بسم الله الرحمن الرحيم
درس امبارح اللي كان في الشات يابنات
الدرس هيكون تقيل شويا معلش استحملوا واقروا للاخر
ولازم تفهموا من دلوقتي ان في خلال الرحله دي هتقابلنا احداث صعبه جدااااااااااااااااااا ومواقف مؤثرة اوي واحنا لازم نفهمها كويس ونفهم ان دا لسه مجرد كلام مدخلش في نطاق التنفيذ طول مانتي عايشة الحمدلله وفاكرة ربنا
سوء الخاتمة
ااحنا مخلوقات ضعيفه
الانسان اصلا مهما كان قوي بفلوسه او طموحاته ونجاحه او او .. مجرد لو جاله صداع او نزلة برد يرقد بيها ولو ساعه على السرير بيحس وقتها بالضعف وانه اتكسر ويبدا يفتكر ربنا
في حديث فيما معناه انا هشرحه لانه طويل
ان الكرة الارضية دي كلها زي حلقة صغيرة مدورة بالنسبة للسماء الاولى اللي انتي شيفاها
وان السماء الاولى دي حلقة صغيرة جدا جنب السماء الثانيه
والسماء الثانيه برده متجيش حاجه جنب الثالثه
وهكذا لحد ما نوصل لعرش الرحمن
يعني شايفه ملكوت ربنا
فكري كده ثانيه: اذا كانت الارض كلها باللي فيهااااااااا متجيش حاجه في السماء الاولى
مابالك انتي انتي كمخلووووق صغير في الكرة الارضية تيجي ايه جنب ملكوت الله؟؟
: ومع ذلك ربنا يسرلنا كل حاجه على الارض
ومع ذلك انا مع ضعفي الشديييييييييييد وصغر حجمي بتجرأ على ربنا!!!!
تَكَادُ السَّمَاوَاتُ يَتَفَطَّرْنَ مِنْهُ وَتَنشَقُّ الْأَرْضُ وَتَخِرُّ الْجِبَالُ هَدّاً (90)مريم
تعالوا نعمل مقارنه بسيطه بين شخصين
: الاول مات وهو بيصلي في الحرم وبعدين يتصلى عليه وهو ميت من ملاييين ... ياترا دا عمل ايه عشان يموت الموته الحلوة دي؟
التاني مات وهو بيتفرج على فيلم اباحي او مات وهو بيغش او مات وهو امه بتدعي عليه ..ياترا دا عمل ايه عشان يموت الموتة البشعه دي؟
+ : تفتكروا لو كان عايش حياته وشايف الموت قصاده وخايف من الموت ومن ربنا .. كان عمل كده؟
يبقى معنى كده ان الخوف مهم
لازم تخافي من ربنا ومن الموت
ربنا منتقم جبار لو بتعملي ذنب الحقي توبي بسرعه قبل ما تموتي وانتي بتعمليه
خليكي دايما واقفه على باب ربنا اوعي تخلي ربنا يعرض عنك ويتخلي عنك لان لو دا حصل لاقدر الله الدنيا كلها هتتقلب عليكي ومش هتلاقي ربنا ف اكتر لحظة ضعفك وهو لحظة خروج الروح
وعلشان ربنا ميتخلاش عنك لازم تبعدي عن اسباب سوء الخاتمه:
تعالو نعرفها عشان نبعد عنها
1/ عدم الاستقامه
وانا بحس ان دا حال كتير مننا للاسف وخايفه اكون منهم اوي
ساعه لقلبك وساعه لربك
يعني شويا قاعده تقري قرءان وتذكري الله وشويا قاعده تغتابي حد
شويا بصلي واذاكر وشويا بسمع اغاني
كأني بقول انا حياتي نصها لربنا ونصها للشيطان مانا عايزة اتمتع برده
طب لو سالنا السؤال
تخيلي لو هتموتي .. هتموتي ف اي ساعه؟
ساعه ربنا ولا ساعه الشيطان؟
ماهو الواحد مش هيقدر يعرف هو هيموت امتى!!!
الحل استمتعي بحياتك زي مانتي عايزة
بس مش لازم تربطي المتعه بالمعصية
يعني مينفعش مثلا تسمعي اغاني او تغتابي حد وتتكلمي عنه اوتكدبي او او وتقولي اصل كده بتمتع!!
2 الاصرار على الذنب
