زي ما وعدتكم شوية كتب هستفادو منها جدا
.. والبوست ده عايزين اكبر شير عليه وكل واحد يعمل منشن لصاحبه والإجر مضاعف طبعا
شااارك عندك علطول
.. الكتب دي معظمهم مطبوع منهم اكتر من ١٠ مليون نُسخه :)
1- لو عاوز تقرأ في سيرة النبي باستمتاع هات كتاب ( الرحيق المختوم )
ولو عاوز تقرأ السيره بالتفصيل يبقي هات ( السيره لابن هشام ) .
2- هقولك كتاب فيه ٤٠ حديث للنبي .. هيعرفك كل شيء في الدين ان شاء الله ( الاربعون النوويه للامام النووي بتفسير بن عثيمين ) .
3_لو عاوز تستمتع بشوية قصص جميله تقرأها .. تحس انك شايفها فيديو من دقتها وروعتها ومش هتقرأ زيهم .. كتاب ( شيكولاته بيضاء ) لتامر عبده امين .
4- عاوز تقرأ عن الصحابه ببساطه وسلاله . كتاب ( رجال حول الرسول ) لخالد محمد خالد .. فى كتاب تاني هيفيدك جدًا مليان بقصص عن النبي واصحابه وآل بيته باسلوب سهل وشيق جدًا تحس انك مش عاوز الكتاب ينتهي من جماله .. اسمه ( أثر النبي ) لعمر طاهر .
وفيه تحفة أسمه (صور من حياة الصحابة )لعبد الرحمن رأفت الباشا ..
5- بالنسبة للأخوات فيه كتاب ملوش وصف بيتكلم عن مواقف الشجاعه للمرأة وأد ايه هي عظيمة أسمه (صحابيات حول الرسول )للشيخ محمود المصري
6- عاوز بقي تفسير سهل للقرآن الكريم .. كتاب اسمه ( أيسر التفاسير .، او التفسير الميسر .. او تفسير السعدي .. ومفيش اسهل من تفسير الشعراوي ) ....
7- هقولك اسم كتاب يخطفك لبلاد العالم كأنك شايفها بعينك من جمال وروعة الكاتب .. كتاب اسمه ( حول العالم في ٢٠٠ يوم ) ل أنيس منصور .. وهنا هيعرفك عادات وتقاليد دول كتير وطباع اهلها بشكل مبهر .
8- الناس اللي بتحب سيدنا عمر وتفاصيله. والأخوات اللي بعتت وطلبت عن اسماء كتب عنه بقولكم والله احنا مش ناسينكم .. فى كتاب اسمه ( استرداد عمر ) هيعجبك جدًا معجون بشوية قصص عنه انما ايه يستاهلوا قرايتك واهتمامك .
9- كل اللي فوق ده كوم وده كوم أكتر كتاب حقق مبايعات في الوطن العربي كتاب أسمه ( لا تحزن ) لعائض القرني .. كتاب تحفه .. الشيخ عائض بيحكي مواقف حصتله وحصلت لناس يعرفهم عن مواقف للهم والحزن وازاي ربنا خرجهم منها زي الشعره من العجينه فعلا يستحق أسم لا تحزن..
10- كتاب ( شاي بالنعناع ) لاحمد خالد توفيق .. الكتاب دا فيه شوية مقالات عجيبه هتغيرلك مودك ونظرتك لحاجات كتير جدًا في حياتك .
11- آخر كتاب .. هو كتاب ( دع القلق وإبدأ الحياه ) الكتاب دا اشهر كتاب انتشارًا في العالم بعد القرآن الكريم والانجيل مطبوع منه اكتر من ٢٠٠ مليون نسخه ! ..
هيعجبك جدًا وهيخليك بني آدم تاني .
12- كتاب دع القلق هتلاقي منه نسخه تانيه ولكن علي طريقه اسلاميه خرافيه للشيخ الغزالي اسمه ( جدد حياتك ) كتاب مبهج فظيع بمعني الكلمه .. هيعجبك وهتتبسط انك قراته
وبإذن الله تعالي هجيبلكم أسماء كمان بس رجاء شاركوا المنشور ...
#تائب
ودى شوية لينكات تحميل
الرحيق المختوم
http://goo.gl/GlqtSA
حول العالم في 200 يوم
http://goo.gl/uybNOu
اثر النبي
الجزء الاول http://goo.gl/VLgz1K
الجزء التاني http://goo.gl/ynVjpj
استرداد عمر
http://goo.gl/ES3IPj
رجال حول الرسول
http://goo.gl/eseYs0
جدد حياتك
http://goo.gl/kWVOQS
دع القلق و ابدا الحياه
http://goo.gl/as1rBm
لا تحزن
http://goo.gl/0KTFAW
شاي بالنعناع
http://goo.gl/6tecNP
#منقول
