الشائع أننا نسير في دروب الحياة وطرقها لا نعلم متى وكيف ومن نحب.
البعض
يحب بعقله، وآخرون يحبون بقلوبهم،
وفريق ثالث تقودهم النظرة الاولى للحبيب.
وهي حالة لا يهم فيها الإجابة عن التساؤلات المعتادة التي تتردد في نفوسنا
عندما نقع في الحب، لأنها ببساطة حالة استثنائية.
اعرفكم عن نفسي اني قيس
طالب ثالث متوسط
مواليد 1991 شهر الثالث
ساكن بغداد
ساكنين الاعضميه ابويه او امي عايشين او عندي اثنين خوات اني الكبير والكبير الله عندي اخت ازغر مني اسمها نور او اخت ازغر من الكبيره اسمها نررجس ثلاث سنوات نور صف خامس ابتدائي جنه عائله زغيره
اول يوم العيد من عيد رمضان رحت لبت جدي اهل امي جنت متعلق ابيت اهل امي اكثر من بيت اهل ابويه جدي ابو امي متوفي بس بيبيتي عايشه ام امي او كاعدين ويهام بيت خالي خالي متوفي بس عنده ثلاث ولد او بنات ثنين وعندي خوال طالعين من بيت جدي جان واحد من ولد خالي تقريبا من عمري بس هوه اكبر مني ابسنه او نص بس البقيه اكبر مني اب 5 سنوات او الكبير 6 سنوات بس علاقتي بل الزغير اسمه صلاح سمو عله اسم جدي الله ايرحمه او الاكبر منه حسن والكبير حسين والبنات الكبيره سرى والزغيره علا
رحت الهم لكيت محد بابيت جدي بس بيبي او صلاح ابن خالي سلمت عليهم وعايدتهم سائلت بيبي عله امي كتلها الباجر تجي
رحت اني وصلاح لبت خالي الكبير حته انعايده او هم عنده ولد ثنين واحد بكدي او الثاني بكد صلاح بس اني ويه هذا ابن خالي ما نتحاجه ابد يعني نصالح يووم او نزاعل سنه اسمه مهند او الكبير سيف
رحنه اني وصلاح وسيف او مهند نتونس
همه طبعا ايدخنون او حته بيهم ايشربون بس اني معليه بيهم لا ادخن ولا اشرب
بس امشي ويهام اتفقو بيوم العيد
صلاح- البيت مالتنه فارغ او بس بيبتي
او اهلي يم بيت جدي انجيب مشروب او نشرب سيف او مهند كيفو كتلهم لا خلي ايولي
مهند- اذا تحجي حجايه وحده ما اتلوم اله نفسك ما تريد انته روح مالنه شغل بيك
سيف- قيس انته رووح ويانه بس او مالك شغل ما كلنه الك تشرب
قيس-كتلهم ميخالف بس باوعت لصلاح مال واحد ضايج بعدين اجه كلي تره بس اليوم او الباجر نطلع والله
كتلهم روحو انتو واني راح ابقه يم بيبي انتظركم لمن تجون راحو او اني بقيت يم بيبيتي جنت احبها هواي احسها حنينه عليه مثل امي عكس بيبتي ام ابويه بقت تسأل عن امي وشلون ويها ابويه واني اسولف كامت او صبت الي غده واكلت جان اكلها كولش طيب
اجو الولد وجايبين وياهم هل المشروب جنت اكره شكله وجنت اخاف من ايشربو اخاف ايفقدون وعيهم ويسون مشكله
كعدو بلسطح وشربو واني كاعد ويهام اني جنت اكل بمزه مالتهم لحد ما كبو عليه كالو خلصت المزه وكوموني كتلهم لعد منو كلكم اتشربون هل الخ.....
خلصو او بقينه نسولف وهمه واحد يضحك عله الخ
نمنه صار الصبح كالو انروح الزوراء شتكولون كتلهم ميخالف اني اروح
صلاح- كال بس لازم اروح لبيت جدي اخذ المفتاح مال كنتوري يم امي كناله شيودينه جانو بيت جده بسبع البور كال ناخذ تكسي
كتله ميخالف اني اروح وياك سيف كله اني ما اروح ما ارتاح لبيت جدك مهند كله اني هم بيت جد صلاح ايصيرون بيت عمت امي
صلاح- كال الهم ما انطول اذا هاي ابقو بره منتظريني
كالو ميخالف رحنه او جان طريق بيت جد صلاح بعيد وصلنه بقو الولد بره كالي صلاح
قيس امشي انته وياي هم ما اطب الهم كتله لا ادخل وياك بقو همه عله الشارع واني دخلت ويه صلاح بس جانت طبتي عليهم اول مررره بس شايفهم بلمناسبات او اعياد بس ما جاي لبيتهم دخل صلاح واني بقيت وره كال تعال عليمن مستحي دخل من باب المطبخ جانن اكو بنات بكصتنه اينظفن بلمطبخ او خالت صلاح تطبخ الزغيره
اني دخلت وجان اتصير عيني بعين وحده بلمطبخ جانت كلش جميله او شعرها اسود وطويل وهيه بيضه
سلمت عله خالت صلاح وهنه ايباوعن عليه استحت او دخلت
سلمت عله ام سمير وبقيت خالاته وعله عمت امي او خوال صلاح
جان موجود حسين و حسن ولد خالي
سلمت عليهم جنت ما عندي علاقه قويه بحسن وحسين
بس صلاح بقينه كاعدين شويه وكمنه جلبو بينه عله الغده كنالهم مستعجلين اخذ صلاح المفتاح وطلعنه هم صارت كدام عيني شفتها اتباوع بس اني جنت مركز عله كل شي بيها
بس طلعنه سألت صلاح كتله منو هذني البنات كال بنات خالتي أمل
كتله هاي منيه ام شعر الاسود كال هاي سهى كتله شنو هاي شكد عمرها كال هم بكدنه
بس هيه هاي الي ايردوها لحسين 😦😦😮
_______________________________
والباقي راح انكمله بعدين ونشوف شراح ايصير بقيس وشنو رد فعله
بقلم ليث ابو اسد
اتمنالكم وقت ممتع
