المراهنة

البارت 4-5-6

#المراهنه
#قصه_حقيقيه
البارت #٤
رحت وأخذت المحاظرات ورجعت للقسم بس المشكله نسيته وين صار ياربي اشلون
ضليت أمشي لحد ماشفت باب خلت
مينا  : اي واخير هو الحمد لله
آلو ايه
هلو مينا
وين انتي
اني رجعت للقسم
زين لعد نص ساعه وجايه
خابرت امي وبدلت وصليت وضلينه انسولف ومندمجين بنات كلش راقيات وحبابات وأخلى شي كل البنات يجتمون بغرفتنه وكلهن كلب ع كلب 
ومرو يومين عادي وتعرفت ع بنات وع اسماء الطلاب
ع كد سلام ماعندي شي وياهم
واصلا كلش اخاف منهنم
واني دامشي شفت اثنين اخبلون شنو من جسم من جمال صاحو ورايه وعليكم السلام ورحمه الله
يمه كلبي من خوف وكع
ماعرف شسوي
ضليت امشي بسرعه مااحس اله اثنينهم ورايه
هلو مينا
اهلا وسهلا
خير
اني أمير
واني ايهم
واني شعليه
احنه من نفس المنطقه شنو تحتاجين تردين احنه موجودين لتستحين ولا تتردين أوك
شكرا مراح احتاج شي ولا اريد شي منكم
أمير ؛ مينا العيون كلها امفتحه عليج وكل الطلاب بسيرتج ويردون اي فرصه حتى اوكعوج
مينا ؛انته اشلون تحجي ويايه بالهطريقه
ايهم ؛ مينا أمير مو قصده بس كيد انتي سمعتي بالي اسو الطلاب
ديري بالج ع نفسج وصدكي اي شي اصير راح تلكينا يمج وبظهرج واكفين
شكرا الكم ديرو بالكم ع نفسكم اول
يلا باي
عزه واشوف ايه تباوعلي
يمه
مينا شعندج اهنا
ماعندي وحده اثنين ثالثه
تعالي
انتم شمفكرين نفسكم اها
ولد منطقتها جان استحيتو من وكفتوها بهالمكان
أمير ؛ احنا بس كاعد انحذرها
ايهم ؛ خايفين عليها
ايه محد اله دخل بيها غيري لا انتم ولا غيركم فاهمين
والي اريد يحجي وياها يجي عليه بالاول
أمير ؛ واكول ليش مينا متخاف
ايهم ؛ طبعن بطهرها زلم مو مريه
أمير ؛ فدوه اتخبل حتى من اصير عصبيه بهدوء
ايهم ؛ اييي ولَك اجنن
بس لا حبيتها
عزه ولَك اني هم كلشي ولت هاي السالفه
يمه كلبي 
حيدر ؛ أمير ايهم شفتو بتكم ويايه بنفس القاعه عمي مو بنيه جمال ونزاكه
بس صوتها اهوايه ناعم شنو السالفه
أمير ؛ عيب لهنا وبس ترى نتخارب
عمي شحجينه هاي هي
مينا ضليت الوكت كله أفكر بكلامهم مااجاني نوم
طار من عيني كمت خابرت ماما وضليت احجي وياها
لحد المغرب كمت صليت واقرا قران لحد ماارتاحيت
#بقلم نواره
البارت 5
عفتهم كلت معليه خلي احبون او اكروهون بس ضل كلامهم ابالي ليش العيون عليه ويردون اوكعوني
اوووف ياربي كلشي ولا تطلعلي سالفه والله اموت
😭😭
ايه : مينا شبيج حبيبي صاير شي
مينا ؛ كلام ايهم وامير برأسي شبيه
ايه : موحجيتلج شنو نسيتي مستحيل اشوفون بنيه حلوه واخلاق واعوفها وفوك هذا كله ماكو احد بداخلها
بس الي احب من صدك مراح يتقرب الج خلي هالكلام براسج
مينا : يارب منك الستر
ايه : كومي صلي واستغفري ربج
بس اريد اطلب منج طلب
مينا : عيوني الج
ايه : شسوي بعيونج عوفيهم اللي احبهن ههههه
مينا :هههههه مو صوجج كولي خير
ايه : لو شيصير وياج تعالي كوليلي لتخافين ابد
مينا : اوك
ايه : حتلو ارزلج واعيط عادي
مينا : وج اخاف واحد اعيط عليه 😭😩
ايه : اويلي يابه تعالو شوفو
مينا : ههههه آش فضحتينه
اجوي البنات للغرفه كالتهم ولكم اتكول اخاف اذ اتعيطين عليه ههههه
طبعا نور ملاك يوميه تجي تطمن عليه واسألي وتسال ايه واتخاف علش عليه
ومر الدوام عادي اكو مضايقات بس عادي
وعلمتني ايه انه افتح عيني ع الكل كو اضل غبيه
رحت للكليه ع ايه وزينب وفاطمة فات من يمي ولد اثنين وبنات اثنين
واحد منهم كال وعليكم السلام بنت محافظتي
ردت فاطمه عليه ميعجبنه انسلم لترخص نفسك
بس اني ولا اعرفهم ولا شايفتهم
مينا ؛ فدوه فاطمه ليش حجيتي
فاطمه : لضلين جبانه
مينا : بس ماحب أرد ع ولد اكول هي اتريد هالشي
فاطمه : اوك خلص لتحافين اخلي نرجع
انصدمت بيها وبرائتها وبخوفها بس ارتاحيت
فاطمه : ايه ايه تعالي اريدج
ايه : شكو تؤمه
فاطمه : وج صدك اليوم شفت مينا ع حقيقتها
ايه : كلبي وكف وج احجي شصاير
فاطمه : هيج وهيج وحجت السالفه
ايه : فدواتك ربي اشلون ارتاحيت وكعتي كلبي ولج
مينا ؛ ومر ثاني يوم وثالث يوم واسمعني حجي كلش انقهرت وعرفت هم من محافظتي بس ليش هالحجي أمير وأيهم ضلو من بعيد بس أحسهم اراقبوني من عدا انه صادقو كل طلاب شعبتنه 😱😩 ودخولهم للمحاظرات
يوم من الأيام جنت كلش تعبانه واصحونه فدنوب كوه رحت للدوام اول مره البس بنطرون ماجان بيه أبدل لبست بنطرون وبلوز اشويه طويل مو كلش قصير ولفيت الشال اشلون مجان ههههه بحيث ماغسلت وجهي نسيت بس نص الطريق انتبهت همزين عندي حمره خليت هههههه بس اول مره احب شكلي 
وصلت ماقبل الاستاذ ادخلي
تف عليكم وع كليتكم مو زين من عندي اجيت وداومت واني مريضه 😭😭 اريد امي
خابرت امي وكلتها مابيه شي بس رشح لان اعرف امي اضل بالها
ماما : وج ابنيتي باجيه احد امزعلج صوتج معاجبني شكر
مينا : حياتي ماما مابيه شي بس رشح وهسه حدخل محاظره
😭😭😭 يامحاظره يابطيخ خرب بيه
ياربي
كاعده جني وحده أتحب ورايحه لغير عالم مادري بالدنيا كلها داخله محاظرات
مااحس اله واحد إجى كعد يمي 😟😟
مرحبا ؛ اتفظل
اكدر اكعد : أخذ راحتك بالمكان كله
انتظري لحظه
رجعت كعدت : اسمع اتكوم منا وتحترم نفسك لا اللم العالم عليك اواصلك للعميد
تسمعيني ؛ قسم بالله كلمه وحده الجنطه تجي بوجهك
وضربت الميز
خله وكام بكل أدب هههههه مو ع مود شي بس ماكو مكان احلى من الي جنت كاعده بي وانتظر طلابنه من اطلعون
التفت وأكله ايهم اباوعلي عزه وين اودي وجهي ايهم : سلام
مينا ؛ هلو
ايهم ؛ منو هذا وشريد
مينا ؛ أكلك متعوفوني اشويه ارتاح اخلص من واحد يجي الثاني
ايهم ؛ ارتاحي ارتاحي لعد
مينا ؛ اوي فدوه عود زعل تف عليكم كلكم
خابرني عمار وطالعه روحه من السادس وماله واهس فدنوب
ضلينه انسوالف وثنينه بجينه كلش معصور كلبي
كلش دخت وتعبت ومااحس بروحي فدنوب
كمت دارجع للقسم
وتلكاني نفس الولد كلي وعليكم السلام ياحلو
فصوت كلش عادي كأنو استهزاء ونفس الشله الي ويا
ماتحملت انفجرت بي
لك انته متستحي متخجل لك اذ انته ابن منطقتي اسمعني حجي يم الغربه الغريب اشلون
عبالك اصير وحده مثلكم ويوميه أتمشى ويا واحد
اسمعيني بس
قسم بالله اذ بس لمحتك بطريقي راح اتشوف شي مراح أعجبك ابد لهنا وبس
عفتهم ومشيت وأحس ناز بيه تعبانه فدنوب
ودا اكمل الطريق وحاطه هتفون
كملت ويا أمير
أمير ؛ مينا خير شكلج مو طبيعي صاير شي
مينا ؛ لعبانه نفسي منكم كلكم وهسه انته شنو عندك كوله
أمير ؛ شبيج يمعوده عبالي بيج شي
مينا ؛ اي بيه وحاب تسمع
أمير ؛ اسمع ليش لا
مينا ؛ تقبل هذا ابنكم ع الأساس وحجيتله الي سوى
أمير ؛ روحي ومعليج وصدكي واخذيها من هالشارب يتخرج وميتقربلج
مينا ؛ شكرا
رحت للقسم تعبانه منهاره
المشرفه ؛ خير ماماتي بيج شي
مينا ؛ لا اصخونه بسيطه هسه ارتاح
دخلت نمت اني وملابسي
لليل سمعت صوت اذان فزيت .....
البارت 6
للكاتبه #نواره
شفت البنوتات كلهم موجودات ديضحكون واسولفون
نور ؛ صحي النوم ياحلو
زينب ؛ لج مينو والله اهوايه نمتي
مينا ؛ تعبانه اشويه واخذتني النومه
كمت من الفراش بملابسي 🤦‍♀️ايه عاطت بيه
ايه ؛ لتكولين هيج رحتي للكليه 😡😡
مينا ؛ هيج
ايه ؛ اني شحجيت شلون بيج يعني مكاعد اتشوفين ثوله لو غبيه لو اصلا تستغيين اذ مسمعين كلام كولي احجي ليش ساكته
مينا ؛ سمعت هذا حجيها واني ميته بمكاني والله احبهم واسمع كلامهم وأحب حرصهم عليه بس الصبح هم جنا مريضه وهم تعبانه ومستعجله
ايه كافي فدوه الي بيه امكفيني وأنتم كلكم ع عيني وراسي
ايه ؛ لا ماكو هذا الشي بصراخ كلش شنو إليّ بيج اصلا وانتي مكيفه بهذا اللبس والجمال الكل تركض وراج مو
مينا : احس مو كلام هذا سجينه ودخلت بصدري
ولكم كافي فدوه كافي تعرفون شنو الي صار لا دخلت محاظره ولا استفاديت والكل يردون مني شي اخلص من واحد يطلع الثاني ولكم احسو محد ابالي اخلوني أنقذ نفسي من المستنقع مات الذيابه الي اني بي ولكم كافي حرام عليكم والله طفله وكل الهسوالف ماعرفها بحركه وبجي وعياط بحيث مااحس اله كل بنات الطابق موجدات اباب الغرفه وأباع لإيه ولنور ميعرفن شنو يحجن مااحس بعد اله واني بالمستشفى
ويمي ايه ونور والمشرفة
اطمنو عليه وطلعنه طبعا بارده وصخونه بالعظم وضغطي امصفر
اول مكاعد اصعد المشرفه كالت تعالي لغرفتي
ايه ؛ ست مينا تعبانه خليها لحد مترتاح
المشرفه لتخافون اشويه واجيبها يمكم
نور ؛ تسمحيلي اضل وياها
المشرفه اتفضلًو
المشرفه ؛ ماما مينا الله يشهد اشكد احبج واخاف عليج من اول يوم اجتي وتختلفين عن كل البنات وحتى ترى من الكليه كاعد يوصلني حجي عن اخلاقج
ومن اجيتي لليوم ماسمعت صوتج وقسم بالله كلهاتحبج من عدا غيره بنات المعهد منج لان تختلفين عنهن اليوم شصار وهيج صوتج على وضعج مو طبيعي
فهميني
مينا ؛ اباع النور الف سؤال بعيونها
وماكدر اجاوب المشرفه
بس ادموعي يجرن
بالي بغير شي
ست تسمحيلي اطلع لغرفتي اريد احجي ويا امي هسه ضل بالها
المشرفه ؛ ماشي حبيبتي أصعدي اشوكت متحبين تحجين اني موجوده
مينا ؛ شكرا ست ع وكفتج ويايه
نور اخذيها لغرفتها
صعدنه لفوك والبنات يتحمدولي بالسلامه بس مابيه احجي تعبانه
شفت ايه كاعده مرحتلها
زينب ؛ مينا امج اهوايه اتصلت وكلت خطيهً جاوبتها كتلها نزلت اتسوي عشه
مينا ؛ شكرا زين سويتي
خابرت ماما ومابينت الها اي شي
التفت والكا ايه تبجي
مااتحملت رحت بحظنها وضليت ابجي متت انهاريت من صدك ماارتاحيت
مااحس اله غفيت
ايه ؛ نور مينا حجت شي المشرفه
نور ؛ لا ضلت بس تبجي وصعدت
ايه ؛ يربي شجاني اني
فاطمه ؛ ايه ترى مينا هم تعرف ماالج قصد بس هي امتعبها شي ثاني
نمت وأحس ارتاحيت كلش كعدت ب ١١ دايسون عشه
ولكم ميته جوع اريد اي شي اكل
نور ؛ يلا تعالي بغرفته اتعشي
ايه ؛ لا ولكم محد يأخذ بنيتي دقايق وأجيب العشى
مينا ؛ بس تتاخرون اروح ادور بغير غرفه تعرفون البزازين ميهمهم ههههههه
ايه لا حبيبي هسه أجي
وهذا العشا الزين
وكعدنه كلنا نأكل اني وايه وزينب وفطوم ولكم اموت عليهم
فطوم وج مينا ماناويه اتبدلين ولكم مامابيه ورا العشا اذ صار بيه حيل هههه
مينا ؛ هسه صار الوكت احجيلكم
ايه ؛ لا ع راحتج وإذ اتعبج عوفي
لا ححجي
وحجيتلهم كل السالفه
زينب ؛ بس مينا هذا الولد الي ويا هم من نفس منطقتكم
والله ماعرف
جانو اثنين بنات ولد
كملنه وكمنه وكلهم ضايجين عليه
واني كاعده بحظن ايه ههههه احبها احسها امي
زينب ؛ يلا مينا شنو حتلبسين باجر حتى اغسلهم واكويهم ويايه
مينا ؛ لا والله ميحتاج عوفيهن
فطوم ؛ وتالي تحجين لو اني احضرلج لبسه
مينا ؛ ههههه كيفكم
فطوم ؛ يلا كومي خلي ابدالج ادري بيج تتعاجزين
مينا ؛ 😱😧 عزه لا اني أبدل
ايه ؛ هههههه عوفيها اني اشويه وادخلها للحمام
بدون أي اعتراض
مينا ؛🙈🙈 اتحي
زينب ؛ اكو بنيه اتصيحج
مينا ؛ منو هي
اني تسمحولي
مينا ؛ اي تفضلي
نكدر نحجي
انتي مو
رقيه ؛. الي اليوم جنت ويا الولد نفسي هم من نفس المنطقه
مينا اليوم الي سويتي عيب ونزل من قيمتج واخلاقج اتعيطين ع ولد يحميج كدام الغرب ترى هالشي اخجل اني ادري بيج هادئه شنو هالعصبيه
مينا ؛ المطلوب مني
دخلت زينب وفطوم باجر حتلبين هذوله عسلناهم وكويناهم
وج ايه ليش لسه ما دخلتيها للحمام
ايه ؛ خلي أتخلص من البنيه وندخل
رقيه ؛؛ اووو عايشه ملكه اهنا
ايه ؛ ليش احنا شعدنه غيرها
فطوم ؛ مو بس اهنا عايشه ملكه بكل الطابق
رقيه 😏😏
المهم رقيه شنو المطلوب مني
رقيه ؛ تروحين تعتذرين من عنده وكدام الكل وكدام طلاب بغداد
مينا ؛؛ هههههههه اتحلمون هم انتم وهم غيركم
ايه ؛ شنو شنو فهميني المن تعتذر
رقيه ؛ ايه انتي متعرفين شنو السالفه
ايه ؛ لا حبيبتي اعرف كلشي ولو مينا ساكته عن الي صار جان ذبحتها
واي واحد ادك وياها الناقصه راح اشوفيني اوكف بوجهه
فاطمه ؛ روحي كوليله اول البارحه شنو كالتلك البنيه الي ويا مينا
زينب ؛ جان استحى ع رجولته يتسول حتى ابنيه اسلم عليه
رقيه ؛ ع كيفكم راح تاكلوني مينا شنو رائيج بحجيهن
مينا ؛ رئي من رئيهم هذا الي عدنه
ايه ؛ يلا مينا حنتاخر خلي انفوت للحمام
اوك جايه
طلعت رقيه وضلو الكل يحجون
ديري بالج تتقربين منها ترى حالها حالهم وهمه دازيها ترى
مينا ؛ ادري ترى امبينه مثل عين الشمس
ومرت فتره طويله ورقيه كلش تتقرب مني
الى ان إجى يوم من الأيام
دارجع للقسم
واشوف أمير منتظرني
هلو مينا شلونج
الحمد الله
خير
أمير كل الخير انشالله
مينا اي تفضل
مينا .......
- [ ]يتبع