من سمعت حجيه وَيَا اخته طبعا اهنا كام كلبي يرجف فرحة وحسيت اكو بصيص امل
اني حبيتة كولش بس مااكدر ابين حتى النفسي
المهم طلع بنفس اليوم واني نمت وقريت شوية بعدين صار العصر نظفت البيت وخليت الكيكة بالفرن طبعاً اني فدشي بالحلويات اكلي طيب طبعاً مامدحت نفسي ههههه
المهم الكيكة بالفرن فتت سبحت طلعت بقة قليل للكيكة اتصل علية امير اتفاجأت هو يتصل بس اذا يريد يعارك
المهم كلي هلو كتلة هلو عيني كلي شدسوين كتلة منتظرة الكيكة بالفرن كلي شنو تعرفين تسوين كيك كتلة طبعاً كلي خلي نشوف طيبة لا كتلة ان شاء الله اتضوك وتحكم كلي اكولج عيني طبعاً اول مرة بعد زواج شهرين اسمع كلمة حلوة كتلة كول كلي نتعشة برة اليوم انتي والبنات اخذكم مطعم ونغير جو طبعاً ماصدكت ♡♡ كتلة اسفة والله ماكدر عندي دراسة وماريد اطلع طبعاً حسيتة ضاج كلي باي باي
اكيد حتحجون علية بس اني مجبورة اني سمعتة وهو يكول مشاعري مخربطة ماريد اصير سهلة وبسرعة اذا حس بشي يروح بالعكس ردت يحس اني مو سهلة واذا يريدني يحاول بأكثر من طريقة واكثر من مرة ويفكر الشخص الي يفكر اشلون يوصل الكلب احد يتعب علية والي يشوفة سهل مراح يتعب راح شيجي ابالة يسوي حيكول حتكيف وحتقبل لهذا اني اصريت اصير صعبة وبنفس الوقت انطي وقت حلو يتونس بي وياخذ قرار صحيح
طلعت الكيكة وخليتهة بالثلاجة شوية فتت صليت وخليت مكياج خفيف وتراكسود اسود بي love احمر حيل حلو وشعري شايلتة جنت حلوة
دخلنة للمطبخ انحظر عشة اني والبنات اتصل عمو جايب اكل من المطعم كلي لتسوين شي كتلة اوكي عمو اجة عمو حظرت الاكل خليتة على الميز اجة امير طبعاً ضايج جان عمو كلة تعال اجة تعشة قليل كل ماارفع راسي الكي يباوع علية خطية كولش حاير لان ميعرف شنو التغير البي ليش هيجي مشاعرة فجأة اني حسيت بي لهذا اتعاطفت وياه وردت ياخذ قرار صح بس طبعاً محسستة بشي اكلنة شلنة السفرة ورة اشوية دخل للمطبخ اني دا انظف اغسل مواعين العشة كلي شنو اخبار الكيكة كتلة اكيد طيبة طبعاً اتقربت يمة واحجي وياه كتلة ماكو شي اسوي يطلع مو طيب ضحك كلي هاي شنو شنو هالتواضع ضحكنة باوع علية كلي الأسود فدشي سويتلة احم احم وضحكنة
وللحكاية بقية انتظرو لو نكمل
