y nagpapasalamat sa mga taong tinuro ang kanilang kaalaman