قيس:بقيت اسولف واسائل صبا هواي اسأله عن سهى
وهيه اتجاوبني اخير شي اجت بت خالي سعد سرى
سرى: هاااا شو كاعدين ومندمجين بلحجي شعدكم
صبا:شعدنه هذا قيس واكع ومحد ملحك عليه وقيس ايباوع عليه عباله راح احجي خطيه الناس اتحب بنات هوه واكع بغرام صلاح واضحك وهوه يخزرني
قيس : اني من حجت هيج وكالت واكع ومحد لحك عليه كلت انلاصت وهاي الثوله عود وصيتها بس الله ستر
عاد. كمت منهن لان ذتي الكعده وياهن مماله وبيها مشاكل 😂
بقيت يم خالي تحسين اسولف كتله تباتون لو لا كلي لا راح انروح العصر كتله خوش حته اطلع وياكم اتذبني بلطريق خالتي ام صلاح كالت هاااا مو كلت اتبات هنا تنتظر صلاح
كتلها لا يمكن اجي الباجر ليش ايحسبو عليه يوم اهلي
واني بكلبي اكولها بعد شسوي. بصلاح اخذت المعلومات من صبا
صبا: اجيت لكيت قيس منطلق ويحجي ويه بابا. ويشاقون واني صحت بصوت هااااا ماخذين راحتكم جنت اغار من قيس لان بابا حيل ايحبه وهوه هم
قيس: ثول كمزتينه شبيج بابا انتي خبله شوكت اتعقلين
وخالي تحسين خربان ضحك علينه وهيه اتكمز وتكول اني خبله انته شعليك واجت وكعدت بحضن خالي واني بقيت اضحك عله عقليتها خالي كلي يالله كوم خلي انروح وصبا طفرت
صبا: شنووووو وين اتروحون عيني ماما تعالي يالله خلي انروح لبيتنه يالله عود روحو بابا كلي شبيج هوه اني جاي اروح للبيت واذب قيس وياي بلطريق بقيت اني مثل الخجلانه واباوع عله قيس صافن عليه
قيس: بقيت صافن عله هاي الخبله شدا اسوي
كتلها بابا انتي لو تراجعين دكتور نفساني احسلج يمكن عندج مرض دا التوحد وهيه اتصيح اي مالك شغل وبابا
شوف شلون يحجي عليه واني اضحك عله عقليتها وخالتي تكلي هيه هاي خبله لعد انته ما تدري واني اضحك. جان تكلي بصيطه قيس اله اخليك تتوسل
اني بقيت صافن وخفت من هاي الخبله كلت لا تفضحني
صبا: اني اضوج من واحد يحجي عليه وقيس حيل ايضوجني لا وبعد ياخذ بابا اموته غير عاد كتله هيج حته اسكته وما اخلي ايلح وياي بس اني جنت احبه وهوه اخويه واكثر بس احب اضوجه ☺️☺️☺️😊
قيس: يالله خالووو تروح لو لا خالي كال ماشي سلمنه عله بيبي وعله بيت خالي وطلعنه بطلعتنه اجه حسين سلمت عليه وسلم عله خالي وعله البقيه وكال لخالي وين تعال ارجع خلي اشوفك واني اغمز لخالي اكله لا عاد كله لا مستعجل اريد اروح غير مره اني جنت ما عندي علاقه بي وانوب عرفت هوه ايريد سهى كرهته اكثر صعدنه بلسياره واني كلت لخالتي تعالي كعدي بلصدر لان راح انزل بطريق خالي كال لا تعال انته كتله لا خالو هوه اني نازل بلطريق كعدت ليوره اني وصبا اباوع لحسين ايباوع بستغراب شلون كعدت وره يم صبا عود ايغار عله بت عمه اني ضجت منه كلت هذا شيخلصها ويا طلعنه واني كلت لصبا لج ما اوصيج من اشوفيها لا تنسيني واذا اجوكم همه خابريني من تلفون ابوج وكليلي حته اجيكم كالت ميخالف وصلني خالي لبيتنه كتله انزلو يالله كال لا اجيكم الباجر اريد اشوف ابوك كتله هلا بيك نزلت دخلت البيت لكيت امي بوجهي كالت هااا شو تأخرت كتلها انتظرت خالي تحسين يطلع حته ايوصلني كالت هاااا شلونهم بيت جدك كتلها زينين
بقيت انتظر شوكت اتخابرني صبا اتبشرني شي او تكلي اجونه مثل كل مره يوميه ارسم الها شي او بقيت ارسم واني ويها او بقيت اكثر واكثر اتعلق بيها درساتي شبه نسيتها امي بقت تحجي عليه وتكول ليش هيج مستواك صاير تعبان واني ابقه ساكت ما احجي لان صدك ما جنت هيج اتصلت بليل بخالي وسألته شلونهم شو ما اجيت مو كلت راح اجي كال مو دوام وملتهي اجيكم انشالله كلي انته ليش ما تجي اسمع صبا اتكله اي خلي يجي الخميس كتله خالو بالله انطيني صبا كالها هاج حجت وياي صبا
صبا: قيس شلونك اكلك امي خابرت عله خالتي ام سهى وكالت الها شوكت تجين وراح تجي الخميس علينه تتغده يمنع تعال انته واكيد راح اتجيب ويها سهى
قيس: اني كيفت كتلها خوش راح اجيكم كبل من المدرسه عليكم حته الحك لان جان دوامي كله صباحي
ماشي يالله راح اروح احاجي امي واتفق وياها حته تحاجي ابويه يالله باي
صبا: ماشي يالله باي بقت امي اتباوع عليه كالت ليش كلتي الليث عله الخميس شمعنه بقيت اني صافنه وبس اكول ها ها لا مو حته ايبات يمنه لان الجمعه ماكو دوام عاد. امي اقتنعت بلعذر
قيس: اني رحت احاجي امي يمه الخميس اروح لبيت خالي تحسين امي جانت ما تخليني اروح لان جانت اتضوج من مرت خالي اتكول هاي رعنه واخاف فد يوم اتسويلها سالفه واحنه في غنه عنها اني كتلها يمه تدرين اني اروح علمود خالي تحسين وهوه جان يحجي وياي وكلي تعال واني ارجعك ونريد نطلع كالت يجي ابوك واكله ميخالف
بقيت منتظر وافكر بس لا ابويه ما يقبل شيصير بيه يالله
اريد اشوف سهى راح اموت
اجه ابويه العصر كلت لامي يالله حاجي كالت شبيك مستعجل انته مو اتروح عكب باجر كتلها اي بس حاجي
كالت لا بليل اني عود احاجي كتلها ماشي طبيت اقره كدام ابويه حته من ايشوفني اقره وتكله امي ما ايكلها
لا هههههه بس جنت ارسم سهى واني شلون راح اشوفها وصبا واكفه يمنه وبقيت احلم بشوفتها
سمعت امي تحجي ويه ابويه وابويه ايكلها شعنده رايح هناك هم اكو ولد عنده بعمره حته ايروح كالت امي لا ايروح علمود خاله تحسين هوه كاله تعال ايريد ياخذا ويروح ابويه اسمعه ايكلها لا ماكو داعي اني جمدت بمكاني من الخوف كلت بس لا صدك ما ايخليني
عاد امي كلتله خلي ايروح هل المره خطيه
كله ماشي اني طرت من الفرح من الفرحه ما اعرف شسوي كمت اكلب بلرسوم واحجي ويه نفسي وعيوني تريد تطلع من مكانها خلصت من القرايه وكمت نمت حته يخلص هذا اليوم كعدتني امي الصبح اني كعدت بسرعه ما شلعت كلبها امي اتكلي اليوم نشط شكو كتلها لا مو نايم من وكت كمت بدلت وتريكت وطلعت للدوام
بده الدوام والكل تحجي اتكول اليوم النتأج ايوزعوها واني خفت كلت بس لا صدك وانوب اطلع راسب
وانوب ابويه يقفل عليه وما ايخليني اروح لبيت خالي
بقيت خايف من النتيجه دخلنه الدروس اجت المدرسه مال رياضيات وسألوها كالت ما ادري يمكن ايوعوها اخير درس واني ارجف ما خايف من النتيجه جنت خايف من ابويه شلون خاف ايخبث وياي وما ايخليني اروح او اجه المعاون علينه كال الي اصيح اسمه يحي ياخذ نتيجته واني كمت ارجف بقه ايصيح بلاسماء وكلها بثنين وبواحد وباربعه وبسته والي ناجحين قليلين عاد صار عصبي كال الباجر اتجيبوها وموقعه من ولي امركم كلت انلاصت صح اسمي كمت حته اجيب نتيجتي .........
_________________________________
انكمل بلبارت الرابع وراح اكمل الكم احداث القصه وشصار ويه قيس اتمنه اتكونون مستمتعيين بقرائتها
الكاتب laithaboasd
👋👋👋👋👋
