صلاح: هيه هاي الي ايريدوها لحسين
قيس:😦 صدك يعني هيه موافقه عله حسين
صلاح: ما اعرف بس هيه اميي او امها من زمان متفقات بعد ما اعرف انته ليش تسأل
قيس:😓 لا هيج بس سؤال لان ما شايفها قبل
بداخلي اكول وين جانت هاي الطركاعه عن عيني 😍 جان ما اخذتها من اهلها
صلاح : لا هيه موجوده بس يمكن انته ما منتبه عليها قبل
قيس:هاا اي يمكن ما منتبه لان تعرف استحي 😅
ابداخلي جنت مشتعل مثل النار ما اعرف شسوت بيه لا ومن دخلت وسلمت عيونها صارت بعيني ما اعرف شسوت بيه اني وين والحب وين
وصلنه للولد او طلعنه وكتها للزوراء ومناك هم ما كعدو قبل لا نوصل اخذو هل المشروب او شربو واني حيل انغثيت
لان خفت ايسون شي وهمه مو بوعيهم اعترضت اني بلبدايه بس مثل كل مره ما ايقبلون لان الكثره تغلب القله واني بس الي ما اشرب بس ما رضيت وضليت بالي يمهم خاف ايسون مشكله وجريت صلاح كتله ليش مو البارحه شربتو هل ....
صلاح: خلينه مرتاحين هيه بس هاي الايام النه
اني سكتت وما حجيت شي بعد رجعنه ما اتأخررنه هواي رحت اني لبيتنه لكيت اهلي طالعين بقيت منتظر لان جانو ماخذين المفتاح مال بيت او من يوم الي شفت بي سهى واني ما اعرف شصار لعقلي بقيت اتمنه اشوفها ولو مره بديت ارسم صورها
جنت رسام بس يعني مو كل شخص اجيب معاني وجهها جنت احب ارسم صور الايمه
وصور الاعبين مثل كرستيانو ررنالدو اكثر شخص جنت ارسمه حته بدون ما اشوف صوره عله حفض المعاني الي بالي ارسم
توتي رنالدينيو احب ارسم جنت بلمدرسه الطلاب ياخذون مني الرسم الي ارسمه
جان عندي دفتر رسم اجاني من المدرسه هديه كلش حبه ومحتفظ بي
بقيت هذا الدفتر ارسم بي صور يوميه من اكعد اقره لسهى وارسم الها يوميه رسمه جديده بغير لبس او دا تنتظر يم الشباك غرفتها
فكرت هواي بيها من يوم الي شفتها واني ما اعرف شصارلي حته مستواي بلمدرسه صار
تعبان قررت انسه شكلها قررت اشيلها من بالي بس ما كدرت وجنت اكول انو معقوله هاي فتره مراهقه مر شهر عله شوفتي لسهى
رحت لبيت جدي لصلاح وصلت هناك سلمت ولكيت بيت خالي الثاني هم موجود
خالي تحسين ما عنده ولد بس بنيه وهيه صبا اني اكبر من صبا ابسنه بس جنه مثل الاخوه او اكثر يعني حته انام بغرفتها وجان خالي تحسين ايحبني وحاسبني ابنه
واني دائما اكوله صح لو كالو الخال والد هوه يضحك مرت خالي اتصير اخت ام حسين الي هيه ام صلاح خوالي ازوجو خوات بس هنه خوات او ما يصفن ابيت مشاكل دائماآ
سألت عله صلاح كالو راح للشغل وما ينزل يبقه بمكان شغله اني ضجت كالو الباجر هوه اجازته ويجي كتلهم ما اخذ تلفون كالو لا بعده
جانت الاجهزه النوكيا امسويه ضجه 😂
اني جان عندي فراشه اذا تذكرو
بقيت اتغديت يمهم وبقينه نشاقه اني او خالي تحسين او صبا اتغار مني بس اني اضحك عليها وهوه ايكول مو كتلك تعال عيش يمنه واني اصير ابوك كتله خالو حته صبا اتحط عليه وتخنكني
خلصنه واني بداخلي اسولف اكول عود اجيت اعرف من صلاح اخبار سهى اجت بالي صبا كلت ماكو غير هاي الخبله احجيلها والي ايصير ايصير
كملنه وكمت صعدت بغرفه صلاح اجت ام صلاح كالت ها اشتاقيت ودخلت اتشم ريحته اني كتلها اي والله مشتاقله من العيد ما شايفه وهوه كتله اخذ تلفون ما اخذ
كالت ابقه اليوم هنا الباجر الصبح هوه يجي كتله اخابر اهلي واشوف يقبلون كالت خوش نزلت حته اشوف صبا وين جانت كاعده ويه اخت صلاح شهد كتلهن اليوم ملتمات الله يستر منجن اذا التميتن
ضلن ايضحكن بصوت عالي
صبا: اي مو اشوف نفسك انته عبالك كلها مثلك
كتلها والله لو اسكتين يا ام حلك جان صارت الوضع ابخير تعالي صدك شمسويه انتي شحاجيه
حجيت هيج حته تبقه تلح عليه وتجي حته احاجيها صراحه جانت افكاري ايدوخ بيها ابليس 😈😈
هيه بقت اتلح حته اكول الها شنو الصاير غمزتلها او اشرت ابعيني عله شهد هيه افتهمت واني عفتها ورحت لبيبي حته انسولف جنت احب السوالف ويها دائما الشخص الكبير بلعمر سوالفه تونس
بقيت احجي واشوف صبا اتحوس بس تريد اكوم حته اكلها شنو الي صاير طبعا اكيد تعرفون الي ما عنده شي ما ايضل مثل حالها
كمت وكعدت بلحديقه ماكو ثواني هيه فوك راسي ومتخوصره وتكول احجي شكو خوفتني
صبا: بصراحه من اجاني قيس وكلي خفت حيل وبقيت افكر هذذا شيعرف شو عيونه مبين عليها واحد يعرف شي وصراحه اني جانت عندي علاقه حب ويه ابن خالتي وخفت لا قيس يعرف انو عندي علاقه بي
بقيت افتر بلبيت واني الف سالفه بالي وهوه ولا يمه كاعد ويه بيبي ويضحك ويسولف واني اجي واكوله تعال احاجيك وهوه ولا عبالك لحد ما طلع للحديقه واني ارجف
خايفه اروح وهوه يصدمني بشي فقررت اروح او اوكف كدامه واني مصيطره ومتخوصره واخزر بي كتله كول شنو الصاير تره خوفتني
قيس: شكو خايفه لازم مسويه مكسوره وهيج دخلتي انذار تعالي كعدي عندي حجي وياج مهم او خلي ايكون بينه اشوف هاي اتكركبت استغربت شويه وكعدت وهيه اطكطك باصابعها كتلها شبيج جاوبتني بصوت خفيف لا ماكو ااحجي شنو
صبا: وكفت واني ارجف اخاف من الي راح اسمعه منه وهوه ايكول شكو شبيج هلكد خايفه اني صراحه عبالك واكفه كدام ضابط شرطه وكلي اكعدي عندي شغله بيني او بينج مهم اني بذيج الساعه تذبحوني ما تلكون بيه قطره دم جان ايكول شبيج را اتكسرين اصابعج تره خوفتيني الي
قيس: بداخلي كلت شبيها هاي خاف عبالها دا اصارحها وهيج خايفه
كتلها را احجي الج شي بس وعديني ما يطلع ابد ولا تحجين بي بينج او بين نفسج
كالت كول ما يطلع وداعت الخوه اني ضحكت كلت شوف الحركات الزباله بداخلي
كتلها والنعم من اختي صبا حاب اسألج عله وحده اتعرفيها
صبا اشوف عيونه بيهن حجي واني خايفه بس من كلي اريد اسألج عله بنيه اني شويه صار بيه مجال اسولف وكتله كول منيه كلي سهى اني انصدمت كلت منين تعرفها
قيس: كتلها عله الصدفه وشلون شفتها وشلون انعجبت بيها وهيه صافنه بس احس صبا رجع لون وجها الها كتلها اريد منج اخبارها شنو شعدها هم اتحب عدها شي
كالت بس هيه رايديها لحسين ابن عمو سعد
كتلها اي كلولي بس هيه رايدته عدها خبر عنه
صبا والله قيس دختني بشغلتك شوكعك بهل الحب زين انته منين عرفت
كتلها عرفت من صلاح
صبا وصلاح يدري انته وكعت بحبها
قيس لا ولج شيدري تخبلتي بس انتي ورب العلمين يدرون وما اريد غيرنه احنه يعرف
صبا :جاوبته براسي اي بس خلي اشوف البنيه واحجي ويها اول مره واشوف مشاعرها وين وكتها راح احجيلك ويها
قيس: شوف ام مشاعر منين هذا الحجي اتعرفي ولج انشالله انتي هم تحبين
جاوبتني بخوف لا منين احب كتلها انشالله ما اسمع شي خبر من هذا
____________________♡_____
ولهنا ننهي هذا البارت
ونشالله البارت الاخر بي احداث اقوه
