زينب القاصر

البارت 7-8-9

#زينب_القاصر
البارت السابع Rawan
زينب..وين نروح
سكينه..تردين وياي للبيت مالچ ظله هنا بعد
زينب..والمن ارد لابوي الباعني لو لامچ الذلتني لاخيه أنه ما اطلع من البيت خليني يم الشيخ ولا ارد للبيت وكل ما اشوف امج وابوي اتذكر كسرتي هنا احسن مثل ماانتي جنتي تصبرين عليه هناك هنا هم عدي كوثر وامي هديه مدارياتني ويموتن علي
سكينه..چا تضلين وياهو الجاي يعيرج ويغثج بحچيه
زينب..هاي قسمتي وأنه راضيه كضيت حياتي ضيم بضيم
منو مثلي صبر عالضيم /ماشاه
لحد ماصرت فوگ النار/ماشاه
الگهوجي بية يتونس
يذبني اعله الجمر وينس
يمرمرني الجمر ورفس
يهلبت بية واحد حس
اصيح ومايسمعوني
الچنت مطيهم عيوني
فوگ النار خلوني
ونة بتموز اصيح اشاه/ماشاه
برد والنار لعبن لعب بية
سكينه. 😢😢سوده علي عساها بخت كلمن ضلمچ
زينب..اسم الله عليج سكينه اريدچ توصلين هل حچي لابوي وكليله مشكور لان بعتني ولايسأل عليه خلي يعتبرني متت وأنه بعد يحرم علي اطب بيتكم
سكينه..ولچ لاتكولين هيچ چا وأنه موش اخيتچ
زينب..انتي اخيتي وتبقين أخيتي والبيت مفتوح الچ شوكت ماتردين بس بيتكم ما أوصله بعد وفدوة سدي الموضوع ويله امشينه نتغدة سوه سويتلچ بامي ادري بيچ تحبينه
سكينه..😔😔ماشتهي اكلي انتي بلعافيه وأنه هم لازم اروح عدي امتحانات
زينب..لا والله ماترحين وهسه اصيح كوثر تجي ويانه تتغدة وعود بعدين روحي يله كومي
..كمنه تغدينه وضلت كوثر اشاقي سكينه هم صارن صاحبات شوي وراحت سكينه للبيت
زينب..تعاي ولچ كوثر 😏😏
كوثر..ياستار شمالچ 🙄
زينب..شني سالفه عليوي ابن عمچ
كوثر. فلگ ماتنسين شي هههههه
زينب. لا مانسه يله سولفيلي
كوثر ..خوش راح اسولفلچ بس احلفچ بروح امچ لاتحچين لأحد
زينب. وروح امي ما احچي
كوثر..أنه احب ابن عمي واصلا من الصغر اهلنه يكولون كوثر لعلي وعلي لكوثر ..ضلت كوثر تسولف عله علي الليل كله ولا تمل كل شوي تذكر سالفه وتحچي وأنه مندمجه وياها
زينب..چا ماتزوجون شمتاني
كوثر..اندري اصلا هوة مايحچي ابد على گد السؤال واذا واحد نخاه يرگض بس بت عمي فاظل سناء حاطه عينه علي ومن تشوفني واگفه يمه تموت من القهر ولازم تسويلي سالفه واهلي يعاركوني واليغثني اكثر علي مايدافع عليه من تصير سالفه رغم هوة شاهدعله سوالف سناء ويدري سناء هيه سبب المشكله يشوفني ابچي وادافع عله روحي وهوة يعوفني ويطلع
زينب. يجوز هوة هيچ طبعه مايدخل روحه
كوثر..اندري الله اليعلم يله أنه دوختچ نامي
زينب. لا والله سوالفچ ماتنمل كويثر يله خلي نام .. مرت الايام بسرعه وأنه وكوثر بس نسولف ونشاقه وحيل تعلقت بيه أحسه صارت الي اقرب من سكينه
هديه ...ولچ زنيبه الشيخ وصل وهسه هوة بلمضيف
زينب. شني😳😱ولچ كويثر بسرعه خلي نخلص شغلنه
كوثر..اي اي يله انتي سوي الغده وأنه انظف
..نظفنه وسوينه الغدة بسرعه وصل الشيخ للبيت
الشيخ..سلام عليكم
كوثر.زينب. وعليكم السلام
كوثر..هلا هلا بجدي باست أيده نورت البيت
وخنزت علي حت ابوس أيده
زينب. هلا شيخ گولك الله وبست أيده
الشيخ أنه جوعان يله بسرعه زهبي الغدة عله ما اسبح
زينب..تامر شيخ..شفتي حت مارد علي شماله متكبر جدج
كوثر..ولچ سكتي لا يسمعج يله أنه اروح محتاجه شي
زينب.. لا سلامتج...شيخ الاكل زاهب
الشيخ..ادري چا ماشوف شني
زينب.. تغدة ودخل الغرفه أنه هم تغديت وراه وغسلت المواعين وصليت جان يصيحني
زينب..هلا شيخ كول
الشيخ..تعاي جيبي هذيج الجنطه
زينب..تامر جبت الجنطه وفتحت ابوع كله صوغه ملابس تخبل
الشيخ ..تعاي اگعدي اعزليهن هاي لبيت محسن وهاي لبيت.علي وبيت فاظل.وبيت حسين وهاي لبيت حسن .وذني للبينات اكيد باچر كلهم يجون ديري بالچ تخربطين بينهن
زينب..تامر شيخ عدك بعد شي أطلعه
الشيخ..لا يله گومي سويلي چاي
زينب..ماشي..گبر حت ماذكرني بشي وياه شگد حقير😔😏جبتله الچاي اوي گشره شوكت ماشوفه وجه عبوس
الشيخ..شني ساعه تسوين چاي يله تعاي مرغلي رجلي وكعديني ب3 وراي فصل مو تأخريني خوش 😠
زينب..خوش ...كبر عليمن ااخرك فراگك عيد عدي .گعدته وراح اجتني كوثر
كوثر..شجايبلچ جدي وياه😉
زينب... كلشي جايبلي سوده علي
كوثر..شني شني​ عليچ الله
زينب..جايبلي غلط وصياح واهانه
كوثر..صدك كلشي ماجابلج شعجب هوة كل مايروح لبغداد يجيب صوغه وياه
زينب..اي جايب للناس كله اله أنه 😔😔
مر عله زواجي 4 اس وأنه كل يوميه اسمع أنواع الغلط والشتايم وحسنه مرة محسن يوميه تجي تحش براس الشيخ وتخليه يعصب عليه ويغلط وأنه بس ساكته وابچي
حسنه..شيخنه شعجب زنيبه لحد هسه ماحبلت خاف عاجر
الشيخ..اي صدك انتي خاف عاجر
زينب..شيخ ماصار كم شهر متزوجه وهذا الشي بيد الله
الشيخ ..انچبي ولچ لا تجاوبين ولچ هل شهرين اذا ماحبلتي اشوفلچ نجوم الضهر خوووش 😠
زينب .خفت من حچيه ورحت للدايه تفحصني وكالت مابيه شي ولازم اتاني سنه لان بعدني صغيرة لافدوة وعلي مايرحمني الشيخ