أمبارح كان درس الفقه عن فرائض الوضوء
أيه دا لا البوست طويل لا تعالي هنا وخد النيه رايح فين 😀
ودا كان بالنسبالي من أهم الدروس تقولي أشمعني ؟؟
أقولك لأن لو الوضوء غلط يبقي صلاتك غير مقبوله لأن صحة الوضوء من صحة الصلاه والصلاه أول حاجه هنسأل عليها ..وأن صلحت الصلاه صلح سائر العمل ...يعني زي ما تقول كده أهم حاجه في حياتك الوضوء
..يجي حد يقول يعني هو في حد مش بيعرف يتوضأ؟
أقولك اه 😞
وأنا أولكم لأن لو جزء بسيط في الوضوء غلط يبقي لأزم تعيد الوضوء من ألأول فااللهم أغفر لنا مما فات عن جهل
فرائض الوضوء في الصلاه (فرائض يعني مفيش فيه تهاون ) هم ٦ فروض
١-غسل الوجه كاملآ حتي الوصول إلي منبت الشعر وأسفل الذقن ومن الأذن للأذن ..ونهي عن اللطم والشطف( اللطم )اللي هو تجيب شوية مياه وتحدف بيهم شك (والشطف) تمسح وشك بالمياه بس ...لازم غسل
وبالنسبه للرجال أصحاب اللحية وجب تخلل المياه حتي يلمس المياه الذقن
٢-غسل اليدين اللي المرفقين والمرفق هو المفصل الموجود وسط الذراع
يعني لحد فوق الكوع (يدير الماء بيده ) مش تنزل ذراعك تحت المياه وخلاص لا تغسل ذراعك
٣-مسح الرأس والأذن وهنا كان في خلاف بالنسبه للرأس كله ولا جزء منه ..عند المالكية والحنابلة كله،، عند الشافعية والحنيفة بعض الرأس ..يعني كده صح وكده صح بأذن الله 😀
بالناسبة للنساء تمسح مرة واحدة رايح بس
بالنسبه للرجال تمسح علي الرأس رايح جي يعني يبل يده و يمسح علي الوراء ويرجع بيده الي الامام
٤- غسل الرجلين الي الكعبين ..والكعب هو العظم البارز اعلي القدم مش الكعب اللي انت عارفه لا لحد العظمه اللي فوق اللي قصاد بعض يمين وشمال والعرقوب والتأكد من دخول الماء بين الأصابع ..
(٥-الترتيب( اللي كلنا نعرفه
٦-الموالاه يعني عضو بعد الاخر لا يكون فيه فرق في الزمن
سبحان الله من رحمه ربنا بينا يكون كل الأعضاء غسل ما عدا الرأس والاذن مسح حتي لا يكون في مشقه في تنشيف الرأس ..
ومن رحمه ربنا ان الوضوء تكفير لذنبك ما بين كل صلاه وصلاه ..
هقول في بوست تاني فوائد الوضوء عشان مطولش اكتر من كده 😊
هذه الفرائض من تركها عمداً بطلت صلاته، وكذلك سهواً ويجب عليه إعادة الصلاة عند تذكره ذلك اللهم بلغت اللهم فاشهد
أحسن الوضوء تحسن حياتك أبدأ بالوضوء
يا رب أكون قدرت اوصل الرساله واللي يعرف يبقي لازم عليه يبلغ متكنش طماع دا ممكن حد يعرف بسببك تفضل أنت تاخد الأجر 😍
#منقول
