اليوم جان عرس .... بطلات القصه وصار يخبل لبست فستان تركي يخبل وزوجها جان كلش فرحان واني راح احاول بهاي البومين اخلص الفصه
من #أحضنك ماأمل
عازف ويحضن #عود
شما زاد #اللحن تزداد #حنيته💔
يوم العيد
سوسو تهمس باذن نونه كل عام وانتي بخير يااغله اخت
نونه اممم وانتي بالف خير ياعمري
سوسو يله كومي عوفي النوم
نونه اي كايمه
كامت بدلت ولبست فستان جويتي ينشد ع الركبه والضهر مفتوح طويل من فوك ضيك ومن حوة غريض صار يخبل
وشسورت شعرها ونزلت ع الدرج وكعب عالي (عدهم رقيه بنت عمهم عيونها بالمكان يعني حسوده لدرجه)
نزلت نونه
رقيه يمه شنو هذا تخبل
نونه اربع بايات الدرج وكعتهن هههه (والنبي صدك اربع بايات وركعت وكامت تصبح تكسرت الله لا ينطيج رقيه)
سوسو يمه اختي شوكعج
نونه غير رقيه حجت
سوسو كومي كومي
كامن عايدن البيت كله ابوهن وامهن وعماتهن وبيبيتهن
نونه عادل ماتصل
سوسو لا
نونه اني راح اروح يم بيت جدي اليوم ابقه يومين
سوسو لا ولج واني
نونه مو تروحين وي بيت عمه ام رهف من تجي
سوسو اي بس ماراح تسلمين ع عمه
نونه لا راح اروح هسه وعود بعدين اخابرها لرهف
سوسو بكيفج
نونه بس تره اخذ الفون ويايه
سوسو بكيفج
لبست الجبه هيه وامها واخذهم
ام نونه ها كملتو
نونه اي
طلعو بقو يسولفون ونونه مو يمهمو تفكر بعادل
وصلو سلمو ع خوالهم وكذا بس نونه تفطيرها كله بي
عادل مايصير هذا اول عيد النه سوة لازم اخابرها
خابرها مغلق
عادل اوووف
على شكو
عادل مغلق
علي يمكن أهلها يمها
عادل يمكن
بقه يتصل ماكو
صار اليل يتصل ماكو
نونه النهار كله افكر بعادل
نمت ع المخده باليل امي وخالب يكرن سوالف واني بالي يم محبوبي
نمت واني ابجي كعدت ساعه 2ونص الضهر مصيطرت كلت لازم احجي ويا بس ماكدر اخابره
قرتت ادزله رساله
رسالت نونه بالحرف راح اكتبها
( مشتاقيتلك مووت
مشتاقه لكل لحضه احجي بيها وياك
مادري لذا راح تفهمني لو لا
بس اني اعرف انته تحس بيه
تدري من جنت تحجيلي ع تبارك وغيرها امووت
موت بس اكبار مااحجي وجنت خايفه من اللحضه الي تعوفي وتروحلها بيها
واني جنت ادري بس جنت اكذب نفسي
لانو مايصير كل شي نسوي اني وياك حجيك كلامك
غزلك بيه جان يكول العكس
زين تذكر من شفتني يم عمتي ع السطح من جنت خايفه من البزونه وبجيت الا ان تخربطت من اجيت انته حسيت بيك وبقيت ساكته لانو حسيت بدفو حضنك
وانته بقيت تكلي لا تخافين اني يمج لاتخافين من شي واني يمج
زين تذكر من تعاركت وي اهلي وخابرتك ابجي وكتلك لاتعوفني اني ماعندي غيرك انته هماتين كتلي ماعندي غيرج بس اشو عفتني انته ماكتلي هيج ماكتلي راح تعوفني
تذكر قبل كم يوم من كتلك اتمنى تكون اول شخص اعايده ه العيد انته تدري شكلتلي كتلي كل عام وانتي بخير ياعيدي
بس احنه هسه بالعيد وانته مو يمي
زين تذكر اشوكت اخر مره كتلي ياروحي اموووت عليج
من خابرتني الفجر وكتلي بصوت نعسان ودافي
ياروحي اممموت عليج هي هي
هسه كلهم عايدوني بس مابيها طعم لانو مو منك
زين تذكر من حجينه ع الصلاه وكتلك اني ملتزمه بيها وكتلي اي عفيه لا تعوفينها حتى نكون لبعض بالجنه ماريدج تعوفيني لوحدي
وكلمه الله يحفضج الي من كل شر تدري كل ماصلي ادعي واكول ربي يحفضك الي
بس اني زعلانه منك اكو واحد يزعل روحه
تدري كل مااتذكر هاي الكلام اكعد ابجي بس ادعيلك
اذا مجنه لبعض هسه انشاءالله بالجنه نكون لبعض
رويحتك )
رساله نونه لعادل بالضبط مثل مارسلتها هيه اله كتبكها الكم اني واتمنى يعجبكم البارت وادري بي قصير بس والله اليوم العرس وكلش تعبت
أنت تقرأ
مستقبل فتاة
Romanceقصه واقعيه تتكلم عن حياة فتاة عراقيه قبل وبعد الزواج القصه جريئه كلش فلحد يكول ليش هيج تنشرين القصه حقيقيه ولازم كلشي نحجي وتره القصه عراقيه
