دخلنة للغرفة طبعاً الحيرة جايبة كولة ملابس طلعة ودشداشتين مال نوم مااكدر انام بشي ثخين اختنك من زمان واني بيت اهلي المهم اشلون ماادري بقيت حايرة طبعاً حسيت علية ديزيد المرض وصارت الدنيا المغرب عزلت غراضي وغراضة والمحروسة زمن تليفوناتهة مسكتت كلهة شبيج هسة ننزل مااكدر احجي طبعاً لزمتة عندة حرارة قوية كتلة هاي شنو
امشي خلي اروح عالطبيب كلي لا هسة ناكل شي واشرب شي دافي واصير زين طبعا الغرفة تخبل
المهم بدلنة اني فتت للحمام وبدلت وعدلت مكياجي وهو هم بدل وطلعنة بس كوة يمشي كلة تعالي لزميني مااكدر امشي لزمت ايدة جان يضغط عليهة بقوة كتلة مابيك شي ماشاء الله قوي ضحك كلي مدام انتي يمي ميصير بية شي
ضحكت اجتي المحروسة شافت الوضع جرت ايدي حيل اتخبل كلهة شبيج مريض ولازمتني رجاءاً لتخليني اندم عالجية كلتلة يلة خلي نرجع علواه
كلهة اي مو طفل كدامج شوكت اجي واشوكت اطلع بكيفج المهم التمينة اتعشينة مشينة قليل ومسجاتة موتني لتمشين بصف همام امشي منا لتضحكين وياه زايد تعبني اخر شي كمت امشي وحدي وعينة تلمع مريض ويخبل بس مقهورة علية شكلة يقهر المهم زاد علية المرض رحنة للفندق شافة طبيب ونطاه علاج كال باجر ان شاء الله يصير زين صارت ساعة 10 رجعنة دخلنة للغرفة طبعاً فاتت دخلت ويانة كالت بعدني منعسانة اني عفتهم ورحت يم خواتة نسولف
كل شوية وكلي تعالي يدزلي مسج صارت ساعة 12 فتت لكيتهة لازم ايدة وهو تقريباً نايم بس معجبني المنظر صح هو نايم بس ضجت كلتلي نايم لتكعدي كتلهة شعندي وياه حتى اكعدة راحت فتت للحمام غسلت ولبست دشداشتي ردت انام لزمتة نار طبعاً عندي خاولي زغير اخذتة وسويتلة كمادات فز من المي ياريتة لو باقي نايم
للحكايه بقيه
