زينب القاصر

البارت 4-5-6

داتاخر لان النت ضعيف علقوا وتفاعلوا لان التعليقات مد تفتح عندي
#زينب_القاصر
البارت.الرابع Rawan
الاب..ولچ انتي ليش ماتخافين الله هاي لو سكينه ترضين
خديجه.اي ليش ما أرضه شفايتلي تصير بتي مرة شيخ والكل يهابهه ويحترمه ونعيش بعز
زينب .بويه أنه راضيه فدوة لاترفض لاتخاف علي
الاب..لا بويه ما اطيج لو عله جثتي
زينب..اسم الله عليك لاتخاف علي والله اعرف شلون ادافع عله روحي روح للشيخ وكله موافقين
الاب..اذا انتي راضيه ماشي أنه هسه اروح للشيخ وبلغه الموافقه والله يكون بعونچ يابنيتي عله الشيخ 😔
راح ابوي للشيخ وبلغه ورجع للبيت وكال بعد اسبوع للعرس الشيخ قرر
زينب..أن شاء الله خير يله بويه أنه رايحه انام رايد شي مني
الاب.لا بويه بس نسيت اكلج باجريجي الشيخ وياه السيد حتى يملچ عليچ
زينب ..الله كريم تصبح على خير
...اوف يايمه شوفي بتچ شصار بيه يمه تعبت والله مارضيت اله علمود ابوي لو انتي هنا هم ترضين اخذ الشيخ ضاري ..
الصبح گعدت كل عاده اسوي ريوك ابوي صبحك الله بلخير بويه
الاب..هلا زنيبه صبحچ الله بلخير
زينب. بويه هم تروح للمزرعه اليوم ضل شو مالك خلك
الاب..لابويه ماروح اليوم والشيخ يجي وره صلاة الضهر يملچ حضري روحچ
زينب..أن شاء الله بويه 😔
خلصت شغل البيت وسويت الغده واجت سكينه من المدرسه بس ماتحجي وياي لان رضيت بشيخ تغدينه طبيت سبحت انوب صليت صاحني ابوي
الاب..يله بوي لبسي عبالتج الشيخ جوه كاعد
زينب..سلام عليكم
الكل.وعليكم السلام ..وبده السيد يسألني ويقره ايات وأنه منصيه وبس ابچي وصلنه كلمه هل انتي موافقه على زواج من الشيخ ضاري
زينب..نعم ...نعم موافقه عله موتي موافقه على طفولتي الضاعت موافقه عله السجن المؤبد خلص العقد وراحو وقبل لايطلع الشيخ كال لابوي بعد يومين للعرس
الاب..ع الخير بويه
خديجه ..اي عيني مرت الشيخ مبروك
زينب.الله يبارك بيج يمه 😢😔😔طبيت غرفتي وبچيت بكل حرگه دخلت علي سكينه وحضنتني
سكينه..ولچ ليش رضيتي ليش ضيعتي روحچ
زينب..چا اعوف ابوي يموت واضل طول عمري الوم بروحي واگول أنه السبب
سكينه..اوف يازنوبه ياهو اليحاميلج هناك لوعالو عليج بله هنا أنه اصد امي هناك شلون
زينب..الله موجود مايعوف مضلوم اله ياخذ حگه ..نمت من البچي ماحسيت اله اذان المغرب نزلت لكيت سكينه تسوي عشه
زينب..چا ماكعدتيني أنه اسوي
سكينه..شفتج تعبانه ومالج خلك عفتج نايمه ..
تعشينه وضلينه نسولف وابوي اطاني فلوس كال هاي من الشيخ حت تشترين ملابس باجر روحي انتي وامج وعكبه العرس والعرس بس أحنه مايرضه الشيخ هوسه
زينب. الله كريم
سكينه..شني عكب باجر شني ماكو عرس شماخذ عجوز هم غصب وهم ماكو عرس والله اگلب الدنيه عليه هسه اروح احاجيه
الاب..اگعدي انتي مالج غرض الشيخ قرر وخلص
سكينه..حسبي الله ونعم الوكيل عله كلمن ضلم هل يتيمه ..
خلصنه العشه وغسلت المواعين ..طبيت للغرفه ردت انام شوي وضاگ صدري گلت اطلع للحديقه وصلت لغرفه ابوي واسمعهم يضحكون ابوي وخديجه صار عندي فضول اسمع شيحچون ولو موطبعي
خديجه. هههههه والله طلعت موگليل يسالم خوش تمثل
سالم..چا غير تعلمت منچ بس تردين الصدك كسرت خاطري
خديجه يمعود دخلي تتزوج خلي نعيش مثل الوادم شعليه بس صدك حت اني قتنعت انت ضايج ومتخربط علموده هاي شلون دبرتها
سالم..لا صدك تخربطت من الحر صعد ضغطي والشيخ بلغته البنيه مارضت بس كتله أنه اقنعه وگلي اذا ماقبلت اطردكم
خديجه...يا يعني صدك جايك الشيخ ومتخربط عبالي هم من ضمن الخطه
زينب..أنه بقيت بس اسمع وابچي 😢😢معقوله هذا كله تمثيل وابوي باعني وأنه شسوي هسه ياربي لابيه اكمل درب ولا بعد بيه انسحب بعد يادنيه شتشوفيني اذا ابوي باعني ومرة الاب طيحت حضي ويجوز سكينه هم وياهم مشتركه بلخطه بعد مااامن بواحد طلعت للحديقه وضليت للفجر ابچي على حضي الاغبر 😢😢😔😔صليت الفجر حاولت انام شوي غفيت وگعدتني
خديجه .يله ولج زنيبه كومي حت نروح للسوك تشترين غراض بعد مانلحك
كمت.بس كومه مثل المصدومه امشي واعاين ع الملابس والبدلات وكفت يم محل بدلات عرس شفت وحده عجبتني تمنيت البسه حالي حال اي عروس واتخايل روحي لابسته وضحك وي البنات والمعازيم تارسين البيت ويركصن البنات ويجي العريس ياخذني من ايدي بس ابد متخيلت شكل.الشيخ
سكينه..ها عجبتج
زينب .وشني الفايده مراح البسه 😔ولو لبسته مراح افرح بيه
سكينه.. سوده علي 😢😢هذا هم حظج يله امشينه.
.رجعنه للبيت ولميت غراضي لان بعدماألحگ لان باجر العصر اروح لبيت الشيخ
سكينه.زينب ليش ماترحين للصالون حفي صبغي شعرج
زينب.عليمن قابل أنه عروس 😏
سكينه..ههههه والله عمي حقچ بس تغيير شوي لروحج عاد بس حواجبچ
زينب..ماشي بس حواجبي ماريد صبغ ..رحنه للصالون حفيت حواجبي اباوع شكل طلعت اخبل تحسفت على جمالي الراح لواحد اعمه گلب مو نظر😔😔
رجعنه للبيت لكيت سكينه جايبه البدله الشفته لبسته تخبل عليه ..اجه يوم العرس گعدت الصبح نضفت البيت وتريگت ولا چني عروس